ގިނަ ބައިވެރިންތަކަކާއިއެކު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ކުރިއަށް ގެންދިޔަ ޒުވާނުންނަށް ހާއްސަ ކޭމްޕް "ޒުވާނުންގެ ދިސާ" ނިންމާލައިފި އެވެ.
އެޗްޑީސީން އާއި ޔޫތް މިނިސްޓްރީ ގުޅިގެން އެ ކޭމްޕް ކުރިއަށް ގެންގޮސްފައިވަނީ ފަރުކޮޅުފުށީގައެވެ. އެ ކޭމްޕް ކުރިއަށް ގެންގޮސްފައިވަނީ ދެ ދުވަހުގެ މުއްދަތަށެވެ.
އެޗްޑީސީން ބުނީ، އެ ކޭމްޕްގައި 25 ޒުވާނުން ބައިވެރިވި ކަމަށާއި އެ ކުދިންނަށް ދިރިއުޅުމުގެ ރިވެތި އާދަތަކާއި ލައިފް ސްކިލްގެ އެކި މައުލޫމާތުތަކާއި ހަރަކާތްތައް ކުރިއަށް ގެންގޮސްފައިވާނެ ކަމަށެވެ.
މިއަދު ހަވީރު ފަރުކޮޅުފުށީގައި ބޭއްވި ހަފްލާއެއްގައި ކޭމްޕްގެ ބައިވެރިންނަށް ސެޓްފިކެޓް ހަވާލުކޮށްދެއްވީ އެޗްޑީސީގެ ސީއޯއޯ ޝާތިރު އަބްދުއް ރަހުމާން އެވެ.
އެ ރަސްމިއްޔާތުގައި ވާހަކަދައްކަވަމުން ޔޫތު މިނިސްޓްރީގެ ސްޓޭޓް މިނިސްޓަރު ހުސައިން އިސްމާއީލް ވިދާޅުވީ، އެ ޕްރޮގްރާމްގައި ބައިވެރިންނަން ދަސްވި ކަންކަމުގެ ބޭނުން ރަނގަޅު ގޮތުގައި ހިފާނެ ކަމަށް އުންމީދު ކުރައްވާ ކަމަށެވެ.
އެ ފުރުސަތުގެ ބޭނުން ރަނގަޅަށް ހިފުމަށާއި ތަމްރީނުން ލިބުނު އިލްމު ރަނގަޅު ގޮތުގައި ބޭނުންކުރުމަށް ވެސް ހުސައިން ވަނީ ނަސޭހަތްވެވަޑައިގެންފަ އެވެ.
"ޒުވާނުންގެ ކުރިއެރުމަށް ޔޫތް މިނިސްޓްރީން ކުރިއަށް ގެންދާ ވަރަށް ގިނަ ކަންތައްތަކެއް އެބަހުރި. އޭގެ ތެރޭގައި ވަޒީފާގައި އުޅެމުން ވެސް ބައިވެރިވެވޭ އެކި ހުނަރުތައް ދަސްކޮށްދޭ ޕްރޮގްރާމްތައް އެބަހުރި." ހުސައިން ވިދާޅުވިއެވެ.
މި ހަރަކާތަކީ 2019 އިން ފެށިގެން ޔޫތް މިނިސްޓްރީ އާއި ގުޅިގެން އެޗްޑީސީގެ ފަރާތުން ކުރިއަށް ގެންދަމުން އަންނަ ހަރަކާތެކެވެ.
އެޗްޑީސީން ބުނީ އެ ކޯޕަރޭޝަންގެ އަމާޒަކީ ޒުވާނުން ިބނާ ކުރުމުގައި ސަރުކާރުގެ ސިޔާސަތުތަކާއި އެއްގޮތަށް ގިނަ ހަރަކާތްތަކެއް ކުރިއަށް ގެންދިއުން ކަމަށެވެ.
ދިސާ މިއީ ހިންދީ ބަހެއްތަ؟