ވ. އަތޮޅު ކައުންސިލުން މަނާކޮށްފައި އޮއްވާ އެ އަތޮޅުގައި ހިންގާ އަލިމަތާ ރިސޯޓުގެ ދޯންޏަކުން ވ. ޝިޕްރެކްގައި ވާ އެއްސި މައްސަލައެއް ފެންމަތި ވެއްޖެއެވެ.
ވ. ތިނަދޫ ކައުންސިލްގެ ރައީސް ހުސެއިން ޝިފާގް "ވަގުތަށް" ވިދާޅުވީ މީގެ ކުރިން ވެސް ވ. ޝިޕްރެކަށް ސްނޯކްލިންނަށް ދާ ދޯނި ފަހަރު ޝިޕްރެކްގައި ވާ އަޅާތީ އެތަން ހަލާކު ވަމުންދާކަން ކައުންސިލަށް ފާހަގަކުރެވުނު ކަމަށެވެ. އެހެންކަމުން ވ. ޝިޕްރެކްގައި ވާ އެޅުމަކީ މަނާ ކަމެއް ކަމަށް ކައުންސިލުން ނިންމައި ހުރިހާ ފަރާތްތަކަށް އެންގި ކަމަށް އޭނާ ވިދާޅުވިއެވެ.
ދޯނިތަކުގެ ވާ އެޅުމަށް އަށް ފައްތިޔާ ޝިޕްރެކް ކައިރީގައި ތަރައްގީ ކޮށްފައި ހުންނާނެ ކަމަށް ވެސް ޝިފާގް ފާހަގަކުރެއްވެވިއެވެ.
ވ.ޝިޕްރެކަށް ވައު އެއްސުމަކީ ވ އަތޮޅުކައުންސިލުން މަނާކޮއްފައި އޮންނަކަމެއް! އެސަރަހައްދަށް ދާ ދޯނިފަހަރު އަޅާނެ ފައްތިޔާ ވ އަތޮޅުކައުންސިލުން ހުންނާނީ ޖަހައިދީފަ! އަލިމަތާ ރިޒޯޓު ގެ ދޯނި އެއުސޫލުވެސް މުގުރާލައިފި. @Mausoom_Maus @ibusolih pic.twitter.com/gkcSewUXGN
— shifaq (@hussain_shifaq) November 13, 2022
ޝިފާގް ވިދާޅުވީ ކައުންސިލުގެ އެ ނިންމުމަށް ހުރިހާ ފަރާތްތަކުން ވެސް ކަމޭ ހިތާ ކަމަށެވެ. ނަމަވެސް އަލިމަތާ ރިސޯޓުން ކައުންސިލުން ހަދާފައިވާ އުސޫލަށް ކަމޭ ހިތުމެއް ނެތި ޝިޕްރެކްގައި ވާ އަޅާފައިވާ ކަމަށް އޭނާ ވިދާޅުވިއެވެ.
"ވ.ޝިޕްރެކުގައި ވާ އެއްސުމަކީ ވ.އަތޮޅު ކައުންސިލުން މަނާކޮށްފައި އޮން ނަކަމެއް. އެސަރަހައްދަށް ދާ ދޯނިފަހަރު އަޅާނެ ފައްތިޔާ ވ.އަތޮޅު ކައުންސިލުން ހުންނާނީ ޖަހައި ދީފައި. އަލިމަތާ ރިސޯޓު ގެ ދޯނި އެ އުސޫލު ވެސް މުގުރާލައިފި" ޝިފާގް ވިދާޅުވިއެވެ.
ޝިފާގް ވިދާޅުވީ އަލަމަތާ ރިސޯޓަކީ ވ. އަތޮޅުގެ ރަށްތަކުން ހަދާފައިވާ އެއްވެސް އުސޫލަކަށް ކަމޭ ހިތާ ބައެއް ނޫން ކަމަށެވެ. އަދި ރަށްތަކަށް ގެސްޓުން ނުފޮނުވައި ދަތިކުރުމުގެ ފިޔަވަޅު ވެސް އެ ރިސޯޓުން އަޅާ ކަމަށާއި އަލިމަތާއިން ބޭނުންވަނީ ވ. އަތޮޅު ކޮންޓްރޯލް ކުރަން ކަމަށް ވެސް ވިދާޅުވިއެވެ.
ބޯސާ ތަކެއް އަޅާބަލަ ކައިރީގަ. މައްސަލަ ހައްލުވީ ވަގުތުން.
ލިޔުން ކިޔާފައެއްނޫންދޯ ކޮމެންޓްކުރަނީ. އެއޮތީ ބުނެފާ 8ބޮއި ދޯނިފަހަރު އަޅަން ކައުންސިލުން އެތާ ހަރުކޮށްފާ އޮތްވާހަކަ.