މިރޭ 6 ގަޑިއިރަށް މާލޭގެ ބައެއް ސަރަހައްދުތަކުން ފެނުގެ ޚިދުމަތް ކެނޑޭނެ ކަމަށް އެމްޑަބްލިޔުއެސްސީން ބުނެފި އެެވެ.
އެ ކުންފުނިން ބުނީ މިރޭ 23:00 އިން ފަތިހު 5:00 އަށް ފެނުގެ ޚިދުމަތް މެދުކެނޑޭނީ ހަނދުވަރީ ހިނގުމާއި ޝާއިއު ވަރުދީ މަގާ ދެމެދުން މުނިޔާ މަގުގައި ހިމެނޭ ގޭބިސީތަކުން ނެވެ. މިއީ މާލޭގެ މަގުތައް ޒަމާނީ ފެންވަރަށް ތަރައްގީކުރުމަށް މާލޭ ސިޓީ ކައުންސިލުން ކުރިއަށްގެންދާ ސްޓްރީޓް ސްކޭޕިންގ ޕްރޮޖެކްޓުގެ ދަށުން މިހާރު މަސައްކަތް ކުރަމުން އަންނަ މުނިޔާ މަގުގައި ކުރިން އަޅާފައިވާ ފެން ހޮޅިއާއި މިހާރު އަލުން އަޅާފައިވާ ފެން ހޮޅި ގުޅުވައިލުމުގެ މަސައްކަތް ކުރުމަށް ކަމަށް ވެސް އެ ކުންފުނިން ބުނެ އެވެ.
ޚިދުމަތް މެދުކެނޑިގެންދާ ވަގުތުގައި ކަސްޓަމަރުންނަށް ދިމާވެދާނެ ދަތިތަކަށް އެމްޑަބްލިޔުއެސްސީން ވަނީ މަޢާފަށް އެދިފަ އެވެ.
Due to a water network upgrading work in Male’, there will be a service interruption from 23:00Hrs (08th August 2021) to 05:00Hrs (09th August 2021), in the marked area.
We apologize for the inconvenience caused. pic.twitter.com/YsWPPvxHuW
— Male' Water and Sewerage Company Pvt. Ltd. (@MWSC_Official) August 8, 2021
ސްޓްރީޓް ސްކޭޕިން ޕްރޮޖެކްޓުގެ ބައެއް މަސައްކަތްތައް ކުރުމަށް މީގެ ކުރިންވެސް މާލޭގެ ބައެއް ސަރަހައްދުތަކުން ފެން ކަނޑާލައިފައި ވެއެވެ.
