މަސްވެރިންނަށް ދޭން ޖެހޭ 53 މިލިއަން ރުފިޔާ ޖަމާކޮށްދީފިއެވެ.
މޯލްޑިވްސް އިންޑަސްޓްރިއަލް ފިޝަރީޒް ކަމްޕެނީ ލިމިޓެޑް (މިފްކޯ) އިން ބުނީ 27 ޖޫން ނުވަތަ މިދިޔަ ބުރާސްފަތި ދުވަހުގެ ނިޔަލަށް އޮޑިވެރިންނަށް ދައްކަންޖެހޭ 53 މިލިއަން ރުފިޔާ މަސްވެރިންނަށް ޖަމާވާން ފަށާފައިވާ ކަމަށެވެ. އެހެންކަމުން މިހާރު އެއްވެސް ފައިސާއެއް ނުދައްކާ ނެތް ކަމަށް ވަނީ ބުނެފައެވެ.
މަސްވެރިންނަށް ފައިސާ ދިނުން ލަސްވުމާއި ގުޅިގެން އެމީހުން ވަނީ މުޒާހަރާ ވެސް ކޮށްފައެވެ.
މިފްކޯއަށް ކިރާ މަހަށް މީގެ ފަހުން 2 ހަފްތާ ތެރޭ ފައިސާ ދޫ ކުރެވޭނެ ކަމަށް މަސްވެރިކަމާއި ބެހޭ ވަޒީރު އަހުމަދު ޝިޔާމް ވަނީ ވިދާޅުވެފައެވެ.
ނޫސްވެރިންނަށް މައުލޫމާތު ދެއްވަމުން ޝިޔާމް ވިދާޅުވީ، މިފްކޯ ހިންގުން ހަރުދަނާކޮށް ދެމެހެއްޓެނިވި ގޮތެއްގައި މަސްވެރި ކަމުގެ ސިނާއަތުގެ ކަންކަން ކުރުމަށް ބަދަލު ގެނައުމަށް ނިންމާފައިވާ ކަމަށެވެ. މިގޮތުން މަސްކިރާތާ ދެ ހަފްތާ ތެރޭ މަސްވެރިންނަށް ފައިސާ ދެވޭނެ ކަމަށް ވިދާޅުވިއެވެ.
ވަޒީރު ވިދާޅުވީ މިމަހު 1 ވަނަ ދުވަހުން ފެށިގެން މަސްވެރިން ބާނާ މަހަށް ފައިސާ ލިބޭނެ ކަމަށާއި މަސް ގަންނަމުން ދާނީ ބައިނަލްއަޤްވާމީ ބާޒާރުގައި ގަނޑުކުރި ކަޅުބިލަމަހުގެ އަގު ހުރި މިންވަރަށާއި މަސް ގަނެ އެކްސްޕޯޓު ކުރުމަށް ހިނގާނޭ ހަރަދުތަކަށް ބަލައި ކޮންމެ ހަފްތާއަކު ކަނޑައަޅާ އަގަކަށް ކަމަށެވެ.
އަދި މިއަގު ކޮންމެ ހަފުތާއަކު އާއްމުކޮށް މިފްކޯއިން އިޢުލާން ކުރަމުން ދާނެ ކަމަށާއި މަސް ގަންނަމުންދާ ގޮތަށް މާކެޓު އަގަށް ރިއާޔަތް ނުކޮށް މަސްވެރިންގެ އަތުން މަސްގަނެ ޕްރޮސެސްކޮށް އެކްސްޕޯޓު ކުރަމުން ދިއުމަކީ މާލީ ގޮތުން ދެމެހެއްޓެނިވި ކަމެއް ނޫން ކަމަށް ވަޒީރު ވިދާޅުވިއެވެ.
މިފްކޯގެ މާލީ ހާލަތާއި ގުޅޭގޮތުން އެ ކުންފުނިން ނެރުނު ބަޔާނެއްގައި ވިދާޅުވީ، މިފްކޯގެ އޮޕަރޭޝަންތައް ކުރިއަށް ގެންދިއުމަށް މިވަގުތަށް ބޭނުންވާ ހަކަތައާއި ގާބިލްކަން ކުންފުނީގައި އެބަހުރި ކަމަށެވެ.
އެހެންނަމަވެސް ދަރަނީގައި ކުންފުނި އެތައް އަހަރެއް ވަންދެން ހިންގުމުގެ ސަބަބުންނާއި، ކުންފުނި މާލީގޮތުން ސަރުކާރުގެ އެހީއަށް ބަރޯސާވާންޖެހޭ ގޮތަށް ބައްޓަންކޮށްފައި އޮތުމުގެ ސަބަބުން ކުންފުނި އޮތީ މާލީގޮތުން ބޮޑު ބުރައެއް އުފުލަން ޖެހިފައި ކަމަށް ވިދާޅުވެފައި ވެއެވެ. އަދި އަވަސް ފިޔަވަޅުތަކެއް އަޅައިގެން ކުންފުނީގެ މިސްރާބު ބަދަލުކުރަން ޖެހިފައިވާ ކަމަށްވެސް ވިދާޅުވެފައި ވެއެވެ.
މޑޕ ގެ އަޗާތެޅުނގަޑު ކިތަންމެހާވެސް ރަނގަޅެވެ
އެމްޑީޕީ އެއް ނޫން މިހާރު އޮތީކީ ބަޔަކަށް ހަޖަމު ނުވިޔަސް!
މަސްވެރިން މާދަން ނިކުންނާތި އަނެއްކާވެސް ފެލެން ލޮލް
އެންމެ 53 މިލިޔަން ރުފިޔާ ލަސްވެގެން އައްޑޫގެ މަސްވެރިން ސަރުކާރަށާ ވަޒީރުންގެ އިސްތިޢުފާއަށް ގޮވައި އިހްތިޖާޖުކުރިއިރު ޞާލިޙް ދޭންޖެހޭ 280 މިލިޔަން ރުފިޔާ ނުލިބެގެން އުޅުނުތަނެއް ނުފެނުނު! ދިވެހިންގެ ގޮތަކީ މިއީ!!!!
މަސްގަތުމުގެ މަރުޙަލާތައް ސަރުކާރުން ނިންމި ނިންމުން ވަރަށް ރަގަޅު!
މުޒާހަރާ ކުރުމަކީ ހައްލެއް ނޫންކަން މަސްވެރިންނަށް ވިސްނަދޭން އިބަ ޖެހޭ،