ނުރައްކާތެރި ކޮވިޑް-19 އާއި ހަނގުރާމަ ކުރަމުން ދަނިކޮށް ކޯމާއަކަށް ލި އަންހެނަކު އެއްމާބަނޑު ދެކުދިން ވިހައިފި އެވެ. އުމުރުން 32 އަހަރުގެ ޑެނިއަލް މާޓިން ނުވަ ހަފްތާގައި ނޭވާލާން އުނދަގޫ ވުމުން ހޮސްޕިޓަލަށް ގެންދެވުނެވެ. އަދި އޭނާ ކޮވިޑަށް ޓެސްޓު ކުރުމުން ވަނީ ނަތީޖާ ފައްސި ވެފައެވެ. އެއާއި އެކު އޭނާގެ ހާލަތު ގޯސްވުމުން ޑޮކްޓަރުން ވަނީ އޭނާ ކޯމާ އަކަށް ލާފަ އެވެ.

ޑެނިއެލް ކޯމާއަކަށް ލާފައި ވަނީ އޭނާގެ ފިރިމީހާ 32 އަހަރުގެ ބްރާޔަން ގްރީން އަށް ނާންގަ އެވެ. އަދި ކުއްލިއަކަށް ޑޮކްޓަރުންނަށް ޑެނިއެލް ކޯމާއަށް ލާން ޖެހުނީ ޑެނިއެލް އާއި ދަރިފުޅުގެ ރައްކަލަކަށް ކަމަށް އެފަރާތުން ބުނެއެވެ. ޑެނިއެލް އެއްމާބަނޑު ކުދިންނަށް ބަލިވެ އިންކަން އެނގުނީ އޭނާ ކޯމާއިން ހޭލި ފަހުންނެވެ.

ޑެނިއެލް ކޯމާގައި 10 ދުވަސްވަންދެން އޮތުމަށް ފަހު ހޭލީ އޭނާ އެއްމާބަނޑު ދެކުދިންނަށް ބަނޑުބޮޑުކަމުގެ އުފާވެރި ހަބަރާއި އެކު އެވެ. އަދި މި ހަފްތާގެ ކުރީކޮޅު އޭނާ ދެކުދިން ވިހާފައިވާއިރު މިއީ އެ އާއިލާއަށް ލިބުނު ނަސީބެއް ކަމަށް ބްރާޔަން ދެކެއެވެ. އެމީހުންގެ މިހާރު 7 ކުދިން އެބަ ތިއްބެވެ. އެމީހުން އެންމެ ފަހުންވިހި ދެކުދިންނަކީ ދެ އަންހެން ކުދިންނެވެ. އެކުދިންނަށް ކިޔާފައިވާ ނަމަކީ އޭވާ އާއި އެމީލިއާ އެވެ.

Father-of-five reveals joy as his partner gives birth to their 'miracle' twin girls just months after she was placed in an induced coma for two weeks while battling Covid-19https://t.co/L7fhHweRuf

— Daily Mail Femail (@Femail) October 11, 2020

އޮކްޓޯބަރު 7 ގައި ޑެނިއެލް އެއްމާބަނޑު ދެކުދިން ވިހާފައިވާއިރު މިހާރު އެކުދީން ތިބީ ގޭގައި އާއިލާގެ އެހެން ކުދިންނާއި އެކީގަ އެވެ.