ބޭންކް އޮފް މޯލްޑިވްސް (ބީއެމްއެލް) އިން ފޯރުކޮށްދޭ އިންޓަނެޓް ބޭންކިންއާއި މޯބައިލް ބޭންކިންގެ އޮންލައިން ހިދުމަތްތައް ހޯދުމުގައި ދަތިތައް ދިމާވުން އެކަށީގެންވާ ކަމަށް އެ ބޭންކްއިން ބުނެފިއެވެ.
ބީއެމްއެލް އިން މިހެން ބުނެފައިވަނީ މިއަދު ހެނދުނު މާލެ ސަރަހައްދުގައި ކަރަންޓުގެ ހިދުމަތް ދޭތެރެ ދޭތެރެއިން ކެނޑުމުން އެކި ހިދުމަތްތައް ފޯރުކޮށްދިނުމުގައި ބުރޫއު އަރާފައިވަނިކޮށެވެ.
ބީއެމްއެލްއިން ކުރި ޓްވީޓެއްގައި ބުނީ އިންޓަނެޓް ބޭންކިންއާއި ބީއެމްއެލްގެ މޯބައިލް އެޕްލިކޭޝަންގެ ހިދުމަތްތައް ހޯދުމުގައި ދަތިތަކެއް ކުރިމަތިވުން އެކަށީގެންވާ ދިމާވި ބައެއް ޓެކްނިކަލް މައްސަލަތަކާ ގުޅިގެން ކަމަށެވެ.
އެ މައްސަލަތައް ހައްލު ކުރުމަށް މަސައްކަތް ކުރެވެމުން އަންނަ ކަމަށާއި ދިމާވާނެ ދަތިތަކަށް ކަސްޓަމަރުންގެ ކިބައިން މައާފަށް އެދޭ ކަމަށް އެ ޓްވީޓްގައިވެއެވެ.
Due to a technical issue, customers may experience interruptions to our Internet Banking and Mobile App service. We are working to resolve this as soon as possible. Our apologies for any inconvenience caused.
— Bank of Maldives (@bankofmaldives) October 23, 2020
މިއަދު ހެނދުނު އަށެއް ޖަހާކައަށް ހާއިރު މާލޭގެ ބައެއް ސަރަހައްދުތަކުން ކަރަންޓު ކެނޑިގެން ދިޔައީ ސްޓެލްކޯގެ އިންޖީނުތަކަށް ދިމާވި ޓެކްނިކަލް މައްސަލައަކާ ހުރެއެވެ.
އެ މައްސަލަ ހައްލުކޮށް އަލުން ކަރަންޓު ދިންތާ އިރުތަކެއް ނުވެ ސްޓެލްކޯގެ ކަރަންޓުގެ ވިއުގައަށް ދިމާވި މައްސަލަތަކާ ހުރެ މުޅި މާލެއިން ދޭތެރެ ދޭތެރެއިން ކަރަންޓު ކެނޑި، ލިބި، އަލުން ކެނޑެމުން ދިޔައެވެ. މުޅި މާލެއިން ކަރަންޓު ކެނޑިފައި ހުރިތާ ވެސް އިރުތަކެއް ފަހުން ކަރަންޓުގެ ހިދުމަތް ލިބުނީ މެންދުރު ވުމުންނެވެ.
ކިހާ ދެރަކަމެއް....
އެބުނީ ރަނގަޅުވާހަކައެއް ކަރަންޓު ކެނޑިފާހުރިއިރުވެސް ހުރިހާ ބޮތްކެއްހުރީދިއްލިފަ ފަންކާތައްވެސް އެނބުރޭ!
ކަރަންޓު ކެނޑިފަ ހުރި އިރުވެސް މީޓަރު އެނބުރޭ ބާރުމިނުގަ އެނބުރޭ.
އިންޓަނެޓް ބޭންކިންއާއި މޯބައިލް ބޭންކިންގެ ހިދުމަތަށް ބުރޫއު އަރާފާނެ ކަމައް ވިދާޅު ނުވޭ މިހާރު ކަރަންޓު ލިބުން ފަހުންވެސް 8 ގަޑިއިރު ތިޔަ އެއްވެސް ހިދުމަތެއް އަދި ނުލިބޭ...ރަނގަޅު ވައްކަމެއް ކޮއްލީ ނޫންބާ އެނެއްކަ.