ހދ. ނެއްލައިދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ އަމަލީ މަސައްކަތް ފަށައިފިއެވެ
މިދިޔަ އަންގާރަ ދުވަހު އެ މަސައްކަތް އެމްޓީސީސީން ފެށި އެންވަޔަރަންމަންޓަލް އިމްޕެކްޓް އެސެސްމަންޓް (އީއައިއޭ) އެޕްރޫވް ވުމާއެކުއެވެ.
ޕްލޭނިންގ މިނިސްޓްރީން އެ ކުންފުންޏާއި ހަވާލު ކުރި މި މަޝްރޫއުގެ އަގަކީ 19.8 މިލިއަން ރުފިޔާއެވެ.
މި މަޝްރޫއުގެ ދަށުން، 870 މީޓަރުގެ ބޮޑުހިލައިގެ ރިވެޓްމެންޓް ޖެހުމުގެ މަސައްކަތް ހިމެނެއެވެ.
މި މަޝްރޫއު ނިންމުމަށް ހަމަޖެހިފައިވަނީ 250 ދުވަހުގެ ތެރޭގައެވެ.
![](https://vaguthu.mv/wp-content/uploads/2022/03/c42ffdb0-ad2c-4976-a311-f496de19c8db.jpeg)
ވޭތުވެދިޔަ ތިން އަހަރުތެރޭ އެމްޓީސީސީން ވަނީ ބަނދަރު ހެދުމާއި، ބިން ހިއްކުމާއި އަދި ގޮނޑުދޮށް ހިމާޔަތްކުރުމުގެ ގިނަ މަޝްރޫއުތަޖެއް ނިންމާފައެވެ.
ރާއްޖޭގެ އުމްރާނީ ތަރައްގީ އާއި އިޖުތިމާޢީ ވަސީލަތްތައް ބިނާކުރުމުގައި އެމްޓީސީސީން މުހިއްމު ދައުރެއް އަދާކޮށްފައިވާކަން ފާހަގަކޮށްލަން ޖެހެއެވެ.