ޕާކިސްތާނުގައި އެއްދުވަހުން އެއްމިލިއަން ޑޯޒް ކޮވިޑް ވެކްސިން ޖަހާފައިވާ ކަމަށް ފެޑެރަލް ޕްލޭނިންގް ޑިވެލޮޕްމެންޓް އެންޑް ސްޕެޝިއަލް އިނީޝިއޭޓިވް މިނިސްޓަރ އަސަދް އުމަރް މިދިޔަ އަންގާރަ ދުވަހު އިއުލާން ކޮށްފިއެވެ.
ޕާކިސްތާނުގައި އެއްދުވަސްތެރޭ ވެކްސިން ދިން މީހުންގެ އަދަދު މިހާ މަތިވެފައިމިވަނީ އެ ގައުމުގެ ފިހާރަތަކާއި ހޮސްޕިޓަލްތަކާއި ސުކޫލްތަކަށް ކޮވިޑް ވެކްސިން ނުޖަހާ މީހުން ވަނުން މަނާކުރުމާއެކުއެވެ.
މިނިސްޓަރ އަސަދު ކުރެއްވި ޓްވީޓެއްގައި ވިދާޅުވީ އަމާޒަށް ވާސިލް ވެވިއްޖެ ކަމަށާއި، މިއީ އެންމެން ބައިވެރިވެ ކުރި މަސައްކަތްކަތުގެ ނަތީޖާ ކަމަށެވެ. އަދި އެއާއި ގުޅިގެން އިތުރަށް ކުރެއްވި ޓްވީޓެއްގައި ސިޓީތަކުން ކޮވިޑުން ދިފާއުވުމަށް ވެކްސިންގެ ފުރަތަަމަ ޑޯޒް ފުރިހަމަ ކޮށްފައިވާ މީހުންގެ އަދަދު ވަނީ ހާމަކޮށްފައެވެ.
"ޕާކިސްތާނުގެ ސިޓީތަކުގެ ތެރެއިން ވެކްސިން ޖެހޭ އާބާދީގެ 50 އިންސައްތައަށް ވުރެ ގިނަ ބަޔަކަށް ވެކްސިންގެ ފުރަތަމަ ޑޯޒް ޖެހި ފުރަތަމަ ސިޓީއަކަށް އެއް މިލިއަން މީހުންގެ އާބާދީ އޮންނަ އިސްލާމްއާބާދް ވެއްޖެ" މިނިސްޓަރ ކުރެއްވި ޓްވީޓްގައި ލިއެފައިވެއެވެ.
ޕާކިސްތާނުގައި މިދިޔަ ހޯމަ ދުވަހުގެ ނިޔަލަށް 31.9 މީހުންނަށް ވެކްސިން ދީފައިވާއިރު، ދުވާލަކު އެއް މިލިއަން މީހުންނަށް ވެކްސިން ދެމުން އަންނަ ކަމަށް ރިޕޯޓުތައް ބުނެއެވެ.
Over 1 Million COVID vaccine doses administered in Pakistan yesterday - highest nmbr so far
We've also crossed 30 million (cumulative) doses. Last 10 million doses took 16 days - ~8x faster than what it took to administer first 10 million.
Kudos to all who hv made this happn pic.twitter.com/Fq1u4teCyI
— Faisal Sultan (@fslsltn) August 3, 2021
ސިއްހީ ދާއިރާއިން ޕާކިސްތާނުގެ ބޮޑުވަޒީރަށް އެހީތެރިވުމަށް ހަމަޖައްސާފައިހުންނަ ޑރ ފައިސަލް ސުލްތާން ކުރެއްވި ޓްވީޓެއްގައި ވަނީ އެއް ދުވަހުން އެއް މިލިއަން ޑޯޒް ވެކްސިން އެގައުމުގައި ޖަހާފައިވާކަން ކަށަވަރު ކޮށްދީފައެވެ.
ވެކްސިން ޖަހަން ގިނަ މިހުން ކިޔުގައި ތިބި އިރު ވެކްސިން ސަޕްލައިގެ މައްސަލަތަކަކާއި ވެސް ކުރިމަތިލާން ޖެހިފައިވާ ކަމަށް ރިޕޯޓު ކޮށްފައިވެއެވެ.