ބިދޭސީ މަސައްކަތްތެރި ބަރާކޮށްގެން ސިނަމާލެ ބްރިޖް މަތިން ދަތުރުކުރި ދެ އުޅަނދެއް ހުއްޓުވައި ޑްރައިވަރުންގެ ލައިސެންސް ހިފަހައްޓައިފިއެވެ.
މީސްމީޑިއާގައި އާންމުވެފައިވާ ފޮޓޯތަކާއި ވީޑިއޯޓަކުން ފެންނަނީ ޓިނު ޖަހައިގެން ޕިކަޕެއްގެ ފަހަތުގައި ކޮއްޓެއްހެން ހަދާފައި ހުރި ތަނަކަށް ބިދޭސީ މަސައްކަތްތެރިން ފުރާ އަރުވައިގެން ބްރިޖުމަތިން ދަތުކުރަމުން ދިޔަ މަންޒަރެވެ.
އާންމުންގެ މީހަކު ކުރި ސުވާލަކާ ގުޅިގެން ފުލުހުންގެ ތަރުޖަމާނު ޗީފް ސްޕްރިންޓެންޑެންޓް އޮފް ޕޮލިސް އަޙްމަދު ޝިފާން "އެކްސް"ގައި ކުރެއްވި ޕޯސްޓެއްގައި ވިދާޅުވީ، އެއީ މަނާ ކަމެއް ކަމަށާއި އެފަދަ ކަންކަން ހުއްޓުވަން ފުލުހުން އިތުރަށް ސަމާލުކަން ދޭނެ ކަމަށެވެ.
އެކަމާ ގުޅިގެން މީޑިއާތަކަށް ފޮނުވި މެސެޖުގައި ވެސް ފުލުހުން ވިދާޅުވީ އެއީ ގަވައިދާ ހިލާފަށް މީހުން އަރުވައިގެން ދުއްވި އުޅަނދުތަކެއް ކަމަށެވެ.
ޝިފާން އެކްސްގައި އިތުރަށް ވިދާޅުވީ، އެ ޕިކަޕުތައް ދުއްވި މީހުންގެ ލައިސެންސް ހިފަހައްޓާފައިވާ ކަމަށެވެ. އަދި އެ ދެ ޕިކަޕުގެ ތެރެއިން އެއް ޕިކަޕު ޓޯކޮށްފައިވާ ކަމަށެވެ.
Police stopped two overcrowded vehicles on the Sinamale bridge today. One vehicle was impounded, and the licenses of two drivers were confiscated. pic.twitter.com/d7VUKVZRv2
— Ahmed Shifan (@Shifan4040) June 15, 2024
އެ މައްސަލައާއި ގުޅިގެން ފުލުހުން ވިދާޅުވީ، ހުއްދަ ނެތި ގަވައިދާ ހިލާފަށް މީހުން އަރުވައިގެން މާލެއިން އެއާޕޯޓަށް މިއަދު ދަތުރުކުރި އުޅަނދެއް ހުށްޓުވައި ޗެކް ކުރިއިރު އެ އުޅަދަކީ ބީ ޒޯންގައި ރަޖިސްޓާ ކޮށްފައިވާ އުޅަނދެއްކަން އެނގިފައިވާ ކަމަށެވެ.
ބީ ޒޯންގައި ރަޖިސްޓާ ކޮށްފައިވާ އުޅަނދެއް އޭ ޒޯންގައި ދުއްވުމާ އަދި އުޅަނދުގެ އަހަރީ ފީ ހަމަވެފައި ވާތީ ފިޔަވަޅު އަޅައި އެ އުޅަނދު ވަނީ ޓޯ ކޮށްފައި ކަމަށް ފުލުހުން ވިދާޅުވިއެވެ.
ބަޔަކު ރިޕޯރޓް ކުރީމާ ކަންކަން ކުރަންތިބޭނަމަ، ދެންވެސް ތިބޭނީ ހަމަ ތިހެން. އަދިވެސް ބްރިޖު އަރާ ތަނުގައާއި ފައިބާ ތަނުގައާއި ބްރިޖު ދަށުގައި ޕޮލިސް ޕޯސްޓް ހަދާފައި ބަހައްޓާ. ފޯނުން ގޭމުކުޅެން ތިބެދާނެނުން. ދޯ
ބަޔަކު ރިޕޯރޓް ކުރީމާ ކަންކަން ކުރަންތިބޭނަމަ، ދެންވެސް ތިބޭނީ ހަމަ ތިހެން. އަދިވެސް ބްރިޖު އަރާ ތަނުގައާއި ފައިބާ ތަނުގައާއި ބްރިޖު ދަށުގައި ޕޮލިސް ޕޯސްޓް ހަދާފައި ފޯނުން ގޭމުކުޅެން ތިބެދާނެނުން. ދޯ
އަސްލު ގިނަ ފުލުހުންގެ ދެންވަރު ވ ދައް. އަދި ވާހަކަ ދެއްކުމުގެ ބަހުރުވަ، ބަސްމަގުވެސް.. މިކަން އިއްޔެވެސް ތަޖުރިބާ ކޮށްފިން.
ބަރާބަރު. ހަމަޔަކަށް އެޅޭނެ ތިހެން ހިފަހައްޓާލައިފިއްޔާ. ޖަލަށް ވެސް ލާން ވީ ލާވަރުވަންޏާ
އުޅަނދުގެ ވެރިފަރާތް ބޮޑު އަދަދަކުން ޖުރިމާނާ ކުރަންޖެހޭ.
ނުހުއްޓުވޭނެ ، މީގެ 1 ހަފްތާކުރިން ހަމަ ތިކަމެއް ދިމާވެފަވީ ، އަނެއްކާ ތަކުރާރުވީތި ! ދެން ކީއްކުރާ ޕޯސްޓެއްތޯ މާލެފައިބާ ތަކުގައި އެއޮތީ
ރަޖިސްޓްރީ ބާތިލް ކުރަންޖެހޭ
ކަމެއް ހިންގާ ނިމުނީމާ ކަންކުރަން ތިބެނީ.
ޕޮލިހުން ތިބީމަ ނޫންތޯ ޤަވާޢިދާއި ޚިލާފަށް ދުއްވި އުޅަނދު ހިފަހައްޓާ ފިޔަވަޅު އެޅިގެން އެދިޔައީ. ރަނގަޅަށް ވިއްޔާ މީހުން އަރުވާ ބަރާކޮށްގެން ދިޔަ ތިޔަ ޕިކަޕް ދުއްވަން އިންނާނީ ބިދޭސީ އަކަށްވާނީ.
ރަސްމީ ލިޔެކިއުމެއް ނެތި ޤަވާޢިދާއި ޚިލާފަށް ތިޔަ ބިދޭސީން މިޤައުމުގައި އުޅެ އުޅެ އެމީހުން ތަބާވާ އެއްވެސް ޤަވާޢިދެއް އަދި ޤާނޫނެއް މިޤައުމުގައި ނެތް. ޤަވާޢިދާއި ޚިލާފަށް އުޅެމުންދާ މިބިދޭސީންގެ ސަބަބުން މިޤައުމުގެ ސަލާމަތަށް މިވަނީ ނުރައްކާވެފައި. އެއްވެސް ސަރުކާރަކުން މިބިދޭސީންގެ މަސްއަލައަށް ސީރިއަސް ޙައްލެއް ގެންނާން އުޅޭ ތަނެއް ނުފެނޭ. ދައްކަނީ ހުސް ވާހަކަތަކެއް.