އީރާނުގެ ވެރިރަށް ތެހެރާންގެ ހުޅަނގުގައި އޮންނަ ކަރަޖް އެއާޕޯޓް ކައިރިއަށް ކާގޯ ފްލައިޓެއް ވެއްޓިއްޖެއެވެ.
އީރާންގެ މީޑިއާ ރިޕޯޓްތައް ބުނާ ގޮތުގައި ވެއްޓިފައި ވަނީ ބޮއިން 707 ގެ ކާގޯ ފްލައިޓެކެވެ. ފްލައިޓް ވެއްޓުނު އިރު ފްލައިޓްގައި ދިހަ މީހުން ތިއްބެއެވެ. އޭގެ އިތުރުން ގިނަ އަދަދެއްގެ މުދާ ވެސް ފްލައިޓްގައި ހުއްޓެވެ. ފްލައިޓް ވެއްޓުނު ހާދިސާގައި ފްލައިޓްގައި ތިބި އެންމެން މެރުވި ކަމެއް އަދި ރަސްމީ އިދާރާއަކުން ކަށަވަރު ކޮށެއް ނުދެއެވެ.
ފްލައިޓް ވެއްޓުނީ ކިރްގިސްތާންގެ ބިޝެކްކް އިން ނައްޓާލައިގެން އީރާނުގެ ކަރަޖް އެއާޕޯޓް ގައި ޖައްސަން އުޅުމުގެ ތެރޭގައެވެ.
މިހާތަނަށް ބެލެވިފައިވާ ގޮތުގައި ފްލައިޓް ވެއްޓުނީ މޫސުން ގޯސްވުމުގެ ސަބަބުން ރަންވޭ ނުފެނިގެންނެވެ. ނަމަވެސް އެކަން ކަށަވަރު ވާނީ އަދި އިތުރަށް ތަޙްޤީޤު ކުރިއަށް ގެންގޮސްގެންނެވެ.
جدیدترین تصویر از سانحه بوئينگ٧٠٧ pic.twitter.com/1ZHSjqgRpm
— خبرگزاری فارس (@FarsNews_Agency) January 14, 2019
ވެއްޓުނު ފްލައިޓަކީ ކޮން ގައުމަކަށް ނިސްބަތްވާ ކޮން ކުންފުންޏެއްގެ ފްލައިޓެއްކަން އަދި މީޑިއާތަކުން ކަށަވަރު ކޮށްދީފައެއް ނުވެއެވެ.
🔴منابع خبری به فارس گفتند این هواپیمای باری متعلق به نیروی هوایی ارتش و حامل محموله گوشت از قرقیزستان بوده/یکی از مسئولان سازمان هواپیمایی کشوری: بررسی دلایل قطعی وقوع سانحه هواپیماهای نظامی در کمیته بررسی سانحه همان نهاد نظامی انجام می‌شود. pic.twitter.com/L0Hifo8eyf
— خبرگزاری فارس (@FarsNews_Agency) January 14, 2019
އީރާނަކީ ވައިގެ ދަތުރުފަތުރުގެ ހާދިސާތައް ހިނގުން ގިނަ ގައުމެކެވެ. މިދިޔަ އަހަރު ފެބްރުއަރީ މަހު އެގައުމުގައި ފްލައިޓެއް ވެއްޓި 65 މީހުން މަރުވިއެވެ. 2014 ވަނަ އަހަރު ފްލައިޓެއް ވެއްޓި 40 މީހުން ވެސް މަރުވެފައި ވެއެވެ.
