ކުރީގެ ރައީސް އަބްދުﷲ ޔާމީނަށް ރިޔާސީ ދެވަނަ ދައުރެއް ކަށަވަރުކޮށްދޭން ތައްޔާރަށް ހުންނެވި ކަމަށް ކުރީގެ ސައިންސް މިނިސްޓަރު އަދި ޕީޕީއެމްގެ ކައުންސިލަށް ރޭ އިންތިހާބުވި މަލީހު މުހައްމަދު ޖަމީލު ވިދާޅުވެއްޖެއެވެ.
މަލީހު މިއަދު ކުރެއްވި ޓުވީޓެއްގައި ވިދާޅުވީ، ވެރިކަންކުރާ އެމްޑީޕީ އާއި ވަތަނީ ފިކުރުގެ ދުޝްމަނުން ކިތަންމެ ނޭދުނަސް ޕީޕީއެމްގެ ފިޔާތޮށި ލަޝްކަރު އެއްތަން ވަމުންދާ ކަމަށެވެ.
ޕީޕީއެމްގެ ލަޝްކަރު އެއްތަންވަމުން ދަނީ ރައީސް ޔާމިންއަށް ރައީސް ޔާމީނަށް ރިޔާސީ ދެވަނަ ދައުރެއް ކަށަވަރުކޮށް ދިނުމަށްކަމަށް ވެސް އޭނާ ވިދާޅުވި އެވެ.
"އެކަމަށް ވާންޖެހޭ ކޮންމެ ޤުރުބާނީއެއް ވުމަށް އަޅުގަނޑުމެން މިތިބީ ތައްޔާރަށް. ބުންވަރު ހުސްނުވާނެ." މަލީހު ވިދާޅުވި އެވެ.
އެމްޑީޕީއާއި ވަތަނީ ފިކުރުގެ ދުޝްމަނުން ކިތަންމެ ނޭދުނަސް މުޅި ފިޔާތޮށި ލަޝްކަރުގެ ހަކަތަ އެއްތަން ކުރެވިގެންދާނީ ރައީސް ޔާމީނަށް ރިޔާސީ ދެވަނަ ދައުރެއް ކަށަވަރުކޮށް ދިނުމަށްޓަކައި.އެކަމަށް ވާންޖެހޭ ކޮންމެ ޤުރުބާނީއެއް ވުމަށް އަޅުގަނޑުމެން މިތިބީ ތައްޔާރަށް.ބުންވަރު ހުސްނުވާނެ pic.twitter.com/WpdKtBEThO
— Mohamed Maleeh Jamal (@maleehjamal) June 19, 2022
ނިމިގެން ދިޔަ ޔާމީންގެ ސަރުކާރުގައި ޔޫތު މިނިސްޓަރުގެ މަގާމު މަލީހު ފުރުއްވި ނަމަވެސް ދައުރުގެ ވަކި ހިސާބަކުން މަލީހު ވަނީ މަގާމުން ދުރުކުރައްވައިފައެވެ. އޭގެ ފަހުން އޭރު އިދިކޮޅުގައި އޮތް ޖުމްހޫރީ ޕާޓީއާއެކު މަސައްކަތް ކުރައްވަން ފައްޓަވައި މި ސަރުކާރުގައި މަލީހު ވަނީ ސައިންސް މިނިސްޓަރުގެ މަގާމު ފުރުއްވައިފައެވެ. ނަމަވެސް އިތުބާރު ނެތް ކަމުގެ ވޯޓެއް މަޖިލިސް ތެރެއިން މިދިޔަ އަހަރު ނަގައި މަލީހު މަގާމުން ދުރުކުރި ފަހުން ފެންނަމުން ދަނީ ޕީޕީއެމްގެ ހަރަކާތްތަކުގެ ތެރެއިންނެވެ.
މަލީހު ރޭ ޕީޕީއެމް ކައުންސިލަށް ވެސް އިންތިހާބުވެ ވަޑައިގެންފައިވާއިރު، ޕީޕީއެމްގެ ކައުންސިލަކީ އެޕާޓީގެ އެންމެ ބާރުގަދަ ގުނަވަނެވެ. ކައުންސިލްގައި ހިމެނިވަޑައިގަންނަވަނީ ޕާޓީގެ ލީޑަޝިޕާއި ރައްޔިތުންގެ މަޖިލިހުގެ މެމްބަރުންނާއި ކައުންސިލްތަކުގެ މެމްބަރުންނާއި ބައެއް މަގާމުތައް ފުރުއްވާ ބޭފުޅުންނެވެ.
މަނިކުފާ ނާއި ބޭބޭ ފުޅަށް މަހެއްވަންދެން އުޅެވިދާނެ
މިއީ ކުނަމެހިތަކެއްފަދަ ބައެއް. އެކަކަށް އުނދަގޫވެގެން ފައްސާލީމަ އަނެއްކާ އެހެން މީހެއްކާރީޖައްސާފަ އޭނާއަށް އުނދަގޫވެގެން ފޮނުވާލީމާ އަނެއްކާ ކުރިންފައްސާލި މީހާ ކައިރިއަށް. މިކަމަކަށް ނިމުމެއް ނޯންނާނެ ދުނިޔެދޫކުރަންދެން. ލޮލް
އަޅެ ފަހެ މަލީހޫ. ފައިފުއްސަކަށް ވުރެންވެސް ހާލު ތިޔަވަނީ ދެރަވެފައި. ފައިފުހިވެސް އޭގެ ބޭނުން ކެނޑެންދެން އެ އޮތް ތަނެއްގައި އޮވޭ. އެއްވެސް ސަރުކާރެއްގައި މަނިކުފާނުގެ މަގާމު ހަރެއްނުލި. އަބުރާއި އިއްޒަތް ނަގާނުލައްވާ.
ޜ. ޔާމީނާއެކު ކިހާދުވަހެއްވާނެބާ😅🤭
ކަލޯ ޔާމީނު ސަރުކާރާ ދެކޮޅަށް މަސައްކަތް ކޮށް ދެއްކި ވާހަކަ ތަކާއި ގޮވި އެއްޗެހީގެ ވީޑިއޯ އެހެރީ ފެންނަން، ޖަމީލު އާއި މީނަ ހީކުރީ އަނެއްކާވެސް ޔާމީނު ވެރިކަމަށް އައިސް މިމީހުންނަށް މިނިސްޓަރ ކަން ދޭނެ ކަމަށްދޯ! ތީ ދިހަހާސް ހަމަކުރަން ލިސްޓަށް ލާފަ ހުރި މީހެއްކަން ހަނދާން ކޮށްދެން. ތި ދެކޭ ހުވަފެން އިންޝާﷲ ކާމިޔާބު ނުވާނެ.
މީ ކާރިކުރަން ހެޔޮވަރުބައެއްނޫން ، މިމީހުން ކައިރިކުރާތީ ޕީޕީއެމް ކަމަކުނުދޭ
ސިޔާސީ: ލީ ގުުއި ބުރި އަނބުރާ އެތެރެޔަށްލުން
ލޮލް އެއްކަލަ މަލީހު
މަވެސް ރައީސް ޔާމީން ހޮވަން ތާއީދު 2023😍
ޔާމީން އަށް 2 ވަނަ ދައުރެއް ދޭން ނުޖެހޭކަން ސާބިތުކޮށްދިނުމަށް މަލީހަކީ ދިރިހުރި ހެއްކެއް އަދި ރައްޔިތުންނަށް ހެޔޮވަރު މަސްދަރެއް.
ކިތަންމެ ވަރަކަށް ހޯދަދޭން އުޅުނަސް ތިކަމެެއްނުވާނެ. ޔާމީނު ހޮވުމަކީ މިޤަރުނުގަ ދިވެހިންނަށް ހެދޭނެ އެންމެބޮޑު ގޯސް. ބޭރުދުނިޔެ ނުދަންނަ ޤައުމުތަކާ ، ޖަމްޢިއްޔާތަކާ ޖައްސާލައިގެން އުޅޭ މީހަކަށް ވެރިކަން ދިނުމަކީ ، ރާއްޖެ ކަފުން ކުރުން.
ކަލޯ ތަންފުއްސެކޭ އެއްވަރު މީހެއް ތީ. ޔާމީނުގެ ވައްކަމާއި ކޮރަޕްޝަން އަދި ފަތިފުށް ޓީވީ ކުރިމަތީ ހާމަކޮށް ހުތުރުސިފައިން އެއްޗެހި ގޮވިމީހަކީ ތިމަލީހު. ލަދު ކޮބާ؟ މިއަދު އަނެއްކާ ހަމަ މަލީހު ރައްޔިތުން ކުރިމަައްޗަށް އެރީމަ ހިނި އަންނަނީ. ކަލެއާއި ޖަމީލަކީ ހަމަ އެއްވެސް އަގެއް ނެތް ގޮތެއްފޮތެއް ނެތް ފައްކާ މަރުމޯލުން. ޢެއްވައްތަރަކަށް ނިކުމެ އެކި ކޮޅުކޮޅަށް ހޭރޭތާ ކިތައް އަހަރު މިވަނީ؟ ޢެކައްޗެއް ދެފަހަރު ނުކިޔޭ. ކޮން ރައްޔިތެއް ކަލޭމެން ކިޔާ އެއްޗެއް ގަބޫލުކުރާނީ؟؟؟ ފައްކާ މުނާފިގުން. މިފަދަ މަރުމޯލުން ކިބައިން މިގައުމުު ސަލާމަތް ކުރައްވާށި. އާމީން