މޮރޮކޯއިން ދޭ ސްކޯލާޝިޕަށް އެދި ހުށަހެޅުމުގެ ފުރުސަތު ހުޅުވާލައިފިއެވެ.

މިނިސްޓްރީ އޮފް ހަޔަރ އެޑިއުކޭޝަނުން ހާމަކުރި ގޮތުގައި މޮރޮކޯއިން ދޭ ސްކޯލާޝިޕުގެ ދަށުން 20 ކުދިންނަށް ފުރުސަތު ލިބިގެންދާނެއެވެ. "މޮރޮކޮން ސްކޮލަޝިޕް" ސްކީމްގައި ޕީއެޗްޑީ އާއި މާސްޓާސް އަދި ބެޗެލާސް ޑިގްރީ އަށް ކިޔެވުމުގެ ފުރުސަތު މިހާރު މިވަނީ ހުޅުވާލާފައެވެ.

މި ސްކޮލަޝިޕްތަކަށް ކުރިމަތިލުމުގެ ފުރުސަތު މި މަހުގެ 14 ވަނަ ދުވަހު ހެދުނު 10:00 އާ ހަމައަށް އޮންނާނެ ކަމަށް ހަޔާ އެޑިއުކޭޝަން މިނިސްޓްރީން ބުނެއެވެ. ސްކޮލަޝިޕްތަކަށް މައި އެޑިއު ޕޯޓަލް މެދުވެރިކޮށް ކުރިމަތިލެވޭނެއެވެ. އަދި ސްކޮލަޝިޕްތަކަށް ކުރިމަތިލާ މީހުންގެ ތެރެއިން ޝަރުތުހަމަވާ ހުރިހާ ކެންޑިޑޭޓުން ނޮމިނޭޓްކުރާނެ ކަމަށްވެސް ވަނީ ބުނެފައެވެ.

Moroccan scholarships are now open for PhD, Masters, and Bachelor's degrees for the 2024/2025 academic year. Don't miss this amazing opportunity to study in Morocco!
Deadline for applications: May 14, 2024, 10:00 AM. Apply now!
info: https://t.co/MeIsFQSD54 pic.twitter.com/5h1mnVkBtI

— Min. of Higher Edu, Labour and Skills Development (@MoHEmv) May 9, 2024

މިނިސްޓްރީން ބުނީ ސްކޮލަޝިޕް ސްކީމްގެ ދަށުން ކޯސް ފީ ހިލޭ ހަމަޖެހިފައިވަ ކަމަށާއި ކޯސް ދޭ ފަރާތުން ކޮންމެ މަހަކު ދަރިވަރުންނަށް 750 ދިރްހަމް (1،158.26ރ.) ދޭނެ ކަމަށެވެ.

މި ސްކޯލާޝިޕްތަކާއި ގުޅޭ އިތުރު މައުލޫމާތު http://mohe.gov.mv އިން ލިބެން ހުންނާނެއެވެ.