މި ދުވަސްވަރު ޖައްވު ނުސާފްކޮށް ފެންނަނީ އިންޑިއާގެ ހިމަލަޔަން ސަރަހައްދުން ހިރަފުހާއި ދުން، ވަޔާއެކު ބޭ އޮފް ބެންގަލް ހުރަސްކޮށް ރާއްޖެއާ ހަމައަށް ފޯރާތީ ކަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް)އިން ބުނެފިއެވެ.
ރާއްޖޭގެ ސަރަހައްދުގައި ބަނަ ފިނި މި ދުވަސްވަރު އާދަޔާ ހިލާފަށް އިތުރުވުމާއި ގުޅިގެން ގިނަބަޔަކު ދަނީ ވާހަކަދައްކަމުންނެެވެ. ބަނަފިނީގެ ސަބަބުން ދުރު ފެންނަ މިންވަރު ވަރަށް ބޮޑަށް ދަށްވެފައި ވެއެވެ.
އެކަމާއި ގުޅިގެން މިއަދު ރާއްޖޭގެ މޫސުމާއި ބެހޭ ގައުމީ އިދާރާ (މެޓް)އިން ބުނީ ހުޅަނގުން އިރުމައްޗަށް ވައި ބަދަލަމުންދާ މި ދުވަސްވަރުގައި ހިމަލަޔަން ސަރަހައްދުން ހިރަފުހާއި ދުން، ވަޔާއެކު ބޭ އޮފް ބެންގަލް ހުރަސްކޮށް ރާއްޖެއާ ހަމައަށް ފޯރާ ކަމަށެވެ.
![](https://vaguthu.mv/wp-content/uploads/2021/12/487414f2-a95f-439d-a54a-7ddff809ce90.jpeg)
އަދި މިކަމުގެ ސަބަބުން އުތުރާއި މެދުރާއްޖެތެރޭގެ ސަރަހައްދުތަކުގައި ވައި ނުސާފްވެ، ދުރު ފެންނަ މިންވަރު ދަށްވާ ކަމަށް އެ އޮފހުން ބުނެފައި ވެއެވެ.
އަދި މިކަން ބޮޑަށް ފާހަގަކުރެވެނީ ޑިސެންބަރު މަހުން ފެށިގެން މާރިޗް މަހުގެ ނިޔަލަށް ކަމަށް އެ އޮފީހުން ބުނެފައި ވެއެވެ.
އެ އޮފީހުން އިތުރަށް ބުނެފައި ވަނީ، މި ހިރަފުހުގެ ސަބަބުން، ހާއްސަކޮށް، ނޭވާލާ ނިޒާމްތައް މައްސަލަތައް ހުންނަ ފަރާތްތަކަށް އުނދަގޫވުން ގާތް ކަމަށެވެ.
އަދި ވާރޭފެން ރައްކާކުރުމާއި ބޭނުން ކުރުމުގައި ސާފްތާހިރުކަމަށް ހާއްސަ ސަމާލުކަމެއް ދިނުން މުހިންމު ކަމަށް އެ އޮފީހުން ބުނެފައި ވެއެވެ.
އާއްމުކޮށް މޫސުން ރަގަޅު ދުވަސްވަރު، ދުރުފެންނަ މިންވަރު 10 ކިލޯމީޓަރަށް ވުރެއް އިތުުރުވިނަމަވެސް، މިދުވަސްވަރު އުތުރާއި މެދުރާއްޖެތެރޭގައި ދުރުފެންނަ މިންވަރުވަނީ 4 – 5 ކިލޯމީޓަރަށް ދަށްވެފައެވެ. ބަނަފިނި (ހޭޒް) މެދުވެރިވާ ގޮތާއި، ގުޅުން ހުރި ރައްކާތެރިކަމުގެ ފިޔަވާޅުތަކަކީ؛ pic.twitter.com/ZGgqvD6OxC
— Maldives Meteorology (@MetMaldives) December 21, 2021
މެޓް އޮފީހުން އިތުރަށް ބުނެފައިވާގޮތުގައި އާއްމުކޮށް މޫސުން ރަނގަޅު ދުވަސްވަރު، ދުރު ފެންނަ މިންވަރު 10 ކިލޯ މީޓަރަށް ވުރެ އިތުރު ނަމަވެސް، މި ދުވަސްވަރު އުތުރާއި މެދު ރާއްޖެ ތެރޭގައި ދުރު ފެންނަ މިންވަރު 5-4 ކިލޯމީޓަރަށް ދަށްވެފައިވާ ކަމަށެވެ.
ހުޅުމާލޭގަ ހުންނައިރު މާލެ ސަރަހައްދާއި ވަށައިގެން މިވާ ސަރަހައްދު މިދުވަސްކޮޅު ފެންނަނީ ވ.ފުސްކޮށްކަން ފާހަނގަކުރެވޭ މިދިޔަ ހަފްތާއިން ފެށިގެން..އެހެންވެ މީހެއް ކައިރީގަ އަހާލީމަ ބުނީ ދުންފިނި ކަމަށް..އެހެން ބުނީމަ އަހަރެން ބުނިން ދުންފިނި ކަމަކަށް ގަބޫލެއް ނުކުރެވެޔޭ...އަސްލު ވެގެން އުޅޭ ގޮތް މިސާފުވީ..
އިންޑިއާ ސްމޮގް އައުޓް!
އިންޑިއާ އައުޓް ގޮވީމަ އިންޑިއާއިން ދުންކޮޅެއް އައުޓްކޮށްލީ.
އިންޑިޔާ ގެ ބަލާވެރިކަން އިންތިހާއަށް.
އިންޑިޔާގެ ހިރަފުހާއި ދުން އައުޓް!
އިންޑިއާ ދުން އައުޓް!
ހިމާލިޔާ ފަރުބަދަތަކުގެ ބޮޑު ބައި ނޭޕާލް، ބޫޓާން އަދި ޗައިނާގައި އޮންނައިރު، އިންޑިއާގެ ވާހަކަ ގެނައިމަ ކަޑަދޯ؟ މި ފަރުބަދަތަށް ދެމިގެންދޭ ޕާކިސްތާނަށްވެސް.
ތިވާނީ އިންޑިޔާއިން ފޮނުވިއެއްޗަކައް ޕޕ ކުދިންނައް އެގޭނެ
އިންޑިޔާ އިން ދުމާއި ހިރަފުސް ރާއްޖެއާއި ދިމާލަށް އައުން ހުއްޓުވަން ނަސީދު ދާންވިއެއްނު.
އިންޑިޔާ ޖޫރީމަނާ ކުރަންވީ..
ތީދެން މާބޮޑު ކަމެއްތަ؟ މޫސުން ރީތި ދުވަސްތަކާއި މޫސުން ބަނަ ދުވަސްތައް އައުމަކީ ދުނިޔޭގެ އާދަ. ޢެއީ އެއްވެސް މައްސަލައެއް އޮތް ކަމެއް ނޫން
އިންޑިއާ ރާއްޖެ ހުރިހާގޮތަކުންވެސް ވަނީލާމެހިގުޅިފާ.. މިގުޅުމަކީވަރަށްްބަދަހި ގުޅުމެއްކަންޔަގީން !! ދެކޮޅުވެރިން އަބަދުވެސްތިބޭނެ ..
ޢިންޑިޔާގެ ރޭޕްވެސް ރާއްޖެއާއި ދިމާލަށް