ހދ. ފިނޭ ބަނދަރު ތަރައްގީ ކުރުމުގެ މަސައްކަތް ސަރުކާރުން އެމްޓީސީސީއާއި ހަވާލުކޮށްފިއެވެ.
ޕްލޭނިން މިނިސްޓްރީގައި މިއަދު އޮތް ރަސްމިއްޔާތެއްގައި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ޑިރެކްޓަރު ޖެނެރަލް ފާތިމަރު ޝާނާ ފަރޫގް އެވެ. އަދި އެމްޓީސީސީގެ ފަރާތުން އެއްބަސްވުމުގައި ސޮއި ކުރެއްވީ ޗީފް އެކްޒެކެޓިވް އޮފިސަރު އާދަމް އާޒިމް އެވެ.
އެމްޓީސީސީން ބުނީ، މި މަޝްރޫއުގެ ދަށުން ބަނދަރުގެ 41،332.31 ކިއުބިކް މީޓަރުގެ ސަރަހައްދު ފުން ކުރުމާއި ނެރުގެ 5848.05 ކިއުބިކް މީޓަރު ފުން ކުރާނެ ކަމަށެވެ.
- މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތައް:
219 މީޓަރު ބްރޭކްވޯޓާ ޖެހުން
82 މީޓަރު ރިވެޓްމެންޓް ޖެހުން
25 މީޓަރު ގްރޮއިން ޖެހުން
248 މީޓަރު އެއްގަމު ތޮށި ޖެހުން
248 މީޓަރު ސްކޯރިން އެޕްރޮން ޖެހުން
10 މޫރިން ބޮއި ހަރުކުރުން
90 އަކަ މީޓަރު ރޭންޕެއް ހެދުން
02 ނެވިގޭޝަން ލައިޓް ހަރުކުރުން
19 މަގު ބައްތި ހަރުކުރުން
2198 އަކަ މީޓަރު ޕޭވްމަންޓް ހެދުން
ޕްލޭނިން މިނިސްޓްރީން އެމްޓީސީސީއާއި ހަވާލުކުރި މި މަޝްރޫއުގެ އަގަކީ 47،268،512.87 ރުފިޔާ އެވެ. މި މަޝްރޫއު ނިންމަން ޖެހެނީ 450 ދުވަހުގެ ތެރޭގައެވެ.
ނަމެއްގަ ސޮއިކުރަނީ ސޮއިކުރިޔަސް ނުހިނަގާނެ
ވައިޖަހާލީ ދޯ ގަޕޯ