ގިނަ އަދަދެއްގެ ފަންނާނުންނާއެކު ރާއްޖޭގައި ފުރަތަމަ ފަހަރަށް އާޓް ފެސްޓިވަލްއެއް ބޭއްވުމަށް ހަމަޖެހިއްޖެ އެވެ.
ޔޫތް މިނިސްޓަރު އަހުމަދު މަހްލޫފް ކުރެއްވި ޓްވީޓެއްގައި ވިދާޅުވީ އެ މިނިސްޓްރީއާއި މޯލްޑިވިއަން އާޓިސްޓް ކޮމިއުނިޓީ ގުޅިގެން ފުރަތަމަ ފަހަރަށް އިންޓަނޭޝަނަލް އާޓް ފެސްޓިވަލްއެއް ބޭއްވުމަށް ހަމަޖެހިފައިވާ ކަމަށެވެ.
އެ ފެސްޓިވަލަށް ކިޔަނީ "ފަރުމާ އިންޓަނޭޝަނަލް ޔޫތް އާޓް ފެސްޓިވަލް" ކަމަށް މިނިސްޓަރު ވިދާޅުވިއެވެ.
The first international art festival in Maldives.
A collaboration between Youth Ministry and @Maldivian_Art.
FARUMA International Youth Art Festival
8 - 13 May 2023
Social Center 🎨 pic.twitter.com/hWXflnahds— Ahmed Mahloof (@AhmedMahloof) May 7, 2023
މިނިސްޓަރު ވިދާޅުވީ މި ފެސްޓުވަލްގައި 40 އަށްވުރެ ގިނަ ދިވެހި ފަންނާނުން އަދި 10 އަށްވުރެ ގިނަ ބައިނަލްއަގްވާމީ ފަންނާނުން ބައިވެރި ވާނެ ކަމަށެވެ.
އެ ފެސްޓިވަލް އޮންނާނީ މިއަދުން ފެށިގެން މި މަހުގެ 13 ވަނަ ދުވަހަށް ސޯޝަލް ސެންޓަރުގައި ކަމަށް ވެސް މިނިސްޓަރު ވިދާޅުވިއެވެ.
ރާއްޖޭގައި ފަންނާނުން އެމީހުންގެ ހުނަރު ދައްކާލުމަށް އެކި ފެސްޓިވަލްތައް ބާއްވައެވެ. އެ ހަފްލާތަކުގެ ސަބަބުން ފަންނުވެރިކަމުން ކުރިއަށް ދިއުމަށް ބޭނުންވާ ފަރާތްތަކަށް ވަރަށް ވެސް ބޮޑު ހިތްވަރެއް ލިބިގެން ދެއެވެ.