ފަލަސްތީނުގެ ބިންތަށް ފޭރިގަނެ އިސްރާއީލުން އެމީހުންގެ އަމިއްލަ ދައުލަތެއް ގާއިމު ކުރިތާ 71 އަހަރު ފުރުމާއި ދިމާކޮށް "ނަކްބާ ދުވަސް" ފާހަގަ ކުރަން މިއަދު ބާއްވާ ބޮޑު މުޒާހަރާ އާއި ދިމާކޮށް އިސްރާއީލުގެ ސިފައިން ހުޅަނގު އައްސޭރި ޣައްޒާގެ އިން މިހާރު ވަނީ އެލާޓަށް ގެނެސްފައެވެ.
މި މުޒާހަރާ އަދި ފަށާފައި ނުވިނަމަވެސް އިސްރާއީލުގެ ސިފައިން ވަނީ މި މުޒާހަރާގައި ޣައްޒާގެ ކުޑަކުދިން ބައިވެރިކުރުމަށް ހަމާސްއިން މަސައްކަތް ކުރާ ކަމަށް ތުހުމަތު ކޮށްފައެވެ. އަދި އިސްރާއީލުން ބުނީ މި މުޒާހަރާގައި އެއްވެސް ކަހަލަ ހަމަނުޖެހުމެއް ހިގާނަމަ ނުވަތަ އިސްރާއީލަށް ހަމަލާއެެއް ދޭނަމަ ރައްދުދޭނެ ކަމަށް ބުނެފައެވެ.
އިސްރާއީލުން މިހެން ބުނި އިރު މިއަދު މުޒާހަރާގައި ފަލަސްތީނުގެ މީހަކު ޝަހީދު ވެއްޖެނަމަ، އޭގެ ރައްދު ހަމަލާ ވަގުތުން ވަގުތަށް ދޭނެ ކަމަށް ބުނެ ފަލަސްތީނުގެ ޖަމާއަތެއް ކަމަށްވާ އިސްލާމިކް ޖިހާދުން ވަނީ އިސްރާއީލަށް އިންޒާރު ދީފައެވެ.
NAKBA Day
15-May-1948
We will keep the flag high in the sky until the freedom find the way to us. pic.twitter.com/RvsfDaxV5q— ahmed elastal (@AElastal) May 15, 2019
މިއަދު ބޮޑު މުޒާހަރާގައި ފަލަސްތީނުގެ ރައްޔިތުނާއި ދެކޮޅަށް އިސްރާއީލުން ބާރުގެ ބޭނުން ކުރާނެ ކަމަށް ބެލެވޭއިރު މިއަދާ ހަމައަށް މި ހިނގި 71 އަހަރުގެ ކޮންމެ މެއި 15 ވަނަ ދުވަސް ފަލަސްޠީނު ރައްޔިތުން ދެކެނީ އިސްރާއީލުގެ އަނިޔާވެރިކަމާ ދެކޮޅަށް ތެދުވުމުގެ އައު ހިތްވަރެއް ކަމުގައެވެ.
ރިޕޯޓްތައް ބުނާގޮތުގައި މިއަދު ބާއްވާ ބޮޑު މުޒާހަރާގައި ފަލަސްތީނުގެ އެއްމިލިއަން މީހުން ބައިވެރިވާނެއެވެ. މިއަދުގެ ބޮޑު މުޒާހަރާއަށް ފަލަސްތީނުގެ ސަރުކާރުގެ އިދާރާތަށް ވެސް ވަނީ ތައްޔާރީ ހާލަތަށް ގެނެސްފައެވެ.
އިސްރާއީލުން ފަލަސްތީނުގެ ބިމަށް އަތްގަދަކޮށްފައިވާއިރު މިދިޔަ އަހަރު މާޗް މަހުން ފެށިގެން ޣައްޒާގައި އިސްރާއީލުން ހިންގި ގަތުލް އާންމުގައި ޝަހީދުވި ފަލަސްތީނުގެ މީހުންގެ އަދަދު 300 އަށް ވުރެން މައްޗަށް އަރައެވެ.
ޔާ ﷲ ... މި ބަރަކާތްތެރި ރަމަޟާން މަހު ފަލަސްތީނުގެ ރައްޔިތުންނަށް ނަޟްރު ދެއްވާންދޭވެ...
އާމީން
ޔާﷲ މިބަރަކާތްތެރި މައްސަރުގައި ފަލަސްޠީނުގެ އެންމެހައި މުސްލިމުން ނަޞްރާއި ކާމިޔާބު ދެއްވައި އިސްރާއީލުން ބަލިކުރައްވައި ނިކަމެތި ކުރައްވައި ފަލަސްޠީނުގެ އެންމެހާ ބިންތައް ފަލަސްޠީނުގެ މުސްލިމުންނަށް ދެއްވައި އެބިމުން އިސްރާއީލުގެ ދައުލަތް ބޭރުކުރައްވައި އިސްރާއީލް ނިކަމެތިކުރަށްވައިފާންދޭވެ އާމީން