ތަޖިކިސްތާނުގައި ބުރުގާ އެޅުން މަނާކުރަށް އެ ގައުމުގެ ޤާނޫނު ހަދާ މަޖިލީހުން ނިންމައި ބިލެއް ފާސްކޮށްފި ކަމަށް އެ ގައުމުގެ މީޑިއާތަކުން ބުނެފިއެވެ.
ހުޅަނގުން ހަރުކަށި ފިކުރުގެ ޖަމާއަތެއްގެ ގޮތިގައި ލޭބަލް ކޮށްފައިވާ ތާލިބާނުންގެ ވެރިކަން ކުރާ އަފްޣާނިސްތާނާ ގުޅިފައިވާ މެދުތެރޭ އޭޝިއާގެ ގައުމެއް ކަމަށްވާ ތަޖިކިސްތާނުގައި ބުރުގާ މަނާ ކުރަން ނިންމީ އެ ގައުމުގެ ގާނޫނު ހަދާ މަޖިލީހުގެ މަތީ ޗެމްބަރުން މި ޖޫން މަހުގެ 19 ވަނަ ދުވަހު ބިލެއް ފާސްކުރުމާ ގުޅިގެންނެވެ.
އޭޝިއާ ޕްލަސް އިން ރިޕޯޓްކޮށްފައިވާ ގޮތުގައި މި ބިލު ފާސްކޮށްފައިވަނީ މަޖިލީހުގެ މަތިގެ، މަޖްލިސް މިލީގެ 18 ވަނަ ދައުރުގައި އެ މަޖިލީހުގެ އިސްވެރިޔާ ރުސްތަމް އެމޯމަލީ ރިޔާސަތު ބަލަހައްޓަވަމުންނެވެ. އޭނާ އަކީ އިސްލާމް ދީނާއި ދެކޮޅު ވާހަކަދައްކާ މީހެއްގެ ގޮތުގައި ފާހަގަވެފައިވާ މީހެއް ކަމަށް އޭޝިއާ ޕުލަސް އިން ވަނީ ބުނެފައެވެ.
މަޖްލިސް މިލްގެ ބިލުގައި ވަނީ އިސްލާމީ އެންމެ މުހިންމު ދެ ޗުއްޓީ ކަމަށްވާ ފިތުރު އީދާއި އަޟްހާ އީދު ދުވަހުގައި އެ ގައުމުގެ ލާދީނީ ސިޔާސީވެރިންގެ ބަހުން ބުރުގާ އަށް ކިޔާ އެލިއަން ގާމެންޓްސް އާއި ކުޑަކުދިންގެ ހަރަކާތްތައް މަނާކޮށްފަ އެވެ. މި ތަޖަކިސްތާނުގެ މުސްލިމުންގެ ސަގާފީ ފެސްޓިވަލްތަކަށް އިދްގަރްދަކް ގެ ނަމުން ނަން ދެވިފައިވާ އިރު، ތަޖަކިސްތާނުގެ ސަގާފަތުގައިވާ ގޮތުން އެ ދުވަސްވަރު ކުޑަކުދިން މަގުމަތީގައި ހުންނަ އަވެއްޓެރި ގެތަކަށް ޒިޔާރަތްކޮށް ސަލާމްކޮށް އުޅެއެވެ.
ތަޖިކިސްތާނުގައި މި ޤާނޫނާއި ހިލާފުވާ ފަރާތްތައް ވަރަށް ބޮޑެތި އަދަދުތަކުން ޖޫރިމަނާ ކުރަން ވަނީ ނިންމާފައެެވެ. އެ ގައުމުގެ ފުލުހުން ވަނީ މި ޤާނޫނު ތަންފީޒުކުރަން ތައްޔާރުވެފައެވެ.
އަމިއްލައަށް ފޭއްސި އިލޮށިގަނޑު އަމިލައްލަ ލޮލަށް ހެރޭތަން ވަރަށްއަވަހަށް ފެންނާނެ