މި އަހަރަށް ހާއްސަކޮށްގެން ބޭންކް އޮފް މޯލްޑިވްސް (ބީއެމްއެލް) އިން ތައްޔާރު ކުރި އާ ކަލަންޑަރު ލިބޭ ޕްރޮމޯޝަނެއް މިއަދު ފަށައިފިއެވެ.
ކޯޕަރޭޓް ސޯޝަލް ރެސްޕޮންސިބިލިޓީއަށް ޚާއްސަ އިސްކަމެއް ދޭ ބީއެމްއެލްއިން ތަޢާރަފްކޮށްފައިވާ މި ޕްރޮމޯޝަންގެ އެއް އަމާޒަކީ މުޖުތަމައު ތެރޭގައި އޮތް ރަހުމަތްތެރިކަމުގެ ގުޅުންތައް ބަދަހިކުރުމެވެ. މިފަހަރުގެ ޕްރޮމޯޝަންގައި ހަވާލުކުރެވިފައިވާ މަސައްކަތަކީ ރައްޓެހިން ޓެގްކޮށް އާ އަހަރުގެ ތަހުނިޔާ ފޮނުވުމެވެ.
CALENDAR GIVEAWAY! 🥳
Our 2023 Calendar is made up of 12 amazing water colour paintings by the talented @ShimhaShakyb. 🎨
✨Tag a friend and wish them for the new year.
✨We will pick 10 lucky winners from the replies by 12 am on 3rd January.
#HappyNewYear! pic.twitter.com/2uNMJT2Hqt— Bank of Maldives (@bankofmaldives) January 1, 2023
މި ޕްރޮމޯޝަންގެ ބައިވެރިންގެ ތެރެއިން ނަސީބުވެރި 10 ފަރާތެއް ހޮވައި، އެމީހުންނަށް ބީއެމްއެލްގެ ކަލަންޑަރު ދިނުމަށް ވަނީ ހަމަޖެހިފައެވެ. މި ޕްރޮމޯޝަން ޖެނުއަރީ ތިނެއްގެ 12 ޖެހުމާ ހަމައަށް ކުރިއަށްދާނެއެވެ.
މިފަހަރުގެ ކަލަންޑަރުގައި ހިމަނާލާފައިވަނީ ފެންކުލައިން ކުރަހާފައިވާ 12 ކުރެހުމެވެ. މި ކުރެހުންތައް ކުރަހާފައިވަނީ ހުނަރުވެރި ދިވެހި ފަންނާނެއް ކަމަށްވާ ޝިމްހާ ޝަކީބެވެ.
ކޮންމެ އަހަރަކުވެސް ކަލަންޑަރުތައް ބާޒާރަށް ނެރެމުންދާ ބީއެމްއެލް އިން މިފަހަރުގެ ކަލަންޑަރުންވެސް ތަފާތު އާ ހިޔާލެއް ތައާރަފްކޮށްފައިވެއެެވެ.
