ލިވާތު ބާގައިގެ މީހުން ކިބައިން ރާއްޖެ ސަލާމަތް ކުރަން އަރަފާތު ބިމުގައި ދުއާކޮށްދޭން ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ދިވެހި ހައްޖުވެރިންގެ ކިބައިން އެދިވަޑައިގެންފިއެވެ.
މިއަހަރު ރާއްޖެއިން ހައްޖަށްދާ ހައްޖާޖީން މިރޭ ފުރަން ފެށުމުން ޝަހީމް ކުރެއްވި ޓްވީޓެއްގައި ވިދާޅުވީ ލިވާތު ބާގައިގެ މީހުންނާއި އެމީހުންނަށް އެހީވާ މީހުންގެ ކިބައިން ރާއްޖެ ސަލާމަތް ކޮށްދެއްވުމަށްއެދި އަރަފާތު ދުވަހ ދިވެހި އެންމެހާ ހާޖީން ދުއާ ކޮށްދެއްވުމަށް އެދިވަޑައިގަންނަވާ ކަމަށެވެ.
ޝަހީމް ވަނީ ހުރިހާ ހާޖީންނަށް ވެސް އަމާން ދަތުރަކަށް އެދިވަޑައިގެންފައެވެ. އޭނާ ވިދާޅުވީ ހައްޖު ކޯޕަރޭޝަނުން ހާޖީންގެ ދަތުރުތައް ކުރާ މަންޒަރު ފެނުމުން ވަރަށް އުފާވާކަމަށެވެ.
Livaathu baagaige meehunaai eurenah eheevaa meehunge kibain mi Qaumu Salamai kohdhevvumah edhi Arafaathu dhuvahu dhivehi emmehaa Hajeen dhuaa kohdhevvun edhen. Bajja veri amaan dhathurakah. Varah ufaavey @Hajjcorporation haajeenaaigen dhathuru kuraa manzaru fenumun. https://t.co/dxqmyzldBe
— Mohamed Shaheem Ali Saeed (@Mohamedshaheem1) June 26, 2022
ހައްޖު ކޯޕަރޭޝަން އުފެއްދީ ޝަހީމް އިސްލާމިކް މިނިސްޓަރަކަށް ހުންނެވިއިރުއެވެ.
މި އަހަރު ރާއްޖެއިން 453 މީހުން ހައްޖަށް ދާއިރު، ސައޫދީ އެއާލައިންސުން މިރޭ ފުރީ އޭގެތެރެއިން 157 މީހެކެވެ. ހައްޖާޖީން ފުރަން ހަމަޖެހިފައި ވަނީ މިއަދާއި އަންނަ ބުދަ ދުވަހާއި ހޮނިހިރު ދުވަހު އެވެ.
ލިވާތު ބާގައިގެ މީހުން ކިބައިން ރާއްޖެ ސަލާމަތް ކުރަން އަރަފާތު ބިމުގައި ދުއާކޮށްދޭން ޝަހީމް އެދިވަޑައިގެންފައި މިވަނީ ގާނޫނީ ވަކީލް ނާޒިމް ސައްތާރު އާއި އަދި ބައެއް އެހެން މީހުން ވެސް އެއްޖިންސުން ގުޅުން ހިންގާ މަންޒަރު ފެންނަ ވީޑިއޯތަކެއް ދައުރުވަމުންދާ ދަނޑިވަޅެއްގައެވެ.
އަދި މިއަދު ރައްޔިތުން މަޖިލީހުގެ ރައީސް މުހައްމަދު ނަޝީދު ވަނީ ދައުރުވަމުންދާ ވީޑިއޯތަކުން ފެންނަ މީހުން ކުށްވެރިކުރުމުގެ ބަދަލުގައި އެވީޑިއޯތައް ލީކް ކުރުމުގައި ފުލުހުންގެ ބައިވެރިވުމެއް އޮތްކަމަށް ތުހުމަތުކޮށްފައެވެ.
ލީކްވަމުންދާ ވީޑިއޯތަކާއި ގުޅިގެން ފުލުހުން އެކަށީގެންވާ ފިޔަވަޅެއް ނާޅާކަމަށް ބުނެ ސަރުކާރަށް ވަނީ ވަރަށް ބޮޑަށް ފާޑުކިޔުން އަމާޒުވެފައެވެ.
ތިޔައީ މީގެ 800 އަހަރު ކުރިންވެސް ދިވެހިރާއްޖޭގައި ކުރަމުން އައި ކަންތައްތައް
ލިވާޠު އެކަންޏެއްނޫން. ޒިނޭކުރުންވެސް. ލިވާޠު މި ފެށެނީ ޒިނޭކުރުން ޢާއްމުވުމުގެ ސަބަބުން.
ނަޝީދު ބުނީ ރަނގަޅަކަށް ނު. އެވާހަކަ ދެއްކުން ވެސް ދީނުގަ މަނަލެއްނު،؟? މިވާހަކަ ދެއްކި މީހުން ގަޒްފު ކުރަން ދައުލަތައް ގޮވަން
މިއީ ޝިރުކެއް އަވަހަށް މުވައްހިދުން ނުކުމޭ ޝަހީމު މަތަކުރަން މީސްމީހުން ކައިރި ތިގޮތަށް ދުއާކޮށްދޭން އެދުމަކީ ހަމަ އަޅުކަމުގައި ބައިވެރިކުރުން
ތި ޝަޙީމުގެ ނިކުމެފަހުރި ވީޑިއޯތަށްވެސް ވަކިން ތާޙިރެއްނޫން!