މޫސުން ގޯސްވެ މާލެއިން ކައްދޫއަށް ދަތުރުކުރި މޯލްޑިވިއަންގެ ފްލައިޓެއް ނުޖެއްސިގެން އަނބުރާ މާލެ އަންނަން ޖެހިއްޖެއެވެ.
ވެލާނާ އިންޓަރނޭޝަނަލް އެއާޕޯޓުން ލ. ކައްދޫ އެއާޕޯޓަށް ރޭ 10:35ގައި ފުރި ފްލައިޓް ކައްދޫ އެއާޕޯޓުގައި ޖައްސަން އުޅުމުން މޫސުން ގޯސްވެ ނުޖެއްސިގެން އަނބުރާ މާލެ އައީއެވެ.
މޯލްޑިވިއަންގެ ފްލައިޓް ޑީކިޔޫއޭ 2168 ކައްދޫ އެއާޕޯޓުގައި ނުޖެއްސުނީ މޫސުން ގޯސްވެ ވައި ބާރުވުމާއި ގުޅިގެންނެވެ. ފްލައިޓް ނުޖެއްސި ވަރަށް ގިނައިރު ކައްދޫގެ ދެކުނުން ކަނޑުގެ ސަރަހައްދުގައި ބުރުޖަހާފައިވެެއެވެ.
ކައްދޫގައި ނުޖެއްސިގެން ފްލައިޓް އަނބުރާ މާލެއަށް އައިސް ވެލާނާ އިންޓަރނޭޝަނަލް އެއާޕޯޓުގައި ޖައްސާފައި ވަނީ ރޭ ދަންވަރު 00:32 ހާއިރުއެވެ.
ރާއްޖޭގެ މޫސުން ގޯސްވާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ރީދޫ ސަމާލު ނެރެފައިވާއިރު ވައިބާރުވެ ވިލާގަނޑުގައި ގަޑިއަކު 55 މޭލާއި 60 މޭލާ ދެމެދުގެ ބާރުމިނަށް ވައިގަދަވުން އެކަށީގެންވާ ކަމަށް ގައުމީ މޫސުމާ ބެހޭ އިދާރާ، މެޓުން ވަނީ ލަފާކޮށްފައެވެ.
ހަމައެއާއެކު ކަނޑުތައް އާންމު ގޮތެއްގައި ގަދަވެފައި ވިލާގަނޑުގައި ވަރަށް ގަދަވާނެ ކަމަށް މެޓުން ލަފާކޮށްފައިވެއެވެ. އަދި ރާޅުގެ އުސްމިނުގައި 7-10 ފޫޓް ހުންނާނެ ކަމަށް ލަފާކޮށްފައިވާއިރު ދަތުރު ފަތުރު ކުރުމުގައި ސަމާލުވާން ވަނީ އިލްތިމާސްކޮށްފައެެވެ.
ޑީކިއު އޭ؟!!!؟؟ ކިއު2 އިނގޭތޯ ކިޔަނީ...
ދަތުރު ދުޢާ ކިޔުމަށް ހަނދާންކޮށް ދެމެވެ. ދަތުރު ދުޢާ އަކީ: سبحان الذى سجر لنا هذا وما كنا له مقرنين وانا الى ربنا لمنقلبون ( ސުބްޙާނައްލަޛީ ސައްޚަރަ ލަނާ ހާޛާ ވަމާ ކުންނާ ލަހޫ މުޤްރިނީން ވަ އިންނާ އިލާ ރައްބިނާ ލަމުންޤަލިބޫން )