ލޮލުގެ ފެނުން ދަށްކަމުގެ ސަބަބުން ލޮލުގައި އައިނު އަޅަން ޖެހުމަކީ ގިނަ ބަޔަކަށް ކުރިމަތިވާ ކަމެކެވެ. ބައެއް މީހުން ފޮޓޯ އަކަށް އައިނު އަޅާލަން ބޭނުންވި ކަމުގައިވިޔަސް، ދިގު މުއްދަތަކަށް އައިނު އަޅަން ޖެހުމުން ފޫހިވާގޮތް ވެއެވެ. އެއީ އައިނު އެޅުމުގެ ސަބަބުން ބައެއް ކަންކަން ކުރުމުން މަހްރޫމްވާން ޖެހޭތީ އާއި އެކަމުގެ ތަކުލީފް ބޮޑުކަމުންނެވެ. އެގޮތުން، ތިރީގައި މިވަނީ އައިނު އަޅާ ބައެއް މީހުންނަށް ކުރިމަތިވާ ބައެއް ތަކުލީފުތަކެވެ.
ހޫނު ތަކެތި ބުއިން
އައިނު އަޅައިގެން ހުރެ ކޮފީ ފަދަ އެއްޗެއް ބޮއެފިނަމަ، އައިނުގެ ލޯކޮޅު ފޮގްވެ، ތަންތަން ފުސްވެގެން ދާނެއެވެ. އޭރުން ދެން އުޅެން ޖެހޭނީ ލޯކޮޅު ސާފު ކުރުމުގައެވެ.
ފިނި ތަނެއްގައި ގިނައިރުވުން
މާ ފިނި ގަދަ ތަނެއް ނުވަތަ އޭސީ ހުންނަ ކޮންމެ ތަނެއްގައިވެސް ގިނައިރުވާން ފަށައިފިނަމަ، ލޯކޮޅު ފުސްވާން ފަށައެވެ. އަދި ތަންތަން ފުސްވެ، ދުރު ބަލަން އުނދަގޫ ވާގޮތްވާނެއެވެ.
ފޮތް ކިޔަން އޮށޯވެ އޮތުން
އަބަދު އިށީނދެގެން އިނދެ ފޮތް ކިޔުމަށްވުރެ އޮށޯވެގެން އޮވެ ފޮތް ކިޔަން މާ ފަސޭހަވާނެއެވެ. އެހެންނަމަވެސް އޮށޯވެއްޖެނަމަ އައިނު އަޅައިގެން ކިޔަން ނުލާހިކު އުނދަގޫވެސް ވާނެއެވެ. އަދި އައިނު އެއް އަރިއަކަށް އިނުމުގެ ސަބަބުން ނޭފަތަށް ވެސް ތަދުވެދާނެއެވެ.
އަވި އައިނު އެޅުން
އަވި އައިނު އަޅަން ކިތަންމެ ބޭނުންވިޔަސް ލޮލުގައި އޮތް އައިނު ނެގޭކަށްވެސް ނޯވެއެވެ. ސަބަބަކީ އެ އައިނު ނަގައިފިނަމަ ދުރެއް ރީތިކޮށް ނުފެންނާނެއެވެ. އެހެންވުމުން، ދެން އޮންނާނެ ހަމައެކަނި ގޮތަކީ ދެ އައިނު މަތިމަތިން އެޅުމެވެ. ގައިމުވެސް މިއީ މާ ފަސޭހަ ކަމަކަށް ނުވާނެއެވެ.
އައިނު ސާފު ކުރުން
މިކަން ކުރަން ބޭނުންވާ ކޮންމެ ފަހަރަކު ރަނގަޅު 'މެޓީރިއަލް' އެއްގެ ފޮތިކޮޅެއް ނުލިބިދާނެއެވެ. ދެން އޭރުން ޖެހުނު ފޮތިކޮޅަކުން ސާފު ކުރަން އުޅުމުގެ ތެރޭގައި އިނގިލީގެ ނިޝާންތައްވެސް އެރުމަކީ ވުން ގާތް ކަމެކެވެ.
ދެންކޮބާ ތިކަމުގެއެްންމެ ފަސޭހަ ދާއިމީ ހައްލަު
އިޒްދެޓް އައިރީން
އިންޑިޔާ މީހުން އައިނު އަޅާފައި ހުންނަ އިރު އައިނު މަތީގައި ތިއްކެއް ޖަހާފައި ހުންނާނެ. އޭރުން އެވީ ކޯންޗަކަށް؟
އައިރީން???