ރައީސް ޑރ. މުހައްމަދު މުއިއްޒު މިހާރު ސައުދި އަރަބިއްޔާއަށް ކުރައްވަމުން ގެންދަވާ ދަތުރުފުޅުގެ ތެރެއިން މަދީނާއަށް ވަޑައިގެންފިއެވެ.
ސައުދީ ރަސްގެފާނު ސަލްމާން ބިން ޢަބްދުލްޢަޒީޒްގެ ޚާއްޞަ މެހެމާން ދާރީގައި ކުރައްވާ އުމްރާ ދަތުރުފުޅެއްގައި އެމަނިކުފާނާއި އަނބިކަނބަލުން ސާޖިދާ މުހައްމަދު ފުރާވަޑައިގެންނެވީ މިއަދެވެ.
މި ދަތުރުފުޅުގައި ރައީސްގެ އަރިހުގައި ބައިރިވެޑައިގަންނާވާ އިސްލާމީ ކަންތައްތަކާއި ބެހޭ ވަޒީރު ޑރ. މުހައްމަދު ޝަހީމް އަލީ ސައީދު އެކްސްގައި އަރަބި ބަހުން ކުރެއްވި ޕޯސްޓެއްގައި ވިދާޅުވީ، މި ދަތުރުފުޅުގެ ތެރެއިން ރައީސް މަދީނާއަަށް ވަޑައިގަތުމުން މަރުހަބާ ދެންނެވުމުގައި އެންމެ ކުރީ ސަފުގައި ހުންނެވީ މަދީނާ ސަރަހައްދުގެ ގަވަރުނަރު އަމީރް ސަލަމާން ބިން ސުލްތާން ބިން ޢަބްދުލްޢަޒީޒް އަލް ސައުދު ކަމަށެވެ.
أمير منطقة المدينة #سلمان_بن_سلطان يستقبل فخامة الدكتور محمد مويزو رئيس جمهورية المالديف والوفد المرافق له. pic.twitter.com/GBBNKYhT1X
— أخبار سلمان بن سلطان (@HRHPSSAA) May 10, 2024
ރައީސް އޮފީހުން ވިދާޅުވިގޮތުގައި ވަޒީރު ޝަހީމްގެ އިތުރުން މި ދަތުރުފުޅުގައި ރައީސްގެ އަރިހުގައި އިސްލާމީ މަރްކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފް، ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް ޢަބްދުﷲ ފަޔާޟް، މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް ޢަލީ ޢާރިފް، މިނިސްޓަރ އެޓް ދަ ޕްރެޒިޑެންޓްސް އޮފީސް ޢަބްދުﷲ ނާޞިރު ބައިވެރިވެވަޑައިގެންނެވިއެވެ.
ރައީސްގެ ދެކަނބަލުންނާ އަރިހުގައި ވަޑައިގަންނަވާ ބޭފުޅުން މި ދަތުރުފުޅު ކުރައްވަނީ އެ ގައުމުގެ ސަރުކާރުން ފޮނުއްވި ހާއްސަ މަތިންދާ ބޯޓެއްގައި ކަމަށް ވެސް ރައީސް އޮފީހުން ވިދާޅުވިއެވެ.
ޢަންނި ފިޔަވާ ކޮންމެ މީހަކު ވެރިކަން ލިބޭ އިރަށްް ޢުމްރާ ކުރޭ ވެރިކަމަށް ހޮވޭ ކޮންމެ މީހަކަށް ސަޢޫދީ ސަރުކާރުން
ޢުމްރާ ދަތުރު ދެނީބާ. ވަހީދު ، ޔާމީނު ،އިބޫ މިހާރު މުއިއްޒުވެސް.
އެކަމާ ހިތްދަތިވަނީތޯ؟
ދިވެހިން ނަކީ ކަޅުބިލަ މަހެއްގެ ސިކުނޑި
ކަނީސާ އަށް ނޭގުނުދޯ ރައީސް ނަޝީދު އުމްރާއަށް ވަޑައިގަތްކަމެއް.. ނަޝީދުވެސް ވަޑައިގަތް .އިނގޭ