ވޯލީބޯލް އެސޯސިއޭޝަން އޮފް މޯލްޑިވްސްއިން އިންތިޒާމްކޮށްގެން މިމަހު ބާއްވަން ހަމަޖެހިފައިވާ ވީއައިއެސް ޓްރޭނިންގ ކޯހުގައި ބައިވެރިވުމުގެ ފުރުސަތު ހުޅުވާލައިފިއެވެ.
އެ އެސޯސިއޭޝަނުން ނެރުނު އިއުލާނެއްގައި ވަނީ މިމަހުގެ 5 އިން 13 އަށް ރާއްޖޭގައި ބޭއްވުމަށް ހަމަޖެހިފައިވާ ކޯހުގައި ބައިވެރިވުމަށް 1000 ރުފިޔާގެ ފީއެއް ދައްކަން ޖެހޭ ކަމަށެވެ.
ކޯހުގައި ބައިވެރިވުމުގެ ޝަރުތު:
- - ޢުމުރުން 18 އަހަރާއި 45 އަހަރާ ދެމެދުގެ މީހެއްކަމުގައި ވުން
- - އިނގިރޭސި ބަހުން މުއާމަލާތު ކުރަން (ލިޔަން ކިޔަން) އެނގުން
- - ފުރިހަމަ ސިއްޙަތެއްގައި ހުރުން
- - ވޯލީ ބޯޅައިގެ މަސައްކަތުގައި އުޅޭ މީހެއް ކަމުގައި ވުން
- - ކޮމްޕިއުޓަރ ބޭނުން ކުރަން އެނގުން
- - އަމިއްލަ ލެޕްޓޮޕެއް ހުރުން
އެހެންކަމުން މިޓްރޭނިންގައި ބައިވެރިވުމަށް ޝައުގުވެރިވާ ފަރާތްތަކުން އިޢުލާނާއެކުވާ އެޕްލިކޭޝަން ފޯމް ފުރިހަމަ ކުރެއްވުމަށްފަހު، ސުންގަޑިއަށް [email protected] އަށް އީ-މެއިލް މެދުވެރިކޮށް ހުށަހެޅުއްވުމަށް ވޮލީބޯލް އެސޯސިއޭޝަނުން ވަނީ އެދިފައެވެ.