ވިލާ ހޮޓެލްސް އެންޑް ރިސޯޓްސް އިން ހިންގަމުން އަންނަ ރިސޯޓުތަކުގެ ތެރެއިން ޕެރެޑައިސް އައިލެންޑް ރިސޯޓު އަންނަ ޖުލައި 15 ގައި ހުޅުވުމަށާއި ވިލާގެ އިތުރު ތިން ރިސޯޓެއް އޮގަސްޓް މަހު ހުޅުވަން އެ ކުންފުނިން ނިންމައިފިއެވެ.
ރާއްޖޭގައި ވިލާ އިން ފަސް ރިސޯޓެއް ހިންގައެވެ. އެއީ ޕެރެޑައިސް އައިލެންޑް ރިސޯޓުގެ އިތުރުން ރޯޔަލް އައިލެންޑް ރިސޯޓާއި ސަން އައިލެންޑް ރިސޯޓާއި ހޮލިޑޭ އައިލެންޑް ރިސޯޓާއި ފަން އައިލެންޑް ރިސޯޓެވެ. މި ރިސޯޓުތަކުގެ ތެރެއިން ރޯޔަލް އާއި ސަން އާއި ފަން އައިލެންޑް ހުޅުވުމަށް އެ ކުންފުނިން ނިންމާފައި ވަނީ އަންނަ އޮގަސްޓް އެއް ވަނަ ދުވަހުން ފެށިގެންނެވެ.
އެކަމަކު، ވިލާ އިން ހިންގާ ހޮލިޑޭ އިން ހުޅުވާނެ ވަކި ތާރީހެއް އެ ކުންފުނިން އަދި އިއުލާންކޮށްފައެއް ނުވެއެވެ.
އެ ކުންފުނިން ވަނީ ޕެރެޑައިސް ރިސޯޓަށް އަންނަ ޓޫރިސްޓުންނަށް ހާއްސަ އޮފާތަކެއް ވެސް ތައާރަފްކޮށްފައެވެ. ރިސޯޓުތަކަށް ޒިޔާރަތް ކުރާ ޓޫރިސްޓުންގެ ތެރެއިން ޖުލައި 15ގެ ކުރިން ބުކިން ހައްދާފައިވާ ޓޫރިސްޓުންނަށް އިތުރު ޗާޖަކާ ނުލައި ތާރީހު ބަދަލު ކުރެވޭނެއެވެ. އަދި ވަގުތު މިވަގުތު ދަތުރުކުރަން ބޭނުން ނުވާ މީހުންނަށް އެއްވެސް ޗާޖަކާ ނުލައި ބުކިން ކެންސަލް ކުރެވޭނެއެވެ.
ވިލާ އިން ވަނީ ރިސޯޓުތަކުގެ މުވައްޒަފުންނާ ޓޫރިސްޓުންގެ ރައްކާތެރިކަމަށް ހާއްސަ ފިޔަވަޅުތަކެއް އަޅައިފައެވެ.
އެގޮތުން ޓޫރިސްޓުންގެ ހުން ބެލުމާއި ކޮވިޑް-19 އަށް ޝައްކުވާ އަލާމާތްތައް ހުންނަ މީހުންގެ ޕީސީއާރު ޓެސްޓް ހެދުމާއި ވިލާތަކާއި ލައުންޖުތައް ޑިސްއިންފެކްޓު ކުރުމާއި މުވައްޒަފުންނާއި ޓޫރިސްޓުންނާ ދެމެދު ސޯޝަލް ޑިސްޓެންސިން ބެހެއްޓުން ހިމެނެއެވެ.
ވިލާ އިން ބުނި ގޮތުގައި، ރިސޯޓަށް އަންނަ ޓޫރިސްޓަކު ކޮވިޑް-19 އަށް ފައްސިވެއްޖެ ނަމަ، އެމީހަކު އެ ރިސޯޓެއްގައި ކަރަންޓީން ކުރާނެއެވެ. އަދި ސަރުކާރުން ކަނޑައާޅާފައިވާ މެޑިކަލް ފެސިލިޓީއަކަށް ގެންދަން ޖެހިދާނެ ކަމަށް ވެސް ވިލާ އިން ބުންޏެވެ.
ކޮވިޑް-19އާ ގުޅިގެން ރާއްޖޭގެ ޓޫރިޒަމް ހުއްޓިފައި އޮތް ނަމަވެސް ޖުލައި 15 ގައި ރާއްޖޭގެ ބޯޑަރު ހުޅުވާލާނެ ކަމަށް ސަރުކާރުން ވަނީ ހާމަކޮށްފައެވެ.
ވިލާ އިން ވަނީ ރިސޯޓުތަކުގެ މުވައްޒަފުންނާ ޓޫރިސްޓުންގެ ރައްކާތެރިކަމަށް ހާއްސަ ފިޔަވަޅުތަކެއް އަޅައިފައެ ވެ، ވާހަކަ ކިހާރީތިި
މާރޗްމަހު މުސާރަ އަދި ވެސްނުދޭ. ރަމަޟާން މަހުގެ އިނާޔަތް ކޮޅު ވެސްނުދޭ ސްޓަރފުންނަށް އެޅިހާ ވެސްފިޔަ ވަޅަކީީ މުސާރަނުދީ ބުރަކޮއް މަސައްކަތް ކުރު ވުން، އަދިި ސަކު ވާ ކޮއްފިނަމަ ފޮނު ވާލުން. ގާސިމް ގެ ދަށު ވެފައި ސަރުކާރު އޮންނަނީ
ވިލާރިސޯޓްތަކުގައި މަސައްކަތްކުރާ މުއައްޒަފުންނައްމިހާރު ސޭޓަކީ މުއައްޒަފުންނައް ކިހާއިހްލާސްތެރިމީހެއްކަން ވަރައްސާފުކޮށް އެނގޭނެ
ޥިލާއިން ހޮލިޑޭއިން ހިންގާ ކަމެއް ނޭގެ!
މަރުހަބާ ހަޤީގަތަކީ ގެއްލުމުމުގަ ރިސޯޓްހިންގަން ރިސްކުނަގައިގެން އަބަދުވެސް ދިވެހިދައުލަތައް ޤުރުބާންވާ ބޭފުޅެއް ޤާސިމަކީ