ދާދި ފަހުން ވަކީލުކަން ކިޔަވައި ނިމުނު ފަލަސްތީނުގެ ޒުވާނަކު ނިރުބަވެރި އިސްރާއީލުން ޝަހީދު ކޮށްލައިފި.

ހަމާސް އަކަށް ދުވަހަކު ވެސް ޣައްޒާގެ ވެރިކަމަށް ނާދެވޭނެ ކަމަށް އެމެރިކާއިން ބުނެފި.

ހާލުގައި ޖެހިފައި ތިބި ޣައްޒާގެ ރައްޔިތުންނަށް އެހީ ފޮރުކޮށްދިނުމަށް ޣައްޒާއަށް އިތުރު 50 ޓްރަކެއް ވަދެފައިވާ ކަމަށް ރެޑް ކްރެސެންޓުން ބުނެފި.

އިސްރާއީލުގެ އަސްކަރިއްޔާއިން އެއްގަމު މަގުން ޣައްޒާގެ އުތުރުގެ ސަރަހައްދަށް ވަދެ ހަމާސްގެ ކުރީ ސަފުގެ މީހުން ޝަހީދު ކޮށްލައިފި.

ޖަރުމަނު ވިލާތުގެ ޗާންސެލާ، އޮލަފް ޝޯލްޒް ނިރުބަވެރި އިސްރާއީލުގެ ބޮޑުވަޒީރު، ބެންޖަމިން ނަތަންޔާހޫއަށް ފޯނުން ގުޅުއްވައި ޣައްޒާގައި ދިރިއުޅޭ އާންމުންގެ ހިމާޔަތާއި އިންސާނީ އެހީތެރިކަން ކަށަވަރުކުރުމަކީ ވަރަށް މުހިންމު ކަމެއް ކަމަށް ވިދާޅުވެއްޖެ.

ޣައްޒާއިން ދެން މުއާސަލާތީ ހިދުމަތް ކަނޑާލައިގެން ނުވާނެ ކަމަށް ބުނެ އެމެރިކާއިން އިސްރާއީލަށް އިންޒާރެއް ދީފި.

ޣައްޒާއިން ދެން މުއާސަލާތީ ހިދުމަތް ކަނޑާލައިގެން ނުވާނެ- އެމެރިކާ

ޣައްޒާ ދޫކޮށްދާން އެމެރިކާގެ 400 އަށްވުރެ ގިނަ ރައްޔިތުން ޝައުގުވެރިކަން ފާޅު ކޮށްފައިވާ ކަމަށް އެގައުމުން ބުނެފި.

ފަލަސްތީނުގެ ރައްޔިތުންގެ މިނިވަން ކަމަށް މަސައްކަތް ކުރާ ހަމާސް ޖަމާއަތުގެ ކޮމާންޑަރަކު ޝަހީދު ކޮށްލާފައިވާ ކަމަށް ނިރުބަވެރި އިސްރާއީލުގެ ސިފައިން ބުނެފި

ހަމާސްގެ ކޮމާންޑަރަކު ޝަހީދު ކޮށްލައިފިން- ނިރުބަވެރިން

ފޮޓޯގައި ފެންނަ އިސްރާއީލްގެ ހުރިހާ ސިފައިން ވަނީ މަރާލާފައި. އެމީހުންނަކީ ޣައްޒާ އަށް ވަދެގަތް ޔުނިޓެއްގައި ހިމެނޭ ސިފައިން.

ޣައްޒާގައި ތިބި އެމެރިކާގެ ރައްޔިތުން މިއަދު ރަފާހް ބޯޑަރު ހުރަސްކޮށް މިސްރަށް ދާނެ ކަމަށް އުންމީދު ކުރާ ކަމުގައި އެމެރިކާގެ ރައީސް ޖޯ ބައިޑަން ވިދާޅުވެއްޖެ. އެމެރިކާގެ ސެކްރެޓަރީ އޮފް ސްޓޭޓް އެންޓަނީ ބްލިންކެން ވިދާޅުވި ގޮތުގައި 400 ވަރަކަށް އެމެރިކާ ރައްޔިތުންނާ އެމީހުންގެ އާއިލާތައް ޣައްޒާގައި އެބަތިބި.

ޣައްޒާ އަށް ވަތް އިތުރު ސިފައިންގެ މީހަކު މަރާލައިފި. މިފަހަރު މަރާލާފައި ވަނީ ސާޖަންޓް ފަސް ކްލާސް ރޭންކްގެ އުމުރުން 22 އަހަރުގެ ފިރިހެނެއް. ޣައްޒާ އަށް ވަދެ ކުރަމުންދާ ހަނގުރާމައިގައި މަރާލި އިސްރާއީލް ސިފައިންގެ އަދަދު މިހާރު ވަނީ 16 އަށް އަރާފައި.

ޝިފާ ހޮސްޕިޓަލް ކައިރީގައި ހުރި ބޭކަރީއަކަށް އިސްރާއީލުން ބޮން އަޅައިފި.

ބެއިތު ހަނޫންގައި އޮތް ދުޝްމަނުންގެ ދެ ވެހިކަލަކަށް އަމާޒުކޮށް ހަމާސް އިން ވަރުގަދަ ހަމަލާއެއްދީ، ދެ ވެހިކަލް ވެސް ސުންނާފަތިކޮށްލައިފި. އެމީހުން ހަމަލާ ދިނީ އަލް ޔާސީން 105 ރޮކެޓުން. މިއީ ހަމާސް އިން އަމިއްލަ އަށް އުފައްދާފައިވާ މެރްކާވާ ޓޭންކްގެ ދަހަނާ ފޫ އަޅުވާލުމުގެ ގާބިލްކަން ލިބިފައިވާ ރޮކެޓްތަކެއް.

ފަލަސްތީނުގެ ހުޅަނގު އައްސޭރީގައި އިސްރާއީލް ސިފައިން ބަޑި ޖަހައި 4 މީހަކު ޝަހީދުކޮށްލައިފި. މިހާތަނަށް އައިއިރު ފަލަސްތީނުގެ ހުޅަނގު އައްސޭރީން ޝަހީދުވި މީހުންގެ އަދަދު 120 އަށް އަރާ.

އެރޭޒް ސަރަހައްދުން ދުޝްމަނުންގެ ތިން ސިފައިންނަށް އަމާޒުކޮށް ހަމާސް އިން ސަޕްރައިޒް ހަމަލާއެއް ދީފި.

ޣައްޒާގެ ދެކުނުން ވަދެގެންނަން މަސައްކަތް ކުރާ ޔަހޫދީންނަށް އަމާޒުކޮށް މިހާރު ވެސް ހަމާސް އިން ހަމަލާތައްދޭ.

އިސްރާއީލުން ހިފާފައިވާ ސަރަހައްދަކަށް ހަމާސް އިން ދެންމެ ވެސް މިސައިލް ހަމަލާތަކެއް ފޮނުވާލައިފި.

ހަނގުރާމައިގެ މައިދާނުގައި ހުރި ހަމާސްގެ ކޮމާންޑަރަކު އަލް-ޖަޒީރާ އަށް ބުނީ އިސްރާއީލްގެ ޓޭންކުތައް ކުރި ހޯދުމުގައި ނުކުޅެދިފައިވާ ކަމަށް. އިސްރާއީލުން ވަންނަން މަސައްކަތް ކުރާ ކޮންމެ ދިމާލަކަށް ހެން މުޖާހިދުން ހަމަލާތައް ދެމުންދާ ކަމަށް އެ ކޮމާންޑަރު ބުނި. އެއް ސަރަހައްދަށް ވުރެ ގިނަ ސަރަހައްދުގައި ހަމަލާތައް ބަދަލު ކުރާ އިރު، ދުޝްމަނުންގެ ވެހިކަލްތައް ހަލާކުކޮށްލަމުންދާ ކަމަށް ވެސް އޭނާ ބުނި.

ހަމާސްގެ ކޮމާންޑަރު ބުނި ގޮތުގައި އިސްރާއީލުން އާންމުކޮށްފައިވާ އަދަދަށް ވުރެ އިތުރު ސިފައިން ވަނީ މަރާލާފައި. އިސްރާއީލުން މިހާތަނަށް ބުނެފައިވަނީ ޣައްޒާ އަށް ވަތް އިސްރާއީލް ސިފައިންގެ ތެރެއިން 13 މީހުން މަރާލާފައިވާ ކަމަށް.

މިއަދު ހެނދުނު ޣައްޒާ އަށް އިންޓަނެޓާއި މުއާސަލާތީ ހިދުމަތްތައް މެދުކެނޑުމަށް ފަހު، އަނެއްކާ ވެސް އެ ސަރަހައްދަށް މުއާސަލާތީ ހިދުމަތްތައް ލިބެމުންދާ ކަމަށްވޭ.

ތެޔޮ ހުސްވުމުގެ ސަބަބުން ފަލަސްތީނުގެ ޣައްޒާގައި ހުންނަ ޓާކިޝް ފްރެންޑްޝިޕް ހޮސްޕިޓަލްގެ ހިދުމަތްތައް ހުއްޓުމަކަށް އަތުވެއްޖެ.

BREAKING| Theyo Husve, Gaza Ge Cancer Hospital Huttumakah! https://t.co/tP6oEFirjB

— Vaguthu Online (@VaguthuOnline) November 1, 2023

ހަމާސް އިން އިސްރާއީލްގެ އަސްކަރީ ބޭސްއަކަށް ބޮމުގެ ހަމަލާތަކެއް ފޮނުވާލައިފި.

ހަމާސްގެ މުޖާހިދުން މިހާރު ދަނީ އަލް-ކަރަމާ ސަރަހައްދުގައި ދުޝްމަނުންނާ ކުރިމަތިލަމުން. ދުޝްމަނުންގެ ތެރެއިން ބަޔަކު މަރާލައި، އިތުރު ސިފައިން ޒަހަމްކޮށްލާފައިވާނެ ކަމަށް ހަމާސް އިން ބުނޭ.

ފަލަސްތީނުގެ ޣައްޒާ އަށް އެއްގަމު މަގުން އަރައި ހަނގުރާމަ ކުރަން ފެށުމުން އޭގެ ހިތި "ރަހަ" ލިބެން ފަށާފައިވާ ކަމަށް ޔަހޫދީން އެއްބަސްވެއްޖެ.

Gaza Ah Erumun Eyge Hithi "Raha" Libe Kamah Yahoodheen Ehbas Vejje https://t.co/158i6Kduk7

— Vaguthu Online (@VaguthuOnline) November 1, 2023

ލުބުނާންގެ ދެކުނުގެ އަވަށެއްގައި ހުރި ގެއަކަށް އިސްރާއީލުން ބޮން އަޅައިފި.

ސަރައްހަދީ ކޮންފަެންސެއް ބޭއްވުމަށް ތުރުކީ އާއި އީރާނުން ގޮވާލައިފި. ތުރުކީން ބުނަނީ ޣައްޒާގައި ހިނގަމުން އަންނަ އުދުވާނާ ގުޅިގެން މުޅި މެދުއިރުމަތީގައި ހަނގުރާމައެއް ފެށެން ބޭނުން ނުވާ ކަމަށް.

ފަލަސްތީނުގެ ޣައްޒާ އަށް ވަދެ އުޅުނު އިސްރާއީލްގެ އިތުރު ނިރުބަވެރިއަކު މަރާލައިފި.

BREAKING| Gaza Ah Vadhe Ulhunu Israel Ge Nirubaveriaku Maraalaifi https://t.co/C1MF9LzxVq

— Vaguthu Online (@VaguthuOnline) November 1, 2023

ހެލްތު މިނިސްޓްރީގެ ތަރުޖަމާނު: ތުރުކިޔޭގެ ބޮޑުވަޒީރު ތޮއްޔިބް އުރުދުޣާން އަދި ލީޑަޝިޕަށް ގޮވާލަނީ ޓާކިޝް ފްރެންޑްޝިޕް ހޮސްޕިޓަލަށް ބޭނުންވާ ތެޔޮ ފޯރުކޮށްދިނުމަށް. ސިއްހީ ހިދުމަތްތައް ދިނުމަށް ކޮންމެހެން ވެސް ތެޔޮ ވަނީ ބޭނުންވެފައި. މިއީ ޣައްޒާގައި ހުރި ހަމައެކަނި ކެންސަރު ހޮސްޕިޓަލް.

ބެއިތު ހަނޫން ސަރަހައްދުން ހަމާސްގެ މުޖާހިދުން "ސަޕްރައިޒް" ހަމަލާތަކެއް ދީފި. ރިޕޯޓުތައް ބުނާ ގޮތުގައި ހަމާސް އިން ވަނީ އެކިއެކި ހަތިޔާރުތައް ބޭނުންކޮށްގެން ދުޝްމަނުންނަށް ހަމަލާދީފައި.

ފަލަސްތީނުގެ ޣައްޒާގެ މެދުތެރޭގައި ހުންނަ ޖަބަލިއާ ރެފިއުޖީ ކޭމްޕަށް އަނެއްކާ ވެސް ބޮމުގެ ހަމަލާތަކެއްދީ އެތައް ބަޔަކު ޝަހީދުކޮށްލައިފި.

BREAKING| Gaza Ge Jabalia Camp Ah Anekkaa Ves Bomuge "Vaarey" Eh, Ethah Bayaku Shaheedhu Vejje https://t.co/NWvLZe7jy8

— Vaguthu Online (@VaguthuOnline) November 1, 2023

ޣައްޒާގެ އުތުރުގައި އޮންނަ ޖަބަލިއާ ރެފިއުޖީ ކޭމްޕްގައި އިސްރާއީލުގެ ހަނގުރާމަމަތީ މަތިންދާބޯޓުތަކުން އާންމުންގެ އަމާޒުތަކަށް ހަމަލާދީފި

ޣައްޒާގައި ހުންނަ އަލް ޝިފާ މެޑިކަލް ކޮމްޕްލެކްސްގެ ޑިރެކްޓަރު ވިދާޅުވީ އެ ކޮމްޕްލެކްސްގެ މައި ކަރަންޓް ޖަނަރޭޓަރު ހުއްޓިއްޖެ ނަމަ ގަޑިއިރުތަކެއްގެ ތެރޭގައި ގިނަބަޔަކު މަރުގެ ތުންފަތް މައްޗަށް ހުށަހެޅިގެންދާނެ ކަމަށް

ޣައްޒާގައި އިންޓަނެޓާއި ޓެލެކޮމިއުނިކޭޝަން އަލުން އިއާދަކޮށްފި

ޣައްޒާ ސިޓީގެ ދެކުނުމުގައި ޣައްޒާގެ ހަނގުރާމަވެރިންނާއި ޔަހޫދީ ނިރުބަވެރި ސިފައިންނާ ދެމެދު ވަރުގަދަ ކުރިމަތިލުންތަކެއް ހިނގަމުންދާ ކަމަށް ރިޕޯޓްތައް ބުނޭ.

ޣައްޒާއިން ދިން ވަރުގަދަ ރޮކެޓް ހަމަލާތަކުގެ ސަބަބުން އަޝްދޯދުގައި ގާތްގަނޑަކަށް 20 ވަރަކަށް ބޮން ގޮއްވާލާފައިވާ ަކަމަށް މީޑިއާ ރިޕޯޓްތައް ބުނެފި.

ބެއިޓް ހަނޫންގެ އިސްރާއީލްގެ ފޯސްއަކަށް މިސައިލް ހަމަލާއެއް ދީފި

ޖަބާލިއާގައި ހިނގި ހަމަނުޖެހުންތަކުގައި ބަންދުގައި ތިބި 7 މީހަކު މަރުވެފައިވާކަން އަލްޤާސަމް ބްރިގޭޑުން އިއުލާނުކޮށްފި

ޣައްޒާއަށް ބޮމެއް ވައްޓާލާ ކޮންމެ ފަހަރަކު އިސްރާއީލުން އުފާފާޅު ކުރާ މަންޒަރު

A circulating footage shows Israeli settlers cheering and celebrating every time a bomb is dropped on #Gaza. pic.twitter.com/A9XEI15WS3

— Quds News Network (@QudsNen) November 1, 2023

"ކޮންމެވެސް މިންވަރަކަށް ތެޔޮ ހުރި ކޮންމެ މީހަކު ވެސް އަލް ޝިފާ ކޮމްޕްލެކްސް އަށާއި އިންޑޮނޭޝިއާ ހޮސްޕިޓަލަށް ސަޕްލައި ކުރުމަށް" ޣައްޒާގެ ސިއްހަތާ ބެހޭ ވުޒާރާއިން ގޮވާލައިފި.

ފަލަސްތީނުގެ ޣައްޒާގައި ހުންނަ އެންމެ ބޮޑު އެއް ހޮސްޕިޓަލް ކަމަށްވާ އަލް ޝިފާ ހޮސްޕިޓަލު ކައިރީގައި އިސްރާއީލުގެ ނިރުބަވެރި ސިފައިން ބޮން އަޅަމުންދާ ކަމަށް މީޑިއާ ރިޕޯޓްތައް ބުނެފި.

ޣައްޒާގެ އަލް ޝިފާ ހޮސްޕިޓަލް ކައިރީގައި ޔަހޫދީން ބޮން އަޅަނީhttps://t.co/YRXGoWsvgk

— Vaguthu Online (@VaguthuOnline) November 1, 2023

އޮކްޓޯބަރު ހަތް ވަނަ ދުވަހު ނިރުބަވެރި އިސްރާއީލާއި ފަލަސްތީނުގެ ޣައްޒާއާ ދެމެދު ހަނގުރާމަ ފެށުނު ފަަހުން ފުރަތަމަ ފަހަރަށް މިސްރާއި ޣައްޒާ ގުޅުނު ބޯޑަރު ހުޅުވާލައިފި

މިސްރާއި ޣައްޒާ ގުޅޭ ބޯޑަރު ހުޅުވާލައިފިhttps://t.co/jQ49EN2z9F

— Vaguthu Online (@VaguthuOnline) November 1, 2023

އަލް ޝިފާ ހޮސްޕިޓަލް ކޮމްޕްލެކްސް ކައިރީގައި މަތިންދާބޯޓުތައް ހަމަލާދެމުންދާ ކަމަށް ބައެއް މީޑިއާ ރިޕޯޓްތައް ބުނެފި.

އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއީލު ސިފައިންގެ 300 އަށްވުރެ ގިނަ މީހުން މަރާލައިފި

ޔަމަނުން ދިން ހަމަލާތަކާ ގުޅިގެން ދިފާއީ މަސައްކަތްތައް އިތުރަށް ހަރުދަނާ ކުރުމަށް އައިޑީއެފްގެ މިސައިލް ހަނގުރާމަމަތީ އުޅަނދެއް އަންގާރަ ދުވަހު ރަތް ކަނޑުގެ ސަރަހައްދަށް އަތުވެއްޖެ

ޣައްޒާގައި އަދިވެސް އިންޓަނެޓާއި ފޯނުގެ ހިދުމަތް ނެތް ކަމަށް މައުލޫމާތު ލިބޭ.

ހާލުގައި ޖެހިފައިވާ ފަލަސްތީނުގެ މީހުންނަށް ބިން ދޭން ގދ. ވާދުން ހުށަހަޅަން ނިންމައިފި.

ފަލަސްތީނުގެ މީހުންނަށް ވާދޫން ބިން ދޭން ޕްލޭނެއްhttps://t.co/dw95si8ZnZ

— Vaguthu Online (@VaguthuOnline) November 1, 2023

ޣައްޒާގެ އެއްގަމު އޮޕަރޭޝަންތައް ރޭގަނޑު ކުރިއަށް ދިޔަ ކަމަށާއި، ހަމާސްގެ އެތައް އަމާޒަކަށް ސިފައިން ހަމަލާދީފައިވާ ކަމަށް އިސްރާއީލުގެ ދިފާއީ ބާރުތަކުން ބުނެފި

އައިޑީއެފް އިން ބުނީ ހަނގުރާމަ ފެށުނީއްސުރެ ހަމާސް ޖަމާއަތާއި އެހެނިހެން ޖަމާއަތްތަކަށް ނިސްބަތްވާ ގާތްގަނޑަކަށް 11،000 ސައިޓަށް ހަމަލާ ދީފައިވާ ކަމަށް.

އޮކްޓޯބަރު މަހުގެ 7 ވަނަ ދުވަހުން ފެށިގެން ޣައްޒާގެ ބަންދުގައި ތިބި އިސްރާއީލުގައި ދިރިއުޅެމުންދިޔަ މީހުން ހޯދުމުގެ މަސައްކަތުގައި އެހީތެރިވުމަށް އެމެރިކާގެ ކޮމާންޑޯއިން އިސްރާއީލަށް ގޮސްފި.

ފަލަސްތީނުގެ ހަނގުރާމަވެރިންނާއި އިސްރާއީލު ސިފައިން ޣައްޒާ ސިޓީގެ އިރުދެކުނުން އޮންނަ ޒައިތޫން އަވަށުގެ ދެކުނުން ވަރުގަދަ ކުރިމަތިލުންތަކެއް ހިންގަމުންދާ ކަމަށް މީޑިއާ ރިޕޯޓްތައް ބުނެފި.

މިދިޔަ އޮކްޓޯބަރު މަހުގެ 7 ވަނަ ދުވަހު ހަމާސްގެ ހަނގުރާމަވެރިން އިސްރާއީލަށް ދިން ހަމަލާތަކާ ގުޅިގެން އިޒްރޭލު ސިފައިން ގެންދަނީ ޖެނިން ހިމެނޭ ގޮތަށް ހިފާފައިވާ ހުޅަނގު އައްސޭރީގެ އެކި ސަރަހައްދުތަކުގައި ރޭގަނޑުގެ ވަގުތެއްގައި ހަމަލާތައް ދެމުން.

މިގޮތުން ޖެނިންގައި މިއަދު އެކަނި ދެ މީހަކު ވަނީ ޝަހީދުކޮށްލާފައި.

ނުސީރަތު ރެފިއުޖީ ކޭމްޕުގެ ބިމާހަަމަކޮށްލާފައިވާ ގެތަކުގެ ދަށުން މީހުން ހޯދަނީ

ޣައްޒާގެ ދެކުނުގެ ޚާން ޔުނިސްގެ ދެ ގެއަކަށް އަމާޒުކޮށް އިސްރާއީލުން ދިން ވައިގެ ހަމަލާއެއްގައި ކުޑަކުދިން ހިމެނޭހެން ފަލަސްތީނުގެ އާންމުންގެ 12 މީހަކު ޝަހީދުވެއްޖެ.

ޔަހޫދީ އިސްރާއީލުން ފަލަސްތީނަށް ދެމުންދާ ހަމަލާތަކުގައި ހާލުގައި ޖެހިފައިވާ ރައްޔިތުންނަށް އެހީވުމަށް އއ. ހިމަންދޫން ދެ ލައްކައަށްވުރެ ގިނަ ރުފިޔާ ހަދިޔާކޮށްފި

ފަލަސްތީނަށް އެހީވުމަށް ހިމަންދޫން 2 ލައްކައަށްވުރެ ގިނަ ރުފިޔާ ހަދިޔާ ކޮށްފިhttps://t.co/9A0my1MZpd

— Vaguthu Online (@VaguthuOnline) November 1, 2023

އިސްރާއީލު ސިފައިން ހަތިޔާރު އެޅި ވެހިކަލަކުން މަގެއް ބަންދުކުރަން ފަށައިފި.

އެ ޕޯސްޓުގައި ވާގޮތުން އިސްރާއީލު ސިފައިން ފަލަސްތީނުގެ ހަނގުރާމަވެރިންނާ ކުރިމަތިލާން ޖެހުނީ ހިފާފައިވާ ހުޅަނގު އައްސޭރީގެ ހުޅަނގު އުތުރުފަރާތުގެ ކަލްކިލިއާ ސިޓީގައި.

اشتباكات مسلحة بين فلسطينيين وقوات الاحتلال الإسرائيلي خلال اقتحامها لمدينة قلقيلية بالضفة الغربية#فيديو #حرب_غزة pic.twitter.com/1s5bcj796H

— الجزيرة فلسطين (@AJA_Palestine) November 1, 2023

ޖަބާލިއާ ރެފިއުޖީ ކޭމްޕަށް އިސްރާއީލުން ލާއިންސާނީ ހަމަލާތަކެއް ދިނުން ސައުދީ އަރަބިއްޔާގެ ޚާރިޖީ ވުޒާރާއިން ކުށްވެރިކޮށްފި.

ހިފާފައިވާ ހުޅަނގު އައްސޭރީގެ ތުލްކަރީމް ރެފިއުޖީ ކޭމްޕްގެ މީހުންނާ ދެމެދު ހިނގި ހަމަނުޖެހުންތަކުގައި އިސްރާއީލު ސިފައިން ބަޑިޖަހާ ހާއްސަ އެހީއަށް ބޭނުންވާ އުމުރުން 65 އަހަރުގެ މެގްޑީ ޒަކަރިއްޔާ ޔޫސުފް އަވާދު ޝަހީދުކޮށްލައިފި

ފަލަސްތީނުގެ ގައްޒާގެ ހުޅަގުގައި އޮންނަ ޖަބާލިއާ ރެފިއުޖީ ކޭމްޕަށް އިސްރާއީލުން ހަމަލާ ދިނުން ރާއްޖެއިން ކުށްވެރި ކޮށްފި

ޖަބާލިއާ ރެފިއުޖީ ކޭމްޕަށް އިސްރާއީލުން ހަމަލާދިނުން ރާއްޖެއިން ކުށްވެރިކޮށްފިhttps://t.co/klbdo70HHD

— Vaguthu Online (@VaguthuOnline) November 1, 2023

ފަލަސްތީނުގެ ރައްޔިތުންގެ ހައްގުގައި މަސައްކަތް ކުރަމުންގެންދާ ހަމާސް ދެކޮޅަށް ޣައްޒާގެ އުތުރުގައި ނިރުބަވެރި އިސްރާއީލުން ހިންގި ކުރިމަތިލުންތަކުގައި އިތުރު ނުވަ ސިފައިން މަރުވިކަން އިސްރާއީލުގެ ދިފާއީ ބާރުތަކުން އިއުލާނުކޮށްފި

ޣައްޒާގެ ހަަމަލާތަކުގައި ޔަހޫދީ 9 ސިފައިން މަރާލައިފިhttps://t.co/grHXXauq81

— Vaguthu Online (@VaguthuOnline) November 1, 2023

ނިރުބަވެރި އިސްރާއީލުން ފަލަސްތީނުގެ ޣައްޒާއަށް ދެމުންގެންދާ ހަމަލާތަކާއި ގުޅިގެން ބޮލިވިއާ އިން އިސްރާއީލާ ސިޔާސީ ގުޅުން ކަނޑާލައިފި

ބޮލިވިއާ އިން އިސްރާއީލާ ސިޔާސީ ގުޅުން ކަނޑާލައިފިhttps://t.co/eYKqzY3MRp

— Vaguthu Online (@VaguthuOnline) November 1, 2023

ޣައްޒާގެ އުތުރުގައި ފްރާންސްގެ ދެ ކުއްޖަކު ޝަހީދުކޮށްލާފައިވާ ކަމަށާއި ފްރާންސްގެ ރަށްވެހިކަން ވެސް ލިބިފައިވާ އެ ކުދިންގެ މަންމައަށް އަނިޔާވެފައިވާ ކަމަށް ބުނެފި

ފާއިތުވި ހަފުތާތަކުގެ ތެރޭގައި އިސްރާއީލަށް ހަމަލާތައް ދިން ސަރަަހައްދުތަކައި ގައުމުތައް.

- ޣައްޒާ
- ހުޅަނގު އައްސޭރި
-ލެބަނަން
-ސީރިޔާ
-އީރާޤް
-ޔަމަން

އިންޓަނޭޝަނަލް ޕްރިމިއަމް ކޮލެޓީ ބްރޭންޑެއް ކަމަށްވާ "ޑީ އެންޑް ޕީ ޕާފިއުމަމް" ގެ ރާއްޖޭގެ އައުޓްލެޓްގެ ފަރާތުން ފަލަސްތީނުގެ ޣައްޒާގައި ހާލުގައި ޖެހިފައިވާ ރައްޔިތުންނަށް އެހީވުމަށް ހާއްސަ ހަރަކާތެއް ކުރިއަށްގެންދަން ނިންމައިފި.

ޣައްޒާއަށް އެހީވުމަށް ރާއްޖޭގެ ޑީ އެންޑް ޕީ ޕާފިއުމަމްއިން ހަފްތާއެއްގެ ސޭލްގެ %10 ހަދިޔާ ކުރަނީhttps://t.co/7xvWkYkAV0

— Vaguthu Online (@VaguthuOnline) November 1, 2023

ފަލަސްތީނުގެ ޣައްޒާގައި ހުރިހާ މުވާސަލާތީ އަދި އިންޓަނެޓްގެ ހިދުމަތްތަކެއް ކަނޑާލާފައިވާ ކަމަށް ފަލަސްތީނުގެ ޓެލެކޮމް ކުންފުނިން ބުނެފި.

ޣައްޒާ އިން އިންޓަނެޓު ހިދުމަތް އަނެއްކާވެސް ކަނޑާލައިފިhttps://t.co/EpsPeFB40o

— Vaguthu Online (@VaguthuOnline) November 1, 2023

ޣައްޒާގެ ޚާން ޔޫނުސްގެ މީހުން ދިރިއުޅޭ ދެ އިމާރާތަކަށް އިސްރާއީލުން ދިން ވައިގެ ހަމަލާތަކުގައި ފަލަސްތީނުގެ ފަސް މީހަކު ޝަހީދުވެ، 40 މީހުން ޒަޚަމްވެއްޖެ.

އިސްރާއީލުން ހިފާފައިވާ ހުޅަނގު އައްސޭރީގެ އުތުރުގެ ޖެނިން ސިޓީއަށް އިސްރާއީލު ސިފައިން ވަދެ ދިން ހަމަލާއެއްގައި އެކަކު ޒަހަމްކޮށްލާފައިވާއިރު، އެތައް ބަޔަކު ހައްޔަރުކޮށްފައިވާ ކަމަށް ވަފާ އިން ބުނެފި.

އިސްރާއީލަށް 14 ބިލިއަން ޑޮލަރުގެ އެހީއެއް ދިނުމަށް އެމެރިކާގެ ރައީސް ޖޯ ބައިޑަން އެދިވަޑައިގަތުމުން އެމެރިކާގެ އިންސާނީ ހައްގުތަކަށް މަސައްކަތް ކުރާ ޖަމާއަތަކުން ކަންބޮޑުވުން ފާޅުކޮށްފި.

ހިފާފައިވާ ހުޅަނގު އައްސޭރީގެ އަވަށެއް ކަމަށްވާ އަލް އެއިޒާރިއާގައި މަތިން ދުން އަރަމުންދާ މަންޒަރު ފެންނަ ވީޑިއޯއެއް އަލްޖަޒީރާ އަރަބިކުން މީސް މީޑިއާގައި އާންމުކޮށްފި.

އެ ޕޯސްޓުގައި ވާގޮތުން ފަލަސްތީނުގެ ޒުވާނުންނާއި އިސްރާއީލު ސިފައިންނާ ދެމެދު އެ އަވަށުގައި ކުރިމަތިލުންތައް ހިނގަން ފެށީ އަނެއްކާވެސް އެކި ސަރަހައްދުތަކުގައި ރެއިޑްކުރަމުން ދަނިކޮށް.

مواجهات بين شبان فلسطينيين وقوات الاحتلال الإسرائيلي ببلدة العيزرية شرق القدس#فيديو #حرب_غزة pic.twitter.com/rCQzzl1a6H

— الجزيرة فلسطين (@AJA_Palestine) October 31, 2023

ކޮލަމްބިއާއިން އިސްރާއީލަށް ކަނޑައަޅުއްވާފައި ހުންނަވާ ސަފީރު އަނބުރާ ފޮނުވާލައިފި.

"އިސްރާއީލުން ފަލަސްތީނުގެ ރައްޔިތުން ޝަހީދުކުުރުން ހުއްޓާނުލައިފިނަމަ އަޅުގަނޑުމެންނަކަށް އެތަނަކަށް ނުތިބެވޭނެ،" އެ ގައުމުގެ ވާތު ފިޔައިގެ ރައީސް ގުސްޓާވޯ ޕެޓްރޯ ވިދާޅުވި.

އޮސްޓްރޭލިއާއިން އިސްރާއީލަށް ދެމުން ގެންދާ އަސްކަރީ ތާއީދު ހުއްޓާލުމަށް ގޮވާލައި އޮސްޓްރޭލިއާގެ ޑިފެންސް މިނިސްޓަރު ރިޗަޑް މާލްސްގެ އޮފީހަށް އެތައް ބަޔަކު އެއްވެއްޖެ.

އިސްރާއީލުން ޣައްޒާއަށް ދިން ހަމަލާއެއްގައި ޝަހީދު މީހުން ގޮވައިގެން އަސްދުއްވާފައިވާ ކާޓެއްގައި ދަތުރު ކުރާ މަންޒަރު ފެންނަ ވީޑިއޯއެއް އަލްޖަޒީރާ އަރަބިކް އިން މީސް މީޑިއާގައި އާންމުކޮށްފި.

މިދިޔަ އަންގާރަ ދުވަހު ޣައްޒާގެ ސިއްހަތާ ބެހޭ ވުޒާރާއިން ވެސް ވެސް އިސްރާއީލުގެ ވައިގެ ހަމަލާތަކުގެ ސަބަބުން 25 އެމްބިއުލާންސަށް ވެސް މުޅިން ގެއްލުންވެފައިވާ ކަމަށް ބުނެފައި.

نقل الشهداء على عربة جر في ظل أزمة وقود حادة يشهدها قطاع #غزة#حرب_غزة pic.twitter.com/58hYehoxuU

— قناة الجزيرة (@AJArabic) October 31, 2023

ނިރުބަވެރި އިސްރާއީލާއި ފަލަސްތީނުގެ ޣައްޒާއާ ދެމެދު މިހާރު ހިނގަމުންދާ ހަނގުރާމައާ ގުޅިގެން ތެޔޮ ލިބުން އެއްކޮށް މެދުކެނޑިފައިވާ ޣައްޒާގެ މުހިންމު ދެ ހޮސްޕިޓަލަކުން ތެޔޮ ހުސްވާން ކައިރިވެފައިވާ ކަމަށް ހެލްތް މިނިސްޓްރީން ބުނެފި.

ޣައްޒާގެ މުހިންމު ދެ ހޮސްޕިޓަލަކުން ތެޔޮ ހުސްވާން ކައިރިވެއްޖެ، ފަހުގެ އިންޒާރު ދީފިhttps://t.co/53vlc8uvBP

— Vaguthu Online (@VaguthuOnline) November 1, 2023

ޣައްޒާގެ ޖަބާލިއާގެ ހުޅަނގުން މީހުން ދިރިއުޅޭ އިމާރާތަކަށް އިސްރާއީލުން ދިން ވައިގެ ހަމަލާތަކުގައި އަށް މީހުން ޝަހީދުވެ އެތައް ބަޔަކު ޒަހަމްވެފައިވާ ކަމަށް ފަލަސްތީނުގެ ވަފާ ނިއުސް އެޖެންސީން ބުނެފި.

ނިރުބަވެރި އިސްރާއީލުން ޣައްޒާއަށް ދެމުންގެންދާ ނުރައްކާތެރި ހަމަލާތައް ކުށްވެރިކުރުމަށް އިސްރާއީލުން ހިފާފައިވާ ހުޅަނގު އައްސޭރީގެ ހެބްރޯންގެ އުތުރުގެ އަވަށެއްގެ މަގުތަކަށް ނުކުތް ބައެއްގެ ގަޔަށް އިސްރާއީލު ސިފައިން ބަޑި ޖެހުމުގެ ސަބަބުން ފަލަސްތީނުގެ 16 އަހަރުގެ ކުއްޖަކު ޝަހީދުވެއްޖެ.

ކުރިއަށް އޮތް ދުވަސްތަކުގައި ޣައްޒާގެ ހައްޔަރުގައި ތިބި އެހެން ގައުމުތަކުގެ ބައެއް މީހުން ދޫކޮށްލާނެ ކަމަށް ފަލަސްތީނުގެ ހަމާސް ގޮފިން ބުނެފި

އެމެރިކާގެ ޚާރިޖީ ވަޒީރު އެންޓަނީ ބްލިންކެން ހުކުރު ދުވަހު އިސްރާއީލަށް ވަޑައިގެން އިސްރާއީލުގެ އޮފިޝަލުންނާ ބައްދަލުކުރެއްވުމަށް ހަމަޖެހިފައިވާކަމަށް އެމެރިކާގެ ޚާރިޖީ ވުޒާރާއިން ބުނެފި.

ޣައްޒާގެ ޖަބާލިއާ ކޭމްޕަށް އިސްރާއީލުން ދިން ނުރައްކާތެރި ހަމަލާއާ ދެކޮޅަށް ގަތަރުގެ ވެރިރަށް ދޯހާގައި އެތައް ސަތޭކަ ބަޔަކު މުޒާހަރާ ކޮށްފި.

ޣައްޒާގެ މުހިންމު ދެ ހޮސްޕިޓަލެއްގެ މައި ޖަނަރޭޓަރުތައް މުޅިން ހުއްޓި މަދު "ގަޑިއިރެއް"ގެ ތެރޭގައި ތަން ހުއްޓުމަކަށް އަންނާނެ ކަމަށް ފަލަސްތީނުގެ ސިއްހަތާ ބެހޭ ވުޒާރާގެ ތަރުޖަމާނު މުޅި ދުނިޔެއަށް "ފައިނަލް އިންޒާރު" ދީފި.

ޣައްޒާގެ ޖަބާލިއާ ރެފިއުޖީ ކޭމްޕަށް އިސްރާއީލުން ދިން ނުރައްކާތެރި ހަމަލާ އިންސާނީ އެހީދޭ ޖަމާއަތްތަކުން ކުށްވެރިކޮށް، ވަގުތުން ހަނގުރާމަ ހުއްޓާލުމަށް އަނެއްކާވެސް ގޮވާލައިފި.