މިދިޔަ ޖެނުއަރީ މަހުގެ ހަތަރުވަނަ ދުވަހު، ޕާކިސްތާނުގެ ކަސޫރު ސިޓީ އިން ރަހުމް ކުޑަ ގޮތަކަށް މަރާލާފައި އޮއްވައި ފެނުނު އުމުރުން ހަތް އަހަރުގެ ޒައިނަބު އަންސާރީ މަރާލީ އެވަގުތު ޖިންނި އަވަލާފައި ހުރުމުން ކަމަށް އޭނާގެ ގާތިލް، އިމްރާން އަލީ ބުނެފިއެވެ.
އުމުރުން 24 އަހަރުގެ އިމްރާން މިގޮތަށް ބުނެފައިވަނީ، އެ މައްސަލައިގައި ދެވަނަ ފަހަރަށް އޭނާ ހައްޔަރުކޮށް، އޭނާ އާއި ދެކޮޅަށް ހެކި ހޯދައި މައްސަލައިގެ ތަހުޤީޤަށް ސުވާލުކުރުމުންނެވެ. އެގޮތުން އޭނާ ކުރިންވެސް ހުންނަނީ ޖިންނި އަވަލާފައި ކަމަށާއި، އެކަމުގެ ސަބަބުން ކުޑަކުދިން ރޭޕްކޮށް މަރާލުމަށް އާދަވެފައިވާއިރު، އެއީ އޭނާ ގަސްތުގައި ކުރާކަމެއް ނޫން ކަމަށް އިމްރާން ބުނެފައި ވެއެވެ.
ޒައިނަބުގެ ހަށިގަނޑު ފެނުނީ، ކަސޫރު ސިޓީގެ ކޮޓް ރޯޑުގައި ހުރި ކުނިގޮނޑެއްގެ ތެރެއިންނެވެ. އޭނާގެ ހަށިގަނޑު ފެނުނުއިރު އެކި ވަރުގެ އަނިޔާ ދީފައިވާ ކަމުގެ ނިޝާންތައް ހަށިގަނޑުގެ އެކި ތަންތަނުން ފެންނާން ހުއްޓެވެ.
ޒައިނަބު ރޭޕްގެ ޝިކާރައަކަށް ހަދައި މަރާލީ، އޭނާ ޤުރުއާން ކްލާސް ނިންމާފައި ގެއަށްދިޔަ މަގުމަތީގައި ރަހީނުކޮށްގެންނެވެ. އެމަންޒަރު ފެންނަ ވީޑިއޯއެއް މީގެ ކުރިން ޢާންމުވެފައިވާއިރު، އެ ވީޑިއޯއިން ފެންނަނީ ފިރިހެނަކާއިއެކު ހިނގާފައި އޭނާ ދާ މަންޒަރެވެ. އިމްރާން ފަހުން ބުނެފައިވާގޮތުގައި، ޒައިނަބު އޮޅުވާލީ، އުމްރާވުމަށް މައްކާއަށް ގޮސްތިބި އޭނާގެ މައިންބަފައިންގެ ގާތަށް ގެންގޮސްދޭނެ ކަމަށް ބުނެއެވެ. މައިންބަފައިން ނުފެންނަތާ ގިނަ ދުވަސްވެފައި ވުމުން އެމީހުނާއި ބައްދަލުކުރަންދާން ދިއުމަށް ޒައިނަބު ހުރީ ވަރަށް ބޭނުންވެފައެވެ. އެހެންކަމުން ފަސްޖެހުމެއް ނެތި ގާތިލާއި އެކު ޒައިނަބު ދިޔައީއެވެ.
ޒައިނަބު ރަހީނުކޮށްގެން ދިޔަ މަގުމަތީގައި ވެސް އޭނާ ރޭޕްކޮށްލުމަށް ވިސްނައިގެން ހުރި ކަމަށާއި، އެގޮތުން އެ ޢަމަލު ހިންގުމަށް ރަނގަޅު ފުރުސަތެއް ކުރިންވެސް ހޯދަމުން ދިޔަ ކަމަށް އިމްރާން ބުނެފައި ވެއެވެ. ޒައިނަބު ރަހީނުކޮށްގެން ދިޔަ މަގުމަތީގައި އެންމެ ފުރަތަމަ މިސްރާބު ޖެހީ، ޒައިނަބުގެ ގެއާއި އެއް ކިލޯމީޓަރު ދުރުގައި ހުރި ކުނިގޮނޑެއްގެ ތެރޭގައި އޭނާ ރޭޕްކޮށްލުމަށް ކަމަށް އިމްރާން ބުނެފައި ވެއެވެ. ނަމަވެސް އެ ސަރަޙައްދުގައި ބަޔަކު ތިބުމުން ކައިރީގައި ހުރި ހަދަމުންދިޔަ އިމާރާތަކަށް ވެއްދުމަށްފަހު އެ ތުއްތު ކުއްޖާ ރޭޕްކޮށްލީ ކަމަށް އިމްރާން އެއްބަސް ވެއެވެ.
އިމްރާން ބުނެފައިވާގޮތުގައި، އޭނާ ވަނީ ތިން ގަޑިއިރުވަންދެން ޒައިނަބު ރޭޕްކޮށް އޭނާއަށް ތަޙައްމަލް ނުކުރެވޭނޭފަދަ އެތައް އަނިޔާއެއް ދީފައެވެ. އަދި ޒައިނަބުގެ އާއިލާއަކީ އޭނާގެ އަވައްޓެރިން ކަމުގައި ވުމާއި އެކު، ގެއަށްދާން ދޫކޮށްލައިފި ނަމަ ފަހުން ބޭޒާރު ވެދާނެ ކަމަށްޓަކައި، ކަރުގައި ހިފައި ހާސްކޮށްލައިގެން މަރާލީ ކަމަށް ރަހުމުކުޑަ އިމްރާން އިއުތިރާފުވިއެވެ.
ޒައިނަބުގެ ހަށިގަނޑު ފެނުމަށްފަހު ކުރިއަށްގެންދިޔަ ޓެސްޓްތަކުން އެނގުނު ގޮތުގައި، އޭނާގެ ކަރުގެ ކަށިތަކުގައި ވެސް ވަނީ ރެސްލާފައެވެ. އަދި އޭނާ މަރާލާފައި ވަނީ ވަރަށް އިހާނެތި ގޮތަކަށް، ގިނަ ވޭންތަކެއް ތަޙައްމަލް ކުރަން ޖެއްސުމަށްފަހުކަން ހާމަވާ އެނޫންވެސް ހެކިތައް ހަށިގަނޑުގެ އެކި ތަންތަނުން ފެނިފައި ވެއެވެ.
މުޅި ދުނިޔެ ސިއްސުވާލި މި ހާދިސާއަށްފަހު މިއަދު އިމްރާން ވަނީ އިންސާފުގެ ކުރިމައްޗަށް ގެނެވިފައެވެ. މިހާރު އޭނާއަށް މި މައްސަލައިގައި މަރުގެ ޙުކުމް އިއްވާފައިވާއިރު، އެ ޙުކުމް އިއްވާފައި ވަނީ މީހަކު ވަގަށް ނެގުމާއި، ރޭޕް ކުރުމާއި، ގަސްދުގައި މީހަކު މަރާލުން އަދި ޓެރަރިޒަމްގެ އަމަލެއް ހިންގި ކަމުގެ ކުށް ސާބިތު ވެގެންނެވެ.
ޕާކިސްތާނުގައި ފަހަކަށް އައިސް ރޭޕް ކުރުން ޢާންމުވެފައި ވާއިރު، ފަހުގެ ތާރީޚެއްގައި ހިނގި މިފަދަ އެތައް ހާދިސާއަކާއި އިމްރާނާއި ގުޅުމެއްވާކަމަށް މީގެ ކުރިން ބެލެވުނުއިރު، އޭނާ ވަނީ ފާއިތުވެދިޔަ ދެ އަހަރުގެ ތެރޭގައި ހަތް ކުއްޖަކު ރޭޕްކޮށް މަރާލުމުގައި ބައިވެރިވި ކަމަށް އިއުތިރާފްވެފައެވެ.
އެއޯކޭ އިއްމަ. ކަލޭ މަރާ ޖައްލާދުވެސް ހުންނާނީ ޖިންނިއަވަލާފަކަން ހަމަ މަށަށް ޔަގީން. އެއީ ޖައްލާދުގެ ކުށެއްނޫން. ކުރިންވެސް ޖައްލާދު އަވަލައިގެން ހަމަ ކަލޭކަހަލަ ކަންބަޅި މަރާފަހުންނާނީ
އެއީ ގާޒީގެ ކުށެއްނޫން ހުކުމް އިއްވީ.. އެއީ މީހުން އަވަލީމާ.. ސޮރީ
ކުޑަކުދިން ރޭޕްކުރުމަށް ޖިންނި އަވަލާފައި ހުރި މީހެއްތާ ތިއީ........
ހަހަ.....އަދިކިރިޔާތަ ތިއެނގުނީ ޖިންނިއެއް އަވަލާފަ ހުރިކަން؟؟؟؟ތިދައްކަނީ ހިނިއަންނަ ޒާތުގެ ވާހަކަ...!!!ހަތްކުދިން ރޭޕްކޮށް މަރާލީވެސް ތިބުނާޖިންނިއެއް އަވަލާފަ ހުރެގެންދޯ...!!ބޯހަލާކު....
ބަލަ ކަލޭއަށް ޖިންނި އަވަލާފަ ހުއްޓަސް ޒައިނަބު ޤުރްޢާން ކިޔަވައިގެން ހުރި ވަޤުތު އަތްވެސް ނުލެވުނީސް ޖިންނި ކަލޭ ގައިތެރެ ވާނަމަ! ދެން ކޮން އުޒުރެއް ދައްކާކަށް! ޒައިނަބްގެ ހައްޤުގައި މަރާ! މަރަށް މަރު!
އެނަ އަނައަށް ނޭނގޭނެ ދިވެހިން ލިއުނަސް
އޭނަ އަށް ނޭނގުނަސް ދެން ތިބި ދިވެހިންނަށް އެނގޭނެ ނުން
ހޫނ އެހެންވެގެންދޯ ކަލޭ ޖެހިގެން އައިދުވަހު ތުނބުޅިބާލައިގެން ސިފަބަދަލު ކުރަން އުޅުނީ......؟؟؟
ޖިންނި މޮޔަވެފަ ހުންނައިރު ކުރެވޭކަންތައް ތިމާއަށް އެނގޭނެތަ؟
ތިކަހަލަ ކާފަރު ޖިންނި އަވަލާފަ ތިބޭމީހުން ރަނގަޅުވާނީ އަވަހައް މެރިއްޔާ.....
ދަންޖެއްސުމައް ވުރެ ރަނގަޅުވާނީ ކުދި އަނިޔާދީ މެރިށްޔާ ކަންނޭންގެ....
ދެން އެބުނާ ޖިންނިވެސް ހައްޔަރު ކުރަން ފެނޭ. އިބިލީސް ދައްކާ ވާހަކަ...