އިންޑިއާގެ ސްޓޭޓެއް ކަމަށްވާ އަސާމްގައި ސެލެބްރީޓީއަކަށްވި ކޮވިޑް-19 އާ ދެކޮޅަށް މަސައްކަތް ކުރާ ޑޮކްޓަރުގެ ނެށުމުގެ ހުނަރުގެ ވާހަކަ އެތައް ބަޔަކު އެބަ ދައްކައެވެ. އެ ޑޮކްޓަރު ނެށީ، ކޮވިޑް-19 ބަލީގެ މީހުން ހެއްވާލުމަށެވެ. އެކަން އެންމެ ބޮޑަށް އަޅައިގަތީ އިންޑިއާގެ މަޝްހޫރު ފިލްމީ ތަރި އަދި ނެށުން ތެރިޔާ ރިތިކް ރޯޝަން އެވެ.
އިންޑިޔާގެ ކަރުންމަތީގެ ޑޮކްޓަރެއް ކަމަށްވާ އަރުޕް ސެނަޕަތީ ނަށާ އެ ވީޑިއޯ ޓްވީޓާގައި އާއްމުކޮށްފައި ވަނީ ޑރ. ސައިދް ފައިޒާން އަހުމަދު އެވެ. އޮކްޓޯބަރު 18 ވަނަ ދަވަހު އާއްމު ކުރި އެ ވީޑިއޯއިން ފެންނަނީ ޑރ. ސެނަޕަތީ ހިންދީ ފިލްމް ވާގެ ލަވައެއް ކަމަށްވާ ''ގުންގުރޫ''ގެ ލަވައަށް ނަށާ ތަނެވެ. އޭނާ އެ ލަވައަށް ނަށާފައި ވަނީ ޕީޕީއީ އަޅައިގެން ހުރެ އެވެ.
Meet my #COVID duty colleague Dr Arup Senapati an ENT surgeon at Silchar medical college Assam .
Dancing infront of COVID patients to make them feel happy #COVID19 #Assam pic.twitter.com/rhviYPISwO— Dr Syed Faizan Ahmad (@drsfaizanahmad) October 18, 2020
އެތައް ބައެއްގެ ސަމާލުކަން އޭނާގެ ނެށުމަށް ލިބިގެން ދިޔައެވެ.
އެ ޑޮކްޓަރު ނެށި ލަވައިގެ އަސްލު ލަވާގައި ހިމެނޭ ރިތިކް ރޯޝަންއަށްވެސް ވަަރަށް ބޮޑަށް އެ ޑޮކްޓަރުގެ ނެށުން ކަމުގޮސް ފިއެވެ.
"ޑޮކްޓަރު އަނުޕް ކައިރީގައި ބުނޭ، އަހަރެން އޭނާގެ ސްޓެޕްތައް ދަސް ކުރުމަށްފަހު، އޭނާ އެ ނަށާހާ މޮޅަށް ކޮންމެވެސް ދުވަހަކުން އަސާމްގައި ނަށާނެއޭ". ރިތިކް ރޯޝަން އެގޮތަށް ލިޔެ ޓްވީޓް ކޮށްފައި ވެއެވެ.
Tell Dr Arup I’m gonna learn his steps and dance as good as him someday in Assam . Terrific spirit . 🕺🏻 https://t.co/AdBCarfCYO
— Hrithik Roshan (@iHrithik) October 19, 2020
މީޑިއާ ރިޕޯޓްތައް ބުުނާގޮތުގައި، އެ ޑޮކްޓަރު ނަށާފައި ވަނީ ސިލްޗަރް މެޑިކަލް ކޮލެޖް އެންޑް ހޮސްޕިޓަލްގެ ކޮވިޑް-19 އަށް ފަރުވާދޭ ކޮޓަރިއެއްގައެެވެ.
