ފަލަސްތީނުގެ ޣައްޒާ އަށް ވަދެ ހަނގުރާމަ ކުރަމުން ދަނިކޮށް އިސްރާއީލުގެ ސިފައިންގެ އިތުރު ދެ މީހަކު މަރާލައިފި

BREAKING: Israel Sifainge Ithuru 2 Meehaku Maraalaifi https://t.co/pqoWjxQQQ9

— Vaguthu Online (@VaguthuOnline) December 18, 2023

"ހަމާސް އާއި އިސްރާއީލާ ދެމެދު ހިނގަމުންދާ ހަނގުރާމައަކީ ވަކިން ހާއްސަކޮށް މިސްރުގެ ގައުމީ ސަލާމަތަށް އަދި އާންމުކޮށް ފަލަސްތީނުގެ ބޭނުމަށް އޮތް ނުރައްކަލެއް" ކަމަށް މިސްރުގެ ރައީސް އަބްދުލް ފައްތާހު އަލް ސީސީ ވިދާޅުވެއްޖެ

އަލް ސީސީ މިހެން ވިދާޅުވީ ތިން ވަނަ ރިޔާސީ ދައުރެއް ކާމިޔާބު ކުރެއްވިކަން އިއުލާނު ކުރެއްވުމަށް ފަހު ޓީވީތަކުން ދެއްކެވި ވާހަކަފުޅުގައި

އަލްޖަޒީރާގެ މުވައްޒަފެއްގެ ގެއަށް އިސްރާއީލުން ދިން ހަމަލާއެއްގައި ޝަހީދުވެއްޖެ.

ޝަހީދުވެފައި ވަނީ އަލްޖަޒީރާގެ އަރަބި ވެބްސައިޓުގެ މިދާން ޕޭޖުގެ އޯޑިއޯ ކޮމެންޓޭޓަރެއް ކަމަށްވާ އަބްދުالله އަލްވާން

އޭނާ ޝަހީދުވީ ޣައްޒާގެ އުތުރުގައި އޮންނަ ޖަބާލިއާގައި ހުންނަ އޭނާގެ އާއިލާގެ ގެއަށް އިސްރާއީލުން ދިން ވައިގެ ހަމަލާއެއްގައި.

ހޫތީންގެ ހަމަލާތަކާ ގުޅިގެން ޝިޕިން ކުންފުނިތަކުން ރެޑް ސީ ނެވިގޭޝަން މެދުކަނޑާލައިފި

ނިރުބަވެރު އިސްރާއީލުން އަލްއަވްދާ ހޮސްޕިޓަލް ބަލައި ފާސްކޮށް ބަލި މީހުންނާއި ޒަހަމްވި މީހުންނާއި ސިއްހީ ހިދުމަތްތެރިންގެ ތެރެއިން 16 އަހަރުން މަތީގެ އެންމެން ވަނީ ހައްޔަރުކޮށްފައިވާ ކަމަށް ހެލްތް މިނިސްޓްރީގެ ޑިރެކްޓާ ޖެނެރަލް ވިދާޅުވެއްޖެ

ފަލަސްތީނުގެ ރައްޔިތުންނާ އެއްބައިވަންތަކަމާއި ޣައްޒާގައި ހިނގަމުންދާ ހަނގުރާމައަށް ހައްލެއް ހޯދުމަށް ކުރަމުންދާ މަސައްކަތަށް އެއްބާރުލުން ދިނުމުގެ ގޮތުން ތުރުކީގެ ވޫޝޫ ޗެމްޕިއަނެއް ކަމަށްވާ ނެކްމެޓިން އަކިއުޒް ފަލަސްތީނުގެ ދިދަ އުފުލައިފި

Necmettin Akyüz, a Turkish Wushu champion, raises the Palestinian flag in solidarity with the people of Palestine and in support of efforts to address the war in Gaza. pic.twitter.com/4BCNR8Me0e

— Quds News Network (@QudsNen) December 18, 2023

އިޒްރޭލުގެ ގިނަ އަމާޒުތަކަކަށް ހަމަލާދިން ކަމަށް ކަސާމް ބްރިގޭޑްސް އިން ބުނެފި

ހަމާސްގެ އަސްކަރީ ގޮފިން ބުނަނީ އެ ޖަމާއަތުގެ ހަނގުރާމަވެރިންނަށް އަމާޒުކޮށް ހަމަލާދީފައިވާ ކަމަށް.

ފަލަސްތީނުގެ އުތުރުގައި އޮންނަ ޣައްޒާގެ ޖަބަލިއާ ރެފިއުޖީ ކޭމްޕަށް ރޭ އިސްރާއީލުން ދިން ހަމަލާތަކުގައި ޝަހީދުވި މީހުންގެ އަދަދާއެކު 24 ގަޑިއިރު ތެރޭގައި ޝަހީދުވި މީހުންގެ އަދަދު 151 އަށް އަރައިފި.

BREAKING: Gaza In Ithuru 151 Meehaku Shaheedhu Kollaifihttps://t.co/AToE3jJ86Z

— Vaguthu Online (@VaguthuOnline) December 18, 2023

ރަތް ކަނޑުގެ ދެ އުޅަނދު ކަމަށްވާ ސްވާން އެޓްލާންޓިކް އަދި އެމްއެސްސީ ކްލާރާއަށް ދިން ހަމަލާގެ ޒިންމާ ޔަމަނުގެ ހޫތީ ހަނގުރާމަވެރިންގެ ޖަމާއަތުން އުފުލައިފި.

އެ ޖަމާއަތުގެ އަސްކަރީ ތަރުޖަމާނު ޔަހްޔާ ސަރިއާ އެކްސްގައި ޝާއިއުކުރި ބަޔާނެއްގައި ބުނީ ހަމަލާތައް ދީފައިވަނީ ކަނޑުގެ ސިފައިންގެ ޑްރޯންތައް ބޭނުންކޮށްގެން ކަމަށް

އަދި ޣައްޒާއާ ދެކޮޅަށް ހިންގަމުންދާ ހަމަލާތަކުގެ އަލީގައި ފަލަސްޠީނުގެ ރައްޔިތުންނާ އެއްބައިވަންތަކަމާއެކު އެމީހުން ތިބިކަމަށް ވަަނީ ބުނެފައި.

އޮކްޓޯބަރު މަހުގެ 21 ވަނަ ދުވަހުން ފެށިގެން ޑިސެމްބަރު މަހުގެ 16 ވަނަ ދުވަހުގެ ނިޔަލަށް ރަފާ ކްރޮސިން މެދުވެރިކޮށް މިސްރުގެ އަސްކަރިއްޔާގެ އިންސާނީ އެހީއާއެކު 4،301 ޓްރަކް ލިބިފައިވާ ކަމަށް ފަލަސްތީނު ރެޑް ކްރެސެންޓް ސޮސައިޓީ (ޕީއާރުސީއެސް) އިން ބުނެފި.

މި ޓްރަކްތަކުގައި ކާބޯތަކެއްޗާއި ފެނާއި ރިލީފް އެއިޑްގެ އިތުރުން ސިއްހީ ސާމާނާއި ބޭސް ވެސް ހިމެނޭ.

އެ އެސޯސިއޭޝަނުގެ ޖުމްލަ ހިއްސާގެ ޓްރަކްތަކުގެ އަދަދަކީ 2،746 ޓްރަކް ކަމަށް ވަަނީ ބުނެފައި. އެ ޓްރަކްތަަކުގައި ހުރި ތަކެތި ބަހާފައިވަނީ ހިޔާތަކާއި ޑިސްޕްލޭސްމަންޓް ސެންޓަރުތަކާއި ހޯސްޓް އާއިލާތަކާއި ރެސިޑެންޝަލް ކޮމިއުނިޓީތަކާއި ކަމާ ގުޅުންހުރި ފަރާތްތަކަށް ކަމަށްވެސް ބުނެފައިވޭ.

ހަނގުރާމައިގެ ދުވަސްވަރު ރެޑް ކްރެސެންޓުން ވަނީ ޣައްޒާގެ އުތުރުގެ ސަރަހައްދުތަކަށް 310 ޓްރަކް ފޮނުވާފައި.

އެގޮތުން ޔޫއެންއާރުޑަބްލިއުއޭ އާއި ކަމާ ގުޅުންހުރި އެހެނިހެން މުއައްސަސާތަކަށް 1،555 ޓްރަކް ޑެލިވަރީކޮށްފައިވާ ކަމަށް ބުނެފައިވޭ.

އެމެރިކާގެ ޑިފެންސް ޗީފް އިސްރާއީލުގެ ބޮޑުވަޒީރާ އެކު ތެލްއަވީވްގައި މަޝްވަރާ ކުރަމުންދާ ކަަމަށް މިޑިއާ ރިޕޯޓްތައް ބުނެފި.

ޣައްޒާގެ ހަނގުރާމަ މެދުކަނޑާލަން އީޔޫގެ ޚާރިޖީ ސިޔާސަތުގެ ވެރިޔާ ޖޯސެފް ބޮރެލް ގޮވާލައްވައިފި

މި ހަމަނުޖެހުންތަކާ ބެހޭ ގޮތުން އެންމެ ފަހުން ދެއްވި ބަޔާނެއްގައި އޭނާ ވިދާޅުވެފައިވަނީ ޣައްޒާގައި އާންމުންގެ "ވަރަށް ގިނަ" މީހުން ޝަހީދުވެފައިވާ ކަމަށް

"އިސްރާއީލުގެ ޣައްޒާގައި ހިންގަމުންދާ އަސްކަރީ އޮޕަރޭޝަންގައި ވަރަށް ބޮޑު ތަފާތެއް ނެތްކަން އަޅުގަނޑުމެންނަށް ފެންނަމުން މިދަނީ،"

ނޯވޭގެ އުޅަނދެއް ރަތް ކަނޑުގައި "ނޭނގޭ އެއްޗެއް" ޖެހި އެކްސިޑެންޓެއް ހިނގައިފި ކަމަށް އެ ދޯނީގެ ވެރިފަރާތުން ބުނެފި.

ނޯވޭގެ އިންވެންޓަރ ކެމިކަލް ޓޭންކަރުސް އިން ނެރުނު ބަޔާނެއްގައި ބުނީ މި ހާދިސާގައި އިންޑިއާގެ ފަޅުވެރިންގެ އެއްވެސް މީހަކަށް ގެއްލުމެއް ލިބިފައި ނުވާ ކަމަށާއި ދޯންޏަށް ކޮންމެވެސް ވަރެއްގެ ގެއްލުމެއް ލިބިފައިވާ ކަމަށް.

މި ހަމަލާ އަމާޒުވެފައި ވަނީ ޔަމަނުގެ ހޫތީ ހަނގުރާމަވެރިންގެ ހަމަލާތަކާ ގުޅިގެން ޝިޕިން ކުންފުނިތަކުން އެ ސަރަހައްދުގެ ޓްރާންސިޓް މެދުކަނޑާލާފައިވާ ދަނޑިވަޅެއްގައި.

ޝިފާ ހޮސްޕިޓަލް ތެރެއިން ވަރަށް ބޮޑަށް ކަޅު ދުންގަނޑެއް އަރަމުން އަންނަ ކަމަށް ރިޕޯޓުތައް ބުނެފި. މި ހޮސްޕިޓަލަކީ އިސްރާއީލްގެ ހަމަލާތައް ވަރަށް ބޮޑަށް އަމާޒުވެފައިވާ ތަނެއް.

ޣައްޒާގެ ރަފާހް ސަރަހައްދުގައި ވެއްޓިފައިވާ އިމާރާތެއްގެ ދަށުގައި ތިބި ބަޔަކު ހޯދުމުގެ މަސައްކަތް ފަލަސްތީނުގެ ރައްޔިތުން ކުރަނީ.

ފަލަސްތީނުގެ ޣައްޒާގައި ހަމާސްގެ މުޖާހިދުން ބޭނުން ކުރާ ބިމުގެ އަޑީގެ ބޮޑު ބިންގަރާހެއް ހޯދާފައިވާ ކަމަށް އިސްރާއީލުން ބުނެފި.

Gaza Ga Huri Bodu Bingaraaheh Israel In Hoadhaifi https://t.co/9JVaSH0T9p

— Vaguthu Online (@VaguthuOnline) December 18, 2023

ޝިފާ ހޮސްޕިޓަލްގައި ހުރި ސާޖިިކަލް އިމާރާތަށް އިސްރާއީލުން ބޮން އަޅައި ބަޔަކު ޝަހީދުކޮށްލައިފި.

އިސްރާއީލްގެ އަސްކަރިއްޔާ އިން ޣައްޒާގެ އަލް-އައުދާ ހޮސްޕިޓަލްގެ ޑިރެކްޓަރު އަހުމަދު މުހަންނާ ހައްޔަރުކޮށްގެން ގެންދިޔަ ތަނެއް ނޭނގޭ ކަމަށް ޣައްޒާގެ ހެލްތު މިނިސްޓްރީގެ ތަރުޖަމާނު އަޝްރަފް އަލް-ގުދްރާ ވިދާޅުވެއްޖެ.

ފަލަސްތީނުގެ ހުޅަނގު އައްސޭރީގައި އިސްރާއީލް ސިފައިން ބަޑި ޖަހައި ފަލަސްތީނުގެ ޒުވާނަކު ޒަހަމްކޮށްލައިފި.

ކުރިއަށް އޮތް މަދު ގަޑިއިރުތަކެއްގެ ތެރޭގައި އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިން އިސްރާއީލަށް ވަޑައިގަންނަވާނެ.

ފަލަސްތީނުގެ ޣައްޒާ އަށް ވަދެ ހަނގުރާމަ ކުރަމުން ދަނިކޮށް އިސްރާއީލުގެ ސިފައިންގެ އިތުރު ހަތަރު މީހަކު މަރާލައިފި.

BREAKING| Israel Sifainge Ithuru 4 Meehaku Maraalaifi https://t.co/feTF0Up7Wu

— Vaguthu Online (@VaguthuOnline) December 18, 2023

އިތުރު ޝިޕިންގް ކުންފުންޏަކުން އިސްރާއީލަށް މުދާ އުފުލުން މެދު ކަނޑާލައިފި.

Ithuru Shipping Kunfunyakun Israel Ah Mudhaa Ufulun Medhu Kan’daalaifi https://t.co/a3QmQNWQMk

— Vaguthu Online (@VaguthuOnline) December 18, 2023

އިސްރާއީލުން ފަލަސްތީނުގެ ޣައްޒާއަށް ހަމަލާ ދެމުން ގެންދާތާ ދެ މަހަށް ވުރެ ގިނަ ދުވަސްވެ އެތައް ބަޔަކު މަޖުބޫރުން މަގުމަތިކޮށް ޣައްޒާގެ ދެކުނަށް ފޮނުވާލާފައިވާއިރު، ޣައްޒާއަށް ދިމާވެފައިވާ އިންސާނީ ކާރިސާގެ ހާލަތު ދަނީ ހައްތަހާ ގޯސް ވަމުން.

Ban’du Haive Goiy Husvefai, Ehee Ge Lorry Thah Loot Vanee https://t.co/wSlOskWFtn

— Vaguthu Online (@VaguthuOnline) December 18, 2023

އިސްރާއީލުން ނުސެއިރާތު ރެފިއުޖީ ކޭމްޕަށް ދިން ހަމަލާ.

25 شهيدا وعدد من المصابين في قصف إسرائيلي استهدف منازل في مخيم النصيرات وسط قطاع غزة#الأخبار #حرب_غزة pic.twitter.com/4Z1f3kWI5S

— الجزيرة فلسطين (@AJA_Palestine) December 18, 2023

ފަލަސްތީނުގެ އަންހެން ނޫސްވެރިއެއް ކަމުގައިވާ ހަނީން އަލީ އަލް-ގަސްތަން ޝަހީދުކޮށްލައިފި. އޭނާ ޝަހީދުކޮށްލާފައި ވަނީ އިސްރާއީލުން ޣައްޒާގެ ނުސައިރާތު ރެފިއުޖީ ކޭމްޕަށް ބޮން އަޅައި ދިން ވައިގެ ހަމަލާގައި.