ރާއްޖޭގެ ދެ ރަށެއްގައި ބަނދަރު ހަދަން އެމްޓީސީސީއާ ހަވާލުކޮށްފިއެވެ.

މިއަދު ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި އެ މިނިސްޓްރީގެ ފަރާތުން މި އެެއްބަސްވުމުގައި ސޮއި ކުރެއްވީ މިނިސްޓްރީގެ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ ހަސަން ޝާހުއެވެ.

މިއަދު ސޮއި ކުރެވިގެންދިޔައީ ލ. މައިބާދޫގެ އިތުރުން ށ. ކޮމަންޑޫގެ ބަނދަރު ހެދުމުގެ އެއްބަސްވުމުގައެވެ.

https://twitter.com/planningmv/status/1157944529158168577?s=21

މާބައިދޫގެ މަޝްރޫއު ހަވާލުކުރީ 16.42 މިލިއަން ރުފިޔާ އަށް 120 ދުވަހުގެ މުއްދަތަށް ނިންމުމަށެވެ. އަދި އެއް އަހަރު ދުވަހުގެ ތެރޭގައި ނިންމާ ގޮތަށް ކޮމަންޑޫ ބަނދަރު ހެދުމުގެ މަސައްކަތް ހަވާލުކޮށްފައި ވަނީ 29.4 މިލިއަން ރުފިޔާ އަށެވެ.

މާބައިދޫ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި 204 މީޓަރުގެ ޗެނަލް ބްރޭކް ވޯޓާ ހަރުކުރުމާއި 74 މީޓަރުގެ ރިވެޓްމަންޓް ޖެހުމާއި، ބަނދަރު ނެރު ފުން ކުރުމުގެ އިތުރުން ދެ ނެރު ބައްތި ޖެހުން ހިމެނެ އެވެ.

ކޮމަންޑޫ މަޝްރޫއުގެ ދަށުން 12 މީޓަރު ބޭރު ތޮށި ޖެހުމާއި، 20 މީޓަރުގެ ރިވެޓްމަންޓް ޖެހުމާއި، 190 މީޓަރުގެ އެއްގަމު ތޮށި ހެދުމާއި، ބަނދަރުގައި ރޭމްޕެއް ހެދުމާއި އެއްގަމު ތޮޝި ވަށައިގެން ޕޭވްމަންޓު ޖެހުން ހިމެނެއެވެ. މީގެ އިތުރުންވެސް ބަނދަރާއި ބަނދަރުގެ ނެރު ފުން ކުރުމާއި ނެރު ބައްތި ޖެހައި، ބަނދަރު ސަރަހައްދުގައި 19 ލައިޓު ޖަހައި، 10 މޫރިން ބްލޮކް ހަރުކުރުން ހިމެނެއެވެ.