މިއަދު ރާއްޖެ އިން އިތުރު 141 މީހުން ކޮވިޑް-19 އަށް ފައްސިވެއްޖެއެވެ.
މިއަދަކީ ފާއިތުވި އަށް ދުވަސް ތެރޭގައި ރާއްޖެ އިން އެންމެ ގިނަ ބަޔަކު ކޮވިޑަށް ފައްސިވި ދުވަހެވެ.
މިއަދު މާލެ އިން ފައްސިވީ 29 މީހުންނެވެ. ނަމަވެސް އަތޮޅުތެރޭގެ މީހުން ދިރިއުޅޭ ރަށްތަކުން މިއަދު 108 މީހުން ފައްސިވިއެވެ. އިތުރު ހަތަރު މީހަކު މިއަދު ރިސޯޓްތަކުން ފައްސިވިއެވެ.
މިއަދު ކޮވިޑަށް ޓެސްޓްކޮށްފައި ވަނީ 4410 މީހުންނެވެ. މިއަދު ކޮވިޑަށް ޓެސްޓް ކުރި މީހުންގެ ތެރެއިން %3.20 މީހުން ވަނީ ކޮވިޑަށް ފައްސިވެފައެވެ.
މިއަދު ކޮވިޑަށް ފައްސިވި މީހުންނާއިއެކު ސެޕްޓެމްބަރ މަހު ރާއްޖެ އިން ކޮވިޑަށް ފައްސިވި މީހުންގެ ޖުމްލަ އަދަދު ވަނީ 3608 އަށް އަރާފައެވެ. އޭގެތެރެއިން 2152 މީހުން ފައްސިވީ އަތޮޅުތެރޭގެ މީހުން ދިރިއުޅޭ ރަށްތަކުންނެވެ. މާލެ އިން ސެޕްޓެމްބަރ މަހު ފައްސިވެފައި ވަނީ 1146 މީހުންނެވެ. ރިސޯޓްތަކުންނާއި ސަފާރީތަކުންނާއި ސިނާއީ މަސައްކަތް ކުރާ ރަށްތަކުން ސެޕްޓެމްބަރ މަހު ވަނީ 310 މީހުން ފައްސިވެފައެވެ.
މިހާރު ރާއްޖޭގައި 1601 މީހުން ކޮވިޑް ޖެހިފައި އެބަތިއްބެވެ. އޭގެތެރެއިން 19 މީހުންނަށް ހޮސްޕިޓަލްގައި އަންނަނީ ފަރުވާ ދެމުންނެވެ. މިއަދު ވަނީ 106 މީހުން ކޮވިޑުން ރަނގަޅު ވެފައެވެ.
ރާއްޖެ އިން މިހާތަނަށް ކޮވިޑަށް ފައްސިވި މީހުންގެ ޖުމްލަ އަދަދު ވަނީ 84720 އަށް އަރާފައެވެ. އޭގެތެރެއިން 82875 މީހުން ވަނީ ކޮވިޑުން ރަނގަޅު ވެފައެވެ. ކޮވިޑް ޖެހިގެން މިހާތަނަށް ރާއްޖެ އިން 231 މީހުން ނިޔާވެއްޖެއެވެ.
