ރައްޔިތުންގެ މަޖިލީހުގެ މެންބަރުންގެ މުސާރަ ކުޑަކުރުމަށް މައްޗަންގޮޅި ދެކުނު ދާއިރާގެ ޕީއެންސީގެ މެމްބަރު މުސްތަފާ ހުސެއިން ގޮވާލައްވައިފިއެވެ.
މުސްތަފާ އެކްސްގައި ކުރެއްވި ޕޯސްޓެއްގައި ވިދާޅުވީ ގައުމަށް ދިމާވެފައިވާ މި ދަތި ދަނޑިވަޅުގައި މެންބަރުންގެ މުސާރަތައް ކުޑަކޮށް ރައްޔިތުންނަށް މިސާލެއް ދެއްކުމަށް ހުށަހަޅުއްވާ ކަމަށެވެ.
މި މައްސަލައިގައި މަޖިލީހުގައި ފެންނަ ކަމަށް ވޯޓު ދެއްވުމަށް ތައްޔާރަށް ހުންނެވި ކަމަށް ވިދާޅުވިއެވެ.
In this difficult time, I propose that we as parliamentarians should set an example and reduce our salaries. I am fully prepared to press the green button on this vote. 🇲🇻 #DhiveheengeRaajje
— musto hussain (@MustoHussain) June 27, 2024
ރާއްޖޭގެ އިގްތިސޯދު އަދަވަޅަކަށް ވެށްޓިފައިވާއިރު މި ހާލަތުން އަރައިގަތުމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންނެވެ. އެގޮތުން ސަރުކާރުގެ ކުންފުނިތައް ރިޕޯމް ކުރުމުން ހިމެނެއެވެ. އޭގެ އިތުރުން ހަރަދު ކުޑަކުރެއްވުމަށްޓަކައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެސް ވަނީ މުހިންމު ނިންމުންތަކެއް ނިންމަވާފައެވެ.
ރައީސް ރޭ ވިދާޅުވީ، ދަޢުލަތުގެ ޚަރަދުތައް ކުޑަކުރުމަށްޓަކައި ގިނަ ފިޔަވަޅުތަކެއް އެޅުމަށްވަނީ ނިންމާފައިވާ ކަމަށާއި އެގޮތުން، ސަރުކާރުގެ ރިކަރަންޓް ޚަރަދު ކުޑަކުރުމަށް އެކި ފިޔަވަޅުތައް އެޅުން ހިމެނޭ ކަމަށެވެ.
މީގެ ތެރޭގައި، ސިޔާސީ މަޤާމުތަކުގެ އަދަދު މަދުކުރުމާއި، އެކި މުނާސަބަތުތަކުގައި ބާއްވާ ޙަަފްލާތަކަށް ކުރާ ޚަރަދުތައް ކުޑަކުރުން ނުވަތަ ނުބޭއްވުން ހިމެނޭ ކަމަށް ރައީސް ވިދާޅުވިއެވެ.
ހަރަދު ކުޑަކުރުމަށް މިނިވަން ދުވަހުގެ ހަރަކާތްތައް ނުބޭއްވުމަށް ރައީސް އަންގަވާފައިވާއިރު، މި ސަރުކާރުން އަންނަނީ ހަރަދު ކުޑަކުރުމަށް ގިނަ ފިޔަވަޅުތަކެއް އަޅުވައްވަމުންނެވެ. އެގޮތުން މާލީ ވުޒާރާއިން ވެސް ވަނީ ސަރުކާރުގެ ހަރަދުތައް ކުޑަކޮށް އަދި އާމްދަނީ އިތުރުކުރުމުގެ ފިޔަވަޅުތައް ކުރިއަށް އޮތް ދުވަސްތަކުގައި އަޅަން ނިންމާފައިވާ ކަން ހާމަ ކުރައްވާފައެވެ.
ސިވިލް ސާރވަންޓުންގެ މުސާރަ އާއި އެއް ވަރަށް މެމްބަރުންގެ މުސާރަތައް ތިރި ކުރޭ! އީސަ އެއް ކާސިމެއް ނޯންނާނެ. ރައްޔިތުންގެ ޓެކްސް ފައިސާ އިން ބޮޑު މުސާރަ ތައް ނަގައިގެން ރައްޔިތުން ނަށާއި ޤައުމަށް ކޮއްދެވޭ ކަމެއް ޙަރާން!
އިޒްރާއިލު ޕާސްޕޯޓު މަނާ ކުރަންވެސް ނިންމި ތިޔަގޮތަށް!
މެންބަރު ނަ ކެރޭނެބާ މުސާރަ ކުޑަ ކުރަން
ގޮ ވާލިއަކަސް ކަމަކު ނުދާނެ..... ބިލެއް ލާބަލަ
5ސަތޭކަ ރުފިޔާގެ ޕޮކެޓު މަނީއެއް ދޭންވީ. ނޫނީ ވާދަވެރިކަން އިންތިހާއަށް ބޮޑުވެ ގައުމު ހަލާކުވެދާނެ. ފައުސާ އަކީ ދަމާ ބާރު އެއްޗެއް ނަމްބަރު މަތިވާވަރަކަށް.