އީރާނުން "އޮޅިގެން" ޔޫކްރޭންގެ ބޯޓު ވައްޓާލި މައްސަލާގައި އެގައުމުގައި ހިނގަމުންދާ މުޒާހަރާތަކުގައި ބައިވެރިވާ ފަރާތްތައް މަރައިގެން ނުވާނެ ކަމަށް ބުނެ އެމެރިކާގެ ރައީސް، ޑޮނަލްޑް ޓްރަމްޕް އީރާނަށް އިންޒާރު ދީފިއެވެ.
ޔޫކްރޭން ބޯޓު ވެއްޓުނު ހާދިސާ ދިމާވީ، އެ ބޯޓަކީ އެމެރިކާއިން ފޮނުވި މިސައިލެއް ކަމަށް ހީކޮށް ކަމަށް އީރާނުން ވަނީ ބުނެފައެވެ. ނަމަވެސް އެހާދިސާގައި އެ ބޯޓުން ދަތުރުކުރި އެންމެން ވަނީ މަރުވެފައެވެ. އެކަމާ ގުޅިގެން އެގައުމުގެ ޔުނިވާސިޓީތަކުގެ ދަރިވަރުން ނުކުމެ ރޭ ވެސް ވަނީ އެގައުމުގެ ސަރުކާރާ ދެކޮޅަށް މުޒާހަރާކޮށްފައެވެ.
އެ މުޒާހަރާތަކާ ގުޅިގެން އެމެރިކާގެ ރައީސް، ޓްރަމްޕް ބުނެފައިވަނީ އޭނާ ހުންނާނީ މުޒާހަރާގެ ބައިވެރިނާ އެކުގައި ކަމަށެވެ. މީގެ އިތުރުން ޓްރަމްޕް މިއަދު ކުރި ޓްވީޓެއްގައި ބޮޑު އަކުރުން ބުނެފައިވަނީ "މުޒާހަރާގެ ބައިވެރިން މަރައިގެން ނުވާނެ. އެމެރިކާ މިއޮތީ ބަލައިގެން" ކަމަށެވެ.
"އީރާނުގެ ލީޑަރުންނަށް! މުޒާހަރާގެ ބައިވެރިން މަރައިގެން ނުވާނެ. މިހާރުވެސް ހާހަކަށްވުރެ ގިނަ މީހުން ވަނީ މަރާލާފަ ނޫނީ ޖަލަށް ލާފަ. މުޅި ދުނިޔެ މިއޮތީ ބަލައިގެން. ޚާއްސަކޮށް އެމެރިކާ މިއޮތީ ބަލައިގެން. އިންޓަނެޓުގެ ޚިދުމަތް އަލުން ފަށާ. އަދި ރިޕޯޓަރުންނަށް އެމީހުންގެ މަސައްކަތް ކުރުމުގެ ޖާގަ ދީ. އީރާނުގެ ލޮބުވެތި ރައްޔިތުން މެރުން ހުއްޓާލާ،" ޓްރަމްޕް ގެ ޓްވީޓުގައި ވެއެވެ.
މީގެ އިތުރުން މީގެ ކުރިން އޭނާ ކޮށްފައިވާ ޓްވީޓެއްގައި ބުނެފައިވަނީ ސުލްހަވެރި އެއްވުންތަކާ ގުޅިގެން އިތުރު ލޭ އޮހޮރުވުންތަކެއް ބޭނުން ނުވާ ކަމަށާއި، އިންޓަނެޓުގެ ޚިދުމަތްވެސް ހުއްޓާލައިގެން ނުވާނެ ކަމަށެވެ.
އީރާންގައި ހައްޔަރުކޮށްފައި ތިބި އެމެރިކާ މީހުން ދޫކޮށްލަން ޑީލެއް ހަދައިފި - ރިޕޯޓް
- 8 މަސް ކުރިން
- 2
ސާބަހޭ ޓްރަމްޕް.
ކަލޯކިއެވީއެމެޜިކާްއިންތަ
ސާބަހެ ރައީސް ޓްރަމްޕް
އަހަރުމެން އުފާކުރަން އީރާނައި ދެކޮޅަށް ތިކުރާ މަސައްކަތަށްޓަކަ.
ތީހަމަހުސް ކަލޭގެސަބަބުންއުފެދޭ މައްސަލަ
ކަޝްމީރު ސުންނާފަތި ކުރި އިރު އެމެރިކާ އޮތީ ހަނު.
ތްރަމްޕް އަކީ ބަތޮލެއް. ނޯބެލް ޕްރައިޒް ދޭން ޖެހޭ.
ކަލޭ މަތަކުރަން ދެން ނުކުންނާނީ މަ.އެގިއްޖެ
ކޮމާންޑަރު އެކަނިތަ އަވަހާރަވީ
އަހަރުމެން މިތިބެނީ އީރާނުން އެމެރިކާ ސައިޒަން ތިރިކުރާތަން ބަލަން ކެތްމަދުވެފަ މީ ކޯއްޗެން ހަދާބައެއްތަ ؟!!!!!!!!! މަވާ ލަދުން ބޯ ހަލާކު