ފަލަސްތީނުގެ ޣައްޒާ އިން އިންޓަނެޓް ހިދުމަތް ކަނޑާލައި، އިސްރާއީލްގެ ޔަހޫދީން ވަރަށް ވަރުގަދަ އަށް ބޮން އަޅަން ފަށައިފިއެވެ.

ރިޕޯޓުތައް ބުނާ ގޮތުގައި އިސްރާއީލުން މީގެ ތިރީހަކަށް މިނެޓު ކުރިން ވަނީ އިންޓަނެޓް ހިދުމަތް ހިމެނޭ ގޮތަށް މުއާސަލާތީ ހުރިހާ ހިދުމަތެއް ކަނޑާލައި، ޣައްޒާ އަށް ބޮން އަޅަން ފަށައިފައެވެ. މިހާރު ޣައްޒާ އިން މުޅިން ކަހަލަ ގޮތަކަށް އިވެނީ ބޮމުގެ ބާރުގަދަ އަޑުފައްގަނޑު ކަމަށް ރިޕޯޓުތައް ބުނެއެވެ.

BREAKING: A full outage of telecommunications and the Internet in all of the Gaza Strip, as Israeli warplanes launch the most violent series of airstrikes across the enclave. pic.twitter.com/kT64gMdx2B

— Quds News Network (@QudsNen) October 27, 2023

ފަލަސްތީނުގެ މީޑިއާތަކުން ރިޕޯޓު ކުރަމުން އަންނަ ގޮތުގައި މި ހަމަލާތަކަކީ އޮކްޓޯބަރު 7 ގެ ފަހުން އިސްރާއީލުން ފަލަސްތީނުގެ ޣައްޒާ އަށް ދެމުން އަންނަ ހަމަލާތަކުގެ ތެރެއިން އެންމެ އަނިޔާވެރި ހަމަލާތަކެވެ.

Heavy, wide, and unprecedented;
lsraeli warplanes launch mass air attacks across Gaza Strip. pic.twitter.com/LM8BlJenxE

— TIMES OF GAZA (@Timesofgaza) October 27, 2023

މި ހަމަލާތަކާ ގުޅިގެން ވަރަށް ގިނަ ބަޔަކު ޝަހީދުވެ، ނުވަތަ ޒަހަމްވާނެ ކަމަށް ޣައްޒާގައި ތިބި ނޫސްވެރިން ދަނީ ބުނަމުންނެވެ.

މި މަހުގެ 7 ވަނަ ދުވަހު ފަލަސްތީނުގެ ރައްޔިތުންގެ ހައްގުގައި މަސައްކަތް ކުރާ ޖަމާއަތެއް ކަމަށްވާ ހަމާސް ޖަމާއަތުގެ މުޖާހިދުން ވަނީ އިސްރާއީލުން ހިފާފައިވާ އަވަށްތަކަށް އަރައިގަނެ، އިސްރާއީލްގެ ގިނަ ބަޔަކު މަރާލައި، އެތައް ބަޔަކު ރަހީނުކޮށްގެން ޣައްޒާ އަށް ގެންގޮސްފައެވެ. އެއާ އެކު، އިސްރާއީލްގެ ސިފައިން ރުޅިގަދަވެ، ފަލަސްތީނުގެ ޣައްޒާ އަށް ވަނީ ބޮން އަޅައި އެތައް ބަޔަކު ޝަހީދުކޮށްލައި، ގިނަ ބަޔަކު ޒަހަމްކޮށްލައިފައެވެ.

ފަލަސްތީނުގެ ހެލްތު މިނިސްޓްރީން ހާމަކޮށްފައިވާ ގޮތުގައި، މިހާތަނަށް އައިއިރު ފަލަސްތީނުގެ ޣައްޒާ އިން 7،300 އަށް ވުރެ ގިނަ މީހުން ވަނީ ޝަހީދުކޮށްލައިފައެވެ. އަދި މި ހަމަލާތަކުގައި ޒަހަމްވެފައިވާ މީހުންގެ އަދަދު ވެސް 15،000 އާ ގާތް ކުރާ ކަމަށްވެއެވެ.