އެސްޓީއޯގެ ކާޑު ގުދަނުގައި ސޯލާ ޕެނަލް ހަރުކޮށްފިއެވެ.

އެސްޓީއޯއިން ބުނީ، މިއީ އެ ކުންފުނީގެ ގްރީން އިނީޝިއޭޓިވްގެ ދަށުން ހިންގުމަށް ހަމަޖެހިފައިވާ ޕްރޮޖެކްޓްތަކުގެ ތެރެއިން ރިނިވްބަލް އެނާޖީ އިން ކަރަންޓް އުފެއްދުމަށް ހިންގުނު ޕައިލޮޓް ޕްރޮޖެކްޓެއް ކަމަށެވެ.

އެގޮތުން މާލެ ކަޅުތުއްކަލާކޮއްޓާއި އިންވެގެން ހުންނަ އެސްޓީއޯގެ ކާޑު ގުދަނުގައި އިންސްޓޯލް ކޮށްފައިވާ ސޯލާ ފެނަލްތަކުން އެ ގުދަނަށް ބޭނުންވާ ކަރަންޓުގެ އިތުރުން އެތަުން އުފައްދާ ކަރަންޓް ސްޓެލްކޯގެ ގްރިޑަށް ފޮނުވައިގެން އެސްޓީއޯގެ މެޑިކަލް ގުދަނުގެ ކަރަންޓުގެ ބޮޑުބައެއްވެސް ސޯލާ އެނާޖީއިން ބޭނުންކުރެވިގެންދާނެ ކަމަށް އެސްޓީއޯއިން ބުނެފައި ވެއެވެ.

މި އަހަރުގެ ޖުލައި މަހު ފެށި މި ޕްރޮޖެކްޓްގެ އަމަލީ މަސައްކަތް ނިންމީ އިއްޔެ އެވެ.

ފާހަގަކޮށްލަން ޖެހޭ ކަމަކީ އެސްޓީއޯގެ ކާޑު ގުދަނަކީ ތިމާވެއްޓާ ރައްޓެހި ތަނަކަށް ހެދުމުގެ ގޮތުން ގުދަނުގައި ބޭނުން ކުރަމުން ދަނީ ތިމާވެއްޓާ ރައްޓެހި ބެޓްރީ ފޯކްލިފްޓް ތަކެވެ.

Let's protect our environment to sustain a clean Ozone Day.

STO Staples warehouse solar power is our pilot project for green initiate to reduce the carbon footprint by introducing renewable energy and sustainable methods for the future of STO. pic.twitter.com/tUiKkP9G1Z

— STO (@stoplc) September 16, 2022

އެސްޓީއޯއިން މައުލޫމާތުދޭގޮތުގައި، އެ ކުންފުނީގެ އެކި އެކި އިމާރާތްތަކުގައި ބޭނުންކުރާ ކަރަންޓް އުފެއްދުމަށް ރިނިވްބަލް އެނަރޖީގެ އިތުރު ޕްރޮޖެކްޓްތައް ކުރިއަށް ރޭވިފައި ވެއެވެ.

މީގެ އިތުރުންވެސް ގްރީން އިނީޝިއޭޓިވް ދަށުން އެތައް ޕްރޮޖެކްޓްތަކެއް ހިންގުމަށް އެ ކުންފުނިން ތައްޔާރުވަމުންދާކަންވެސް ފާހަގަކޮށްލެވެއެވެ.

އެސްޓީއޯގެ އަމާޒަކީ ކުރިއަށް އޮތް ތަނުގައި ކާބަން އެމިޝަން މަދުކުރުމަށް ކުރެވޭނެ ކަންކަން ބަލައި އެގޮތުގެ މަތިން ކުންފުނީގެ މަސައްކަތްތައް ބަދަލުކުރުމެވެ.