ރައްޔިތުންގެ މަޖިލީހުގެ ގޮނޑީގެ އަދަދު މަދުކޮށް ހިފެހެއްޓުމަށް 20 ވަނަ ރައްޔިތުންގެ މަޖިލީހުގެ ގިނަ މެންބަރުން ތާއީދުކޮށްފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ އަދަދު ކޮންމެ ފަސް އަހަަރަކުން އިތުރުވަމުންދާތީ، މި ދައުރުގެ މަޖިލީސް މެންބަރުން ދެކެވަޑައިގަންނަވާ ގޮތެއް ދެނެގަތުމަށްޓަކައި ބާރަށު ދާއިރާގެ މެންބަރު އިބްރާހިމް ޝުޖާއު ވަނީ ޤަރާރެއް ހުށަހަޅުއްވައިފައެވެ. މި ގަރާރުގައި ޝުޖާއު ފާހަގަކުރެއްވި ގޮތުގައި 17 ވަނަ މަޖިލީހުން ފެށިގެން 20 ވަނަ މަޖިލީހާ ހަމައަށް 16 މެންބަރުން ވަނީ އިތުރުވެފައިވެއެވެ. އަދި މަޖިލީހަށް މެންބަރުން އިތުރު ކުރާ ކުރުން، އާބާދީގެ ނިސްބަތަށް އިތުރު ކުރާނަމަ ކޮންމެ މަޖިލީހެއްގައި ގޮނޑިތައް އަންނާނީ އިތުރުވަމުންނެވެ.
އެެހެންކަމުން މެންބަރުންގެ އަދަދު މަދު ކުރުން ނުވަތަ ވަކި އަދަދެއްގައި ހިފެހެއްޓުމަށްޓަކައި ގާނޫނު އަސާސީގެ 71،72 މި ދެ މާއްދާއަށް މުހިންމު އިސްލާހެއް އަންނަން ޖެހޭ ކަމަށް ޝުޖާއު ވިދާޅުވިއެވެ.
މި ޤަރާރަށް ބަހުސްކުރި މެޖޯރިޓީ މެންބަރުން ވަނީ ޤަރާރަށް ތާއީދުކޮށް މަޖިލީހުގެ ގޮނޑީގެ އަދަދު އިތުރުވިޔަ ނުދިނުމަށް ގޮވާލައްވާފައެވެ.
ހުރާ ދާއިރާގެ މެމްބަރު އަނާރާ ނައީމް ވިދާޅުވީ، މަޖިލީހަށް މެމްބަރުން އިތުރުނުވާނެ ގޮތަކަށް ވިސްނުން ގެންގުޅެންޖެހޭ ކަމަށެވެ.
ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވީ، މަޖިލީހުގެ ނިމިދިޔަ ދައުރުގައި އެމްޑީޕީ ސަރުކާރަށް މެޖޯރިޓީ ލިބިފައި އޮތް ނަމަވެސް ފެނިގެންދިޔައީ ލިބިފައިވާ ބާރުގެ ބޭނުން ނަހަމަ ގޮތުގައި ހިފަމުން ދިޔަ މަންޒަރު ކަމަށެވެ. އެހެންނަމަވެސް މި ދައުރުގައި ޕީއެންސީއަށް ލިބިފައި އޮތް ސުުޕާމެޖޯރިޓީގެ ބޭނުން ދުރުވިސްނުމުގެ ތެރެއިން ގައުމަށް އަދި ރައްޔިތުންނަށް އެންމެ މަންފާ ކުރުވަނިވި ގޮތަކަށް ނޫނީ ބޭނުން ނުހިއްޕެވުމަށް އައްބާސް ގޮވާލެއްވިއެވެ. ހަމައެއާއެކު މެމްބަރުންގެ އަދަދު މަދު ކުރުމުން ދައުލަތުގެ ޚަރަދުތައް ވެސް ކުޑަވެގެންދާނެކަަން އައްބާސް ފާހަގަކުރެއްވިއެވެ.
"މިފަދަ ޤަރާރެއް ހުށަހެޅުމުގެ މައިގަނޑު ބޭނުމަކީ ދައުލަތުގެ ޚަރަދު ކުޑަކުރުން. ހަމައެކަނި މި އިއްޒަތްތެރި މަޖިލީހުގެ ޚަރަދު މަދުކުރުމެއް ނޫން." އައްބާސް ވިދާޅުވިއެވެ.
ރަށްރަށުގައި އާބާދީއަށް އެކަށީގެންނުވާ ވަރަށް ކައުންސިލް މެމްބަރުންނާއި އެސްޖީން ތިބިކަން ފާހަގަކުރައްވަމުން އައްބާސް ވިދާޅުވީ، އެފަދަ މަޤާމުތައް މަދުކޮށްލުމުން ވެސް ދައުލަތަށް ވަރަށް ބޮޑު ލުޔެއް ލިބިގެންދާނެ ކަމަށެވެ.
ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވިދާޅުވީ، މެމްބަރުން އިތުރުވަމުން ދާ ދިޔުމަކީ ދިވެހި ދައުލަތަށް ކެރިކުޅަދާނަ ކަމަކަށް ނުވާނެ ކަމަށާއި މެމްބަރުން މަދުކުރުމަށް ޝުޖާއު ހުށަހެޅި ޤަރާރަށް ތާއީދުކުރައްވާ ކަމަށެވެ.
"އެއީ ދިވެހި ދައުލަތަށް އެއާ ކެރިކުޅަދާން ކަމަކަށް ނުވާނެ. އެހެންކަމުން ވަކިވަރެއްގައި ހިފަހައްޓާލަން ނޫނީ މަދުކުރަން ތާއީދުކުރަން." ސައުދު ވިދާޅުވިއެވެ.
ސައުދު ވިދާޅުވި ގޮތުގައި، މިހާރު މިދާ ގޮތަށް މެމްބަރުން އިތުރުވަމުންދާނަމަ 2044 ވަނަ އަހަރު މަޖިލީހުގައި 140 އެއްހާ މެމްބަރުން ތިބުމަކީ އެކަށީގެންވާ ކަމެކެވެ. މިއީ ރާއްޖޭގެ އާބާދީއަށް ނުވަތަ އާމްދަނީއަށް ބަލާއިރު އެހާ ރަނގަޅު އަދަދެއް ނޫން ކަމަށް ސައުދު ވިދާޅުވިއެވެ.
"ބޮޑެތި ޑިމޮކްރަސީތަކުގައި ވެސް އެ ތިބެނީ ވަކި އަދަދަކަށް މެމްބަރުން ހަމަޖެހިފައި، އަޅުގަނޑުމެންގެ އަދަދު އެގޮތަށް ބަދަލުކުރާ ކަމަށްވަންޏާ އާބާދީގެ ބޮޑު ބައެއް ތިބޭނީ މެމްބަރުން މިހާރު މިއޮތް ގޮތަށް ކަންތައް ކުރާ ކަމުގައި ވަންޏާ. އޭގެ ބަދަލުގައި އަޅުގަނޑުމެންނަށް ހަމަޖެހޭ އުސޫލަކުން ދައުލަތަށް ވެސް ކެރިކުޅަދާނަ ވާ ވަރަކަށް އެކަން ބަދަލުކުރުމަކީ ތާއީދުކުރާ ކަމެއް." ސައުދު ވިދާޅުވިއެވެ.
ޕީއެންސީގެ ޕާލިމަންޓު ގުރޫޕުގެ ލީޑަރު އަދި އިނގުރައިދޫ ދާއިރާގެ މެމްބަރު އިބްރާހިމް ފަލާހު ވިދާޅުވީ، ތަޅުމަށް ހުށަހެޅޭ ކޮންމެ މައްސަލައަކަށް، ބަހުސް ކުރާ ކޮންމެ ކަމެއް ދައްކާނީ އިހުލާސްތެރިކަމާއިއެކު ނިންމާ މަންޒަރު 20 ވަނަ މަޖިލީހުން ފެންނާނެ ކަމަށާއި ގަރާރެއް ހުށަހަޅާފައި ފޮނި ވާހަކަދައްކާފައި ދުލެއް ނުކުރައްވާނެ ކަމަށެވެ. ފަލާހް ވިދާޅުވީ، 20 ވަނަ މަޖިލީހުން ސައިޒު ކުޑަކުރާނެ ކަމަށެވެ.
"މި ގަރާރު ވެސް އެޖެންޑާ 19 އަށް ހުށަހެޅުނު. ނަމަވެސް އެއޮތް ބިޔަ ބޮޑު އިހްލާސްތެރިކަމަށް ދެއްކި އެޖެންޑާ 19 ގެ ރައްޔިތުންގެ މަޖިލީހަށް މިކަން ވެސް ކޮށްލާކަން ނުކެރުނު. އެހެންނަމަ މިއަދު 20 ވަނަ މަޖިލިސް އޮންނާނީ ސައިޒު ކުޑަ، ދައުލަތަށް ބުރަ ކުޑަ މަޖިލީހެއްގެ ގޮތުގައި. އަދި ދައުލަތަށް ފައިސާ އިތުރުކުރެވޭ މަޖިލީހެއްގެ ގޮތުގައި. މި 20 ވަނަ މަޖިލިސް ވެގެންދާނީ އިހްލާސްތެރި މަޖިލީހަކަށް. ބަހުސްކުރާ ކޮންމެ ކަމެއް ކުރާ މަންޒަރު ދައްކާނަން. 20 ވަނަ މަޖިލީހުން މަޖިލީހުގެ ސައިޒު ކުޑަކުރާނަން." ފަލާހް ވިދާޅުވިއެވެ.
ރައްޔިތުންގެ މަޖިލީހުގެ މެންބަރުގެ އަދަދު ކުޑަކުރުމާއި، މުއައްސަސާތަކާއި ދައުލަތުގެ ހަރަދު ކުޑަކުރުމުގެ ފުރިހަމަ އިހްތިޔާރު އެޖެންޑާ 19 އަށް ލިބިގެން ދިޔަ ކަމަށް ފަލާހް ވިދާޅުވިއެވެ. ނަމަވެސް އެ މަޖިލީހަށް އެކަން ވެސް ކޮށްލާކަށް ނުކެރުނު ކަމަށް ފަލާހް ވިދާޅުވިއެވެ. އަދި 18 ވަނަ ރައްޔިތުންގެ މަޖިލީހުގައި 1000 ދަށުގެ ކޮންމެ އާބާދީއަކަށް ތިން މެންބަރުންނަށް ކައުންސިލަރުން މަދުކޮށްފައިވާނެ ކަމަށާއި އެހެން ނަމަވެސް އެޖެންޑާ 19 އިން އެ އަދަދު ފަސް މެންބަރުންނަށް ބަދަލުކޮށް 600 ކައުންސިލަރުން އިތުރުކުރި ކަން އޭނާ ފާހަގަކުރެއްވިއެވެ. އޭގެ ސަބަބުން ދައުލަތުގެ ބަޖެޓުން އެއް ބިލިއަން ރުފިޔާ މުސާރައިގެ ގޮތުގައި އިތުރުވެގެން ދިޔަ ކަމަށް އޭނާ ވިދާޅުވިއެވެ.
ދިއްގަރު ދާއިރާގެ މެންބަރު އަހުމަދު ނާޒިމް ވިދާޅުވީ، ރާއްޖޭގެ ޤާނޫނު އަސާސީއަށް އިސްލާހު ގެނެސް މެންބަރުން ތަމްސީލު ކުރާ އާބާދީގެ އަދަދު 5،000 އިން 10،000 އަށް ބަދަލުކޮށްފިނަމަ ކުރިޔަށް އޮތް 25 އަހަރަށް ރައްޔިތުންގެ މަޖިލީހުގެ މެންބަރުންގެ އަދަދު ހިފެހެއްޓިދާނެ ކަމަށެވެ. ބައިނަލްއަޤުވާމީ ގޮތުން ބޭނުންކުރާ ކިއުބްރޫޓް މިންގަނޑުގެ ފޯމިއުލާ ރާއްޖެއަށް ބޭނުންކޮށްފިނަމަ މަޖިލީހުގައި ތިބެން ޖެހޭނީ 73 މެންބަރުންކަން ނާޒިމް ފާހަގަކުރެއްވިއެވެ.
"އޭގެ މާނައަކީ ރާއްޖޭގެ އެމްޕީސްގެ އަދަދު ވާންވީ ބައިނަލްއަޤުވާމީ މިންގަނޑުތަކުން ބަލާކަމުގައިވަންޏާ 73 އާއި 80 އާއި ދެމެދުގެ އަދަދަކަށް. ޤާނޫނު އަސާސީއަށް ގެންނަ ހައްލަކުން މިކަންތަކަށް ހައްލެއް އެބައޮތް. 5،000 މެންބަރުން މިހާރު އޮންނަ އޮތުން 10،000 އަށް (މެމްބަރުން ތަމްސީލު ކުރާ އާބާދީ) ބަދަލުކޮށްފިނަމަ އަޅުގަނޑުމެންގެ މަޖިލީހުގެ އަދަދު 71 ގައި ހިފެހެއްޓި ކުރިއަށް އޮތް 25 އަހަރުތެރޭގައި އެ އަދަދު 70 ގެ ތެރޭގައި ހިމެނޭނެ." ނާޒިމް ވިދާޅުވިއެވެ.
އަދި ގައުމުގެ މަސައްކަތްކުރާ އާބާދީއަށް ބަލައިގެން އެކްޓިވް ޕޮޕިއުލޭޝަންގެ ގޮތުގައި ބަލައިފިނަމަ މަޖިލީހުގެ އަދަދު ވާނީ 73-80 ގޮނޑިއަށް ކަމަށް ނާޒިމް ވިދާޅުވިއެވެ.
ތުލުސްދީ ދައިރާގެ މެންބަރު އިބްރާހިމް ނަސީމް ވިދާޅުވީ، އެހެން ގައުމުތަކާއި އަޅާބަލާއިރު ރާއްޖޭގެ ރައްޔިތުންގެ މަޖިލީހުގެ މެމްބަރުންގެ އަދަދު މަދުވާން ޖެހޭކަން ގަބޫލުކުރަން ޖެހޭ ކަމަށާއި ރާއްޖެއާއި އެންމެ ގާތް ކުރާ އަދި ދުނިޔޭ މުއްސަދި ގައުމުތަކުގެ އިތުރުން ޑިމޮކްރެސީގައި އެންމެ ވަރުގަދަ ގައުމުތަކުން ކަންތައްތައް ކުރާ ގޮތް ބެލުން މުހިންމު ކަމަށެވެ.
"ދުނިޔޭގެ އެންމެ މުއްސަދި ގައުމަކަށް ފާހަގަކުރެވިފައިވަނީ ލަކްސަންބާގް. އާބާދީއަކީ ހަލައްކަ ފަންސާންސް ތިންހާސް. 60 މެމްބަރުން ތިބީ. ދެވަނައަށް އެންމެ މުސަދުކޮށް ތިބީ އައިލެންޑް. އެ ގައުމުގައި އެބަ އުޅޭ ފަސް މިލިއަން ރައްޔިތުން. އެތާގައި 160 މެމްބަރުން. ސުވުޒަލެންޑައި އެބައުޅޭ 8.8 މިލިއަން މީހުން. 246 މެމްބަރުން ތިބީ." ނަސީމް ވިދާޅުވިއެވެ.
ނަސީމް ވިދާޅުވީ، މި ހުރިހާ ތަފާސްހިސާބުތަކަށް ބަލާއިރު ރާއްޖޭގެ ރައްޔިތުންގެ މަޖިލީހުގެ މެމްބަރުންގެ އަދަދު މަދުވާން ޖެހޭކަން ގަބޫލްކުރަން ޖެހޭ ކަމަށެވެ.
ނިލަންދޫ ދާއިރާގެ މެންބަރު ފާތިފަތު ސައުދާ ވިދާޅުވީ، ނިމިދިޔަ މަޖިލިސް އިންތިހާބުގެ ތެރޭގައި އެންމެ ބާރަށް އަޑުއިވެމުން ދިޔަ ވާހަކައަކީ މަޖިލިސް މެންބަރުންގެ އިނާޔަތްތަކާއި، މުސާރައާއި، ދައުރު ނިމުނުން ދޭ އިނާޔަތްތަކާއި މަޖިލިސް މެންބަރުންގެ އަދަދު ވާހަކަ ކަމަށެވެ. އަދި މަޖިލިސް މެންބަރަކަށް ވުމަށް ވަކި ޝަރުތެއް އޮންނާކަށް ނުޖެހޭ ކަމަށް ވެސް ރައްޔިތުން ބުނަމުން ދިޔަކަމަށާއި މިއަދު ސަރުކާރުން ހުށަހެޅި ގަރާރަކީ އެ ޝަކުވާތައް އަޑުއެހުމަށްފަހުގައި ހުށަހެޅި ގަރާރެއް ކަމަށް އޭނާ ވަނީ ވިދާޅުވެފައެވެ.
ނަމަވެސް، މުސާރައިގެ ވާހަކަ ދެއްކެވި ގިނަ މެންބަރުން ވިދާޅުވީ މަޖިލިސް މެންބަރުންގެ މުސާރަ ބޮޑު ނޫންކަމަށާއި ދައުލަތުގެ ޚަރަދު ކުދަކުރުމަށްޓަކައި ހަމައެކަނި ކުޑަ ކުރަން ޖެހެނީ މަޖިލިސް މެންބަރުންގެ މުސާރަ އާއި އިނާޔަތް ނޫން ކަމަށެވެ. ޚަރަދުތައް ކުޑަކުރުމަށްޓަކައި ބޭކާރު މުވައްސަސާތައް އުވާލާ މުވައްސަސާތަކުން މުވައްޒަފުން މަދުކުރެވިދާނެ ކަމަށެވެ.
މާމިގިލީ ދާއިރާގެ މެމްބަރު ގާސިމް އިބްރާހިމް ވިދާޅުވީ، މަޖިލީހަށް މެންބަރުން އިތުރުވެގެން ދާ ދިއުމަކީ ހަމަޖެހޭ ކަމެއް ނޫން ކަމަށެވެ. މިދިޔަ 19 ވަނަ މަޖިލީހަށް ވެސް މެންބަރުންގެ އަދަދު ހިފެހެއްޓުމަށް ގަރާރެއް ހުށަހެޅުއްވި ކަމަށާއި ނަމަވެސް އޭރުގެ ސުޕާމެޖޯރިޓީން މައްސަލަ ބޭރުކޮށްލީ ކަން ގާސިމް ފާހަގަކުރެއްވިއެވެ.
ޤާސިމް ވިދާޅުވީ، މެންބަރުންނަށް ދެ ދައުރަށްވުރެ ގިނަ ދައުރު އަދާ ނުކުރެވޭ ގޮތަށް ހެދުމަކީ ދުނިޔޭގެ އެއްވެސް ގައުމެއްގައި އޮންނާނެ ކަމެއް ނޫން ކަމަށާ އެކަމާ އޭނާ ދެކޮޅުހައްދަވާ ކަމަށެވެ. ޤާސިމް ފާހަގަކުރެއްވި ގޮތުގައި މަޖިލިސް މެންބަރުންނަށް 20،000 ރުފިޔާގެ ކޮމިޓީ އެލަވަންސެއް ލިބޭކަމަށް އޮތް ނަމަވެސް އެވަރަށް ނުލިބެއެވެ.
"މަޖިލިސް މެންބަރުންނަށް ދެ ދައުރު އޮތުމަކީ ދުނިޔޭގެ އެއްވެސް ތަނެއްގައި އޮންނަ ގޮތެއްނޫން ކަމަށް އަޅުގަނޑު ގަބޫލު ކުރަނީ. އެއާ އަޅުގަނޑު ކަނޑައެޅިގެން ދެކޮޅު. އަދި ހަމަ އެހެންމެ މިއަދު މަޖިލީހުގެ މެންބަރުންނަށް ލިބޭ މުސާރަ ކުޑަ ކުރަންވެސް އަަޅުގަނޑަށް ނުފެންނަ ކަމަށް، އަދި ޢިނާޔަތްތައްވެސް ކުޑަ ކުރަން ނުފެންނަ ކަމަށް އަޅުގަނޑު ދަންނަވަން." ޤާސިމް ވިދާޅުވިއެވެ.
ސްކޫލުގައި ފާސްނުވާކުދިން ''އެމްބިޝަންއަކަށް'' މެމްބަރަކަށްވުންހަދާ! މާބޮޑުތައީމަކާއިނުލައި ބިޑުއެއްޗެއްލިބޭނެ!
ކުދިންނޭ! މުސާރަ ކުޑަ ކުރާނެ ކަމެއްނެތް! ރައްޔިތުން އިނދަ ޖައްސާލާ! ވެރިކަމާއި ހަވާލު ވާ ކޮންމެ ބައެއްގެ އަދި މެމްބަރުންގެ މަޤުސަދަކީ ޤައުމު އިނދަ ޖައްސާލުން ކަމުގައި ދެކެން.
ފެނޭ. ކެކެ. އަތޮޅަކުން މީހަކު ނަގާބަލަ. އޭރުން އެނގިދާނެ މިމީހުނަށް ސައިޒު. ކީއްކުރާތީ ދޭ މުސާރައެކޯ؟؟؟
ހުސްވާހަކަ،!!!ހުރިހާ އެއްމެންނަކީ ގުޅިގެން މިގައުމުގެ ރައްޔިތުން ހަންދަމައިގެން ކާންބޭނުންވާ ބައެއް! ދަރަނިން ސަލާމަތް ނުވީމަ ޓެކުސް ބޮޑުކޮއްފަ ބިން ވިއްކުން ނޫންކަމެއް ނުކުރާނެ. އަނެއްކާވެސް ކާންފައްޓާނީ. ! މިގައުމުގެ އަބުރާއިއްޒަތް ފައިސާއައް ވިކި ނިމިގެން މިދަނީ ސިފައިން އެމީހުންގެ ވާޖިބު އަދާ ނުކުރާތީ.
އަތޮޅުކައުންސިލް ތަކަކީ މިހާރު ރައްޔިތުންނަށް ޚިދުމަތެއްދޭ އަދި ރަޔިތުން ޚިދުމަތެއް ހޯދަންވެސް ދާތަންތަނެއްނޫން ސަރުކާރުން ޚަރަދުކުޑަކުރަން ނިކަން މި ބޭކާރު ތަންތަން އުވާލަދެެއްވާ ބަލަ
މަޖިލީސް މެމްބަރުންގެ މުސާރަ ކުޑަނުކޮއް އެއްވެސް ޓެކުހެއް ބޮޑުކޮއްގެން ނުވާނެ. ދަރަނީގެ ބުރައިގެ އިހުސާސް ޖެހޭނެ އެންމެން އެއްވަރަކަށް ކުރަން. މަޖިލީސް މެމްބަރުންނޭ ކިޔާފަ އެމީހުންނަށް މިކަމުގެ އަހުވަ ހުޖެހި ހިތި ބޭސް ބޯންޖެހެނީ ހަމައެކަނި ރައްޔިތުންނަށް ވެވެނާދީގެން ނުވާނެ.
ދަޢުލަތުގައި ފައިސާ އެބަހުރި ބޯކޮއް! ރައްޔިތުންގެ ލޮލުގައި އަނދުން އަލުވަނީ ނެތޭ ޤައުމު ދަރާފިއޭ! ލައިގެން ކާނެއެއްޗެއް ވެސް ޤައުމަކު ނެތޭ! ކުދިންނޭ! ރައްޔިތުންނޭވެ! މިއީ ހަމަ ފޭކު ވާހަކަ ކަން މިހިރީ ފެނި ހާމަވާން. އެއްވެސް މެމްބަރަކު އެވެރިންގެ މުސާރަ އެއް ކުޑަ ކުރާކަށް އެއްބަހެއް ނުވޭ! އަދި އެލަވަންސް ވެސް! މެމްބަރުންނަށް ވެސް އެނގޭ ޤައުމުގެ ރައުސުލްމާލު ގައި ބޯކޮއް ފައިސާ ހުރިކަން. ރައްޔިތުންގެ އަތުން އިތުރު ޓެކްސް ތައްވެސް ނަގަނީ މި މެމްބަރުންގެ ނަފާ އަށްޓަކައި. ރައްޔިތުންނޭވެ! ހޭ އަރާށެވެ. މިެމްބަރުން ދައްކާ އެއްވެސް ވާހަކައެއް މިހާރު އަޑު އަހާކަށް ނުވާނެއެވެ. އިޙްލާސް ތެރި އެއްވެސް މެމްބަރަކު އެތާކު ނެތެވެ. ރައްޔިތުންނަށް އެހެރީ ކުރީގައި އެ މެމްބަރުން ދެއްކި ވާހަކަ ތަކާއި މިހާރު މެމްބަރު ކަން ލިބުމުން ދައްކާ ވާހަކަ ތަކެވެ. މިވެރިންގެ ހުރި އިހްލާސް ތެރިކަން އެހެރީ ފެންނަންށެވެ.
5500 ހާހަށް އެލެވެސް ތަކާއެކު މުސާރަ ހެދުން ރަނގަޅު
މެންބަރު ކަމަށް ކުރިމަތި ލުމަށް ހޯލެވެލް ދިވެހި އިސްލް އައިއެކު 3 ފާސް ހުންނަން ޖެހޭ
މަޖިލީސް މެމްބަރުންގެ މުސާރަ ކުޑަނުކޮއް އެއްވެސް ޓެކުހެއް ބޮޑުކޮއްގެން ނުވާނެ. ދަރަނީގެ ބުރައިގެ އިހުސާސް ޖެހޭނެ އެންމެން އެއްވަރަކަށް ކުރަން. މަޖިލީސް މެމްބަރުންނޭ ކިޔާފަ އެމީހުންނަށް މިކަމުގެ އަހުވަ ހުޖެހި ހިތި ބޭސް ބޯންޖެހެނީ ހަމައެކަނި ރައްޔިތުންނަށް ވެވެނާދީގެން ނުވާނެ.
މެންބަރުން މަދުކުރީމަ އެންމެއުފާވާނި މިލަންދޫ ދާއިރާގެ މިލަންދޫފިޔަވައި ދެންއޮއި 2 ރަށުގެ މީހުން
ހިތި ބޭސް ބޯންޖެހެނީ ރައްޔިތުން އެކަނިތާ. ހޮޅި ސަރުކާރަށް ވޯޓު ދީ ސުޕާ މެޖޯރިޓީ ދީފަ ބަހައްޓާ. ދެން ލަންކާއަށް ވިހެން ވީމަ ހުރިހާ ރައްޔިތުން އެއްފަހަރާ ނިކުމެ އަހަރެމެން މި ގައުމު ސާފުކޮއްލާނަން. އެދުވަހު މަގުމަތިން މެމްބަރަކު ނުފެންނާތި. ނޫސް މީޑިޔާ ތަކުން ތައްޔާރަށް ތިބޭތި.. ސަރުކާރަށާއި މަޖިލީހަށް ރައްޔިތުންގެ އަތުން ހިތިބޭސް ބޯންޖެހޭ ދުވަސް އަންނީ ގާތްވަމުން. މުސާރަ ނުކަނޑާ ތިބެބެލަ ވާއެއްޗެއް ބަލަން.
މިވެރިންގެ ވާހަކަ މި އުޑު ދަށުގައި ނުވާނެ ދައްކާކަށް! ހުސް މނ ފިގުން!
ރައްޔިތުންގެ މަޖިލިހުގެ ޢިއްޒަތްތެރި މެންބަރުނާއި، ރައީސް، ނައިބު ރައީސް، މިނިވަން މުއައްސަސާތަކުގެ މެންބަރުން، ވަޒީރުން، ސްޓޭޓް މިނިސްޓަރުން، ޑެޕިއުޓީ މިނިސްޓަރުން، ކުންފުނިތަކުގެ ވެރިން ގެ މުސާރަ ކުޑަ ކުރަންޖެހޭ. *** ރައީސް ގެ މުސާރަ 60000 ރ
** ނައިބު ރައީސްގެ މުސާރައިން 10000 ރުފިޔާ އުނިކުރުން،
** ވަޒީރުންގެ މުސާރަ އިން 8000 ރުފިޔާ އުނިކުރުން،
** ސްޓޭޓް މިނިސްޓަރ ގެ މުސާރަ އިން 6500 ރުފިޔާ އުނި ކުރުން،
** ޑެޕިޓީ މިނިސްޓަރުންގެ މުސާރައިން 4500 ރުފިޔާ އުނިކުރުން،
** މިނިވަން މުވައްސަސާތަކުގެ މެމްބަރުންގެ މުސާރަ 25000 ރުފިޔާއަށް ތިރި ކުރުން،
** ރައްޔިތުންގެ މަޖިލިހުގެ ޢިއްޒަތްތެރި މެމްބަރުންގެ މުސާރަ 25000 ރުފިޔާއަށް ތިރިކޮށް ލިވިން އެލަވަންސް 18000 ރުފިޔާއަށް ބޮޑުކޮށް ކޮމެޓީ އެލަވަންސް ކަނޑާލުން،
*** މި އެންމެ ބޭފުޅުންގެ ބޭސް ފަރުވާ އާސަންދައިން ހަމަޖެއްސުން އެހެން ރައްޔިތުންނެކޭ އެއްގަދައިން،
** ކުރީގެ ރައީސްކަން ކުރެއްވި ބޭފުޅުން އޮފީސް ހިންގެވުމަށް ކޮންމެ މަހަކު ދެއްވާ ފައިސާ ކަނޑާލުން،
** ރައްޔިތުންގެ މަޖިލިހުގެ މެމްބަރުކަން ވަކި މުއްދަތަކަށް ކުރެއްވުމުން އެއްވެސް އެލަވަންސްއެއް ނުލިބޭގިތަށް ހަމަޖެއްސުން.
*** ތެދުވެރިކާއި އިޚުލާސްތެރިކަން އިސްކޮށް ދިވެހިޤައުމު މި އަނދަވަޅުން ސަލާމަތްކުރުމަށް އެންމެ ބޭފުޅުން މަސައްކަތް ކުރުމަށް ނަޞޭޙަތްތެރިވަން.
މަޖިލިހުގެ މެމްބަރުންގެ ޢަދަދު 60 ތިރިކޮށް މެމްބަރު ކަމަށް ކުރިމަތިލާ މީހާގެ ޝަރުޠު އަކީ ދައްވެގެން ޑިޕްލޮމާއެއް އޮތުން ކަމަށް ހަމަޖެއްސުން .
ބުރުމާ ކަލޭ ހިތެއް ނުފުރޭނެ.މި ޤައުމުގެ ހަލަކު.
މަޖިލީހުގެ އަދަދު ބަރާބަރު 20 މެމްބަރުންނަށް ހަދައި ކޮންމެ މީހެއްގެ މުސާރ 30 ހާސް ރުފިޔާ ހެދީމަ ރަނގަޅުވާނެ. ދެން ގޮނޑި އިތުރުކުރާނީ ދަރަނި ދައްކައި ނިމިގެން. ޚަލާސް
މުސާރަ ކުޑަކޮށް މެމްބަރުން މަދު ކުރީމަ ގަނެވޭނެ ފަސޭހައިން
ގްރޭޓަރ މާލެއަށް އައްޔަން ކުރަންވީ 5 މެމްބަރުން..
މާލެއަށް 2 މެމްބަރުން
ހުޅުމާލެއަށް 2 މެމްބަރުން
ވިލިގިއްޔަށް 1 މެމްބަރު.
މަހަކު އެއްފަހަރު ޑޑސ އާއި ކައުންސިލް މެމްބަރުން އަދި މަޖިލިސް މެމްބަރުން ބައްދަލުވެ ކަންކަމާއި މަޝްވަރާ ކުރެވެންޖެހޭ..
ޢެއިރުން މާބޮޑަށްވެސް ހަރުދަނާ މަސައްކަތެއް ކުރެވިގެންދާނެ.
ާރައްޔިތުންގެ މެންބަރުންގެ އަދަދު ވެެހަަވެސް ކުދަކޮށްފަ މުސާރަވެސް ކުދަކުރަންވީ ެމީހުންގެ ފަރާތުން ރައްޔިތުންނަށް މިވީހާ ތަނަކު ވީއެއްވެސް ފައިދާއެންނެތޭ ބުނެވޭނީ.
ތިޔަބޭފުޅުންން ރައްޔިތުންނަށް ވާ ޤުރުބާނީ އާއި ރައްޔިތުންދެކެވާލޯބި މިބާވަތުގެކަންތައްތަކުންއެގިހާމަވާނެ. ރައްޔިތުން ބޭނުންވަނީ މިގައުމު އަމަން އަމާން ކަމާއެކީޑރ.މުއިއްޒު އާއިއެކުމިފަސްއަހަރު ހަމަކޮށްލަން. ކިތަންމެ ޚަރަދުބޮޑޭ އިދިކޮޅުން ކިޔަސް އަދިވެސް ކުރިއަށްވުރެ އެތައްހާސްބައި ރަގަޅުކަމަށް މީހުން ބިނޭ.