ސްޕެއިން އަށް އައި ބިންހެލުމުގެ ސަބަބުން އެގައުމުގެ އަލިފާން ފަރުބަދައެއް ގޮވައި "އަލިފާނުގެ ސުނާމީ" އެއް އަރައިފިއެވެ.
އެގައުމުގެ ރަށެއް ކަމަށްވާ ލަ ޕަލްމާއަށް މީގެ ދެދުވަހެއް ކުރިން 4.5 މެގްނެޓިއުޑް ބާރުމިނުގައި އައި ބިންހެލުމުގެ ސަބަބުން އަލިފާން ފަރުބަދަ ގޮވުމާއި ގުޅިގެން ސައިންސްވެރިން ބުނެފައިވަނީ އެގައުމަށް އަރާފައިވަނީ އަސްލަށް ވެސް ދިޔާ އަލިފާނުގެ ސުނާމީއެއް ކަމަށެވެ.
މީޑިއާ ރިޕޯޓްތައް ބުނާ ގޮތުގައި އެ އަލިފާން އެޓްލާންޓިކް ކަނޑާއި ދިމާލަށް ދާތީ މިހާތަނަށް 300 މީހަކު ރައްކާތެރި ހިސާބުތަކަށް ބަދަލުކޮށްފައި ވެއެވެ. އެއާއި އެކީ މިހާތަނަށް ރައްކާތެރި ހިސާބުތަކަށް ބަދަލުކުރި މީހުންގެ އަދަދު ވަނީ 1200 އަށް އަރާފައެވެ.
އެގައުމުގެ ސަރުކާރުން ބުނެފައިވަނީ ބައެއް ފަރާތްތަކަށް ރައްކާތެރިކަން ފޯރުކޮށްދީފައިވާއިރު، 7000 ވުރެ ގިނަ މީހުން ވަނީ އެސަރަހައްދު ދޫކޮށް ފިލާފައިވާ ކަމަށެވެ.
Uno de nuestros equipos ha podido filmar hoy un verdadero "tsunami" de lava. Impresionante velocidad y desborde del canal lávico / today one of our crew was able to film a truly lava "tsunami". Amazing speed and overflow of the lava channel. pic.twitter.com/aoKiUSJ2bX
— INVOLCAN (@involcan) October 14, 2021
85،000 އަށްވުރެ ގިނަ މީހުން އުޅޭ އެރަށުގައި ހިނގާދިޔަ މި ހާދިސާގައި މިހާތަނަށް އެއްވެސް މީހަކަށް އަނިޔާވެފައި ނުވާ ކަމަށް ރިޕޯޓްތަކުން ބުނެއެވެ. އަދި ފަތުރުވެރިކަމާއި ދަނޑުވެރިކަމަށް ބަރޯސާވެފައިވާ އެރަށަށުގެ އެފަދަ ތަންތަނަށް ވެސް ގެއްލުމެއް ނުވާ ކަމަށް ރިޕޯޓްތަކުން ބުނެއެވެ.
މި ހާދިސާގައި އެއްވެސް ގެއަކަށް ގެއްލުންތަކެއް ނުވި ނަމަވެސް، އެހެން ގައުމުތަކުގައި ހިނގާ މިފަދަ ހާދިސާތަކުގައި ބައެއް ގެތަކަށް ގެއްލުންވާކަން ފާހަގަ ކޮށްލެވެއެވެ.
