ނ. މަނަދޫގައި، 40 ހައުސިން ޔުނިޓް އަޅަން 40 މިލިއަން ރުފިޔާ އަށް ކުންފުންޏަކާ ހަވާލުކޮށްފިއެވެ.
މި މަޝްރޫއަކީ މިއަހަރުގެ ޕީއެސްއައިޕީ ބަޖެޓުގައި ހިމަނާފައިވާ މަޝްރުއޫއެކެވެ.
ޕްލޭނިން މިނިސްޓްރީގެ ދަށުން ކުރިއަށް ގެންދާ މި މަޝްރުއޫގެ މަސައްކަތް ހަވާލުކޮށްފައި ވަނީ "ދޮންބޭޒް ޕްރައިވެޓް ލިމިޓެޑް" އާއެވެ.
ޑިޒައިން އެންޑް ބިލްޑް އުސޫލުން ނ. މަނަދޫގައި 40 ހައުސިންގ ޔުނިޓު އެޅުމުގެ މަސައްކަތް ދޮންބޭޒް ޕްރައިވެޓް ލިމިޓެޑްއާ ހަވާލު ކޮށްފި.
40،315،837.96 ރުފިޔާ އަށް މި މަޝްރޫއުގެ މަސައްކަތް ހަވާލުކޮށްފައިވަނީ 270 ދުވަހުގެ ތެރޭގައި ނިންމުމަށް pic.twitter.com/fAjLTrKym0
— Min.of National Planning, Housing & Infrastructure (@MoNPHImv) August 14, 2022
މި މަސައްކަތް ނިންމުމަށް ދީފައި ވަނީ 270 ދުވަހުގެ މުއްދަތެވެ.
މި އެއްބަސްވުމުގައި ޕްލޭނިން މިނިސްޓްރީގެ ފަރާތުން ސޮއިކުރެއްވީ ހައުސިން ޑިޕާޓްމެންޓު ޑިރެކްޓަރު އަހުމަދު ވިޝާން ނަސީމްއެވެ. ދޮންބޭޒް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ހެޑް އޮފް އޮޕަރޭޝަންސް އަލީ ހަމްދޫނެވެ.
މި މަޝްރުއޫގެ ދަށުން 700 އަކަފޫޓުގެ ދެބުރީގެ 40 ހައުސިން ޔުނިޓް އެޅުމަށް ވަނީ ނިންމާފައެވެ. މިއިން ކޮންމެ ހައުސިން ޔުނިޓެއްގައި ހިމެނޭނީ ތިން ކޮޓަރިއާއި ތިން ފާހާނަ އާއި، ސިޓިންރޫމް، ބަދިގެ، ކާގެ އަދި ލޯންޑަރީ އަދި ސްޓޯރޫމެކެވެ.
މި ހައުސިން ޔުނިޓުތަކުގެ ވަށައިފާރު ރޭނުމާއި، ވަށައިގެން އަލިކުރުމާއި އެސަރަހައްދުގައި މައިޒާނެއް ގާއިމްކުރުމާއި ޕާކް ކުރާނެ ސަރަހައްދެއް ގާއިމްކުރުމަށް ވަނީ ހަމަޖެހިފައެވެ.
މަނަދޫގަ ކީއްކުރަން އަޅާ ފްލެޓެއްތަ؟
އިންތިޚާބަށް އެއްޗެއް ލިބޭތޯ.
ތިޔަފްލެޓް އަޅަން ދާމީހުން ކިތައް ތަނުގައި މަސައްކަތް ކުރާނެބާ
މިހެން މިބުނީ މަނަދޫ ޕޮލިސް ސްޓޭޝަން އަޅަން ދިޔަ މީހުން މިހާރު ހަދާނީ މެމްބަރު ބަގޭގެ އެއްބަޑު އެއްބަފާ ރަމީޒް ކިޔާ ކުއްޖަކު ގެ ގޯތި ކަމަށް އަޑުފެތުރިފައި ވާތީ
މިހުންނަނީ ޒީރޯ ޓޮލަރެންސް ބާ ؟