މަސްވެރިކަމަށް ނުކުމެ އުޅެނިކޮށް ހާލު ދެރަވި މީހަކު މ. މުލީ ރީޖަނަލް ހޮސްޕިޓަލަށް ގެންގޮސްފިއެވެ.
އެމްއެންޑީއެފުން ވިދާޅުވީ، ހާލު ދެރަވެފައިވަނީ މ. ތުވަރުން 9 ނޯޓިކަލް މޭލު ބޭރުން މަސްވެރިކަމަށް ނުކުމެ އުޅުނު :ސިލްވަރީ" ދޯނީގައި މަސައްކަތް ކުރަމުން އައި އުމުރުން 58 އަހަރުގެ ފަޅުވެރިއެއް ކަމަށެވެ.
މ.ތުވަރުން 9 ނޯޓިކަލް މޭލު ބޭރުން މަސްވެރިކަން ކުރަން އުޅުނު "ސިލްވަރީ" ދޯނީގައި ހުރި އުމުރުން 58 އަހަރުގެ ފަޅުވެރިއަކު ހާލު ދެރަވެގެން، އެމްއެންޑީއެފް ސެންޓްރަލް އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު މ.މުލީ ރީޖަނަލް ހޮސްޕިޓަލަށް ގެންގޮސްދީފި. pic.twitter.com/SAjhrvVZBH
— Maldives National Defence Force (@MNDF_Official) May 22, 2022
އޭނާ ހާލު ދެރަވެގެން އުޅޭކަން އެމްއެންޑީއެފް އަށް މައުލޫމާތު ލިބުމުން މ. މުލީ ހޮސްޕިޓަލަށް ގެންގޮސްފައިވަނީ ސެންޓްރަލް އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު ކަމަށް އެމްއެންޑީއެފުން ވަނީ ވިދާޅުވެފައެވެ.