ކޮވިޑް-19 ޖެހިގެން 84 އަހަރުގެ ދިވެއްސަކު ނިޔާވެއްޖެ އެވެ.
ހެލްތް އެމާޖެންސީ އޮޕަރޭޝަން ސެންޓަރ (އެޗްއީއޯސީ)ން ވިދާޅުވީ، އެ ބަލީގައި މިއަދު ނިޔާވެފައި ވަނީ، އުމުރުން 84 އަހަރުގެ މީހެއް ކަމަށާއި، އެ މީހާ ނިޔާވީ މިރޭ 8:20 ގައި ކަމަށެވެ.
ނިޔާވި މީހާއަކީ ދަރުމަވަންތަ ހޮސްޕިޓަލްގައި ފަރުވާދެމުން ދިޔަ މީހެކެވެ.
މިއާއެކު ރާއްޖެއިން މި ބަލީގައި ނިޔާވި މީހުންގެ އަދަދު ވަނީ 54 އަށް އަރާފައެވެ.
ރާއްޖެއިން އިއްޔެވެސް ކޮވިޑް-19 ބަލީގައި މީހަކު ވަނީ ނިޔާވެފައެވެ. އިއްޔެ ނިޔާވެފައި ވަނީ 70 އަހަރުގެ މީހެކެވެ.
މިއީ ކޮވިޑް-19 ބަލީގައި މި އަހަރު ތެރޭގައި ރާއްޖެއިން ނިޔާވި ހަ ވަނަ މީހާ އެވެ.
ރާއްޖެއިން ކޮވިޑް-19 ބަލީގައި ނިޔާވި މީހުންގެ ތެރޭގައި ހިމެނެނީ 45 ދިވެހިންނާއި އަށް ބިދޭސީންނެވެ.
ރާއްޖޭގެ ކޮވިޑް-19 ގެ ހާލަތަށް ބަލާއިރު، ބައްޔަށް ފައްސިވާ މީހުންގެ އަދަދުތައް ވަނީ އިތުރުވާން ފަށާފައެވެ. އަދި ޖެނުއަރީ މަހުން ފެށިގެން ފައްސިވާ މީހުންގެ އަދަދުތައް އިތުރުވާން ފެށިފަހުން، އެ ބަލީގައި ނިޔާވާ މީހުންގެ އަދަދުތައް ދަނީ އިތުރުވަމުންނެވެ.
އަދި ކޮވިޑް-19 ޖެހިގެން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންދާ މީހުންގެ އަދަދުތައްވެސް ވަނީ އިތުރުވެފައެވެ.
ރާއްޖޭގައި ކޮވިޑް-19 ޖެހުނު މީހުންގެ އަދަދު 16276 އަށް އަރާފައިވާއިރު، މީގެ ތެރެއިން މިހާރު ފަރުވާދެމުން ދަނީ 178 މީހަކަށެވެ.
އަޖަލު ހަމަ ވެގެން ނިޔާވާ ޢުމުރަށް ދިޔައިމަ ދެން ކޮވިޑް ޖެހިގެން ނިޔާވި ކަމަށް ނިންމިޔަސް އޯކޭ ނޫންތޯ ؟ 20 އަހަރާ 40 އަހަރާ ދޭތެރެ މީހުން ގިނައިން މަރުވާނަމަ އެކަމާ ހާސްވާންޖެހޭނެ
ކޮވިޑޭ ނުކިޔާ.. ޓުއަރިޒަމްއޭ ކިޔާ. ނިކަމެތި ދިވެހި ރައްޔިތުންނޭ ނުކިޔާ.. މަހުޖަނުންގެ ޖީބުފުރާދީ..