ދެކުނު ކޮރެއާގައި އުފަންވާ ރޭޓްގެ ހާލަތު ވަަރަށް ބޮޑަށް ދަށަށްދާތީ އެކަމަށް ހައްލެއް ގެނައުމަށްޓަކައި ސަރުކާރުގެ އާ ވުޒާރާއެއް އުފައްދަން ނިންމާފައިވާ ކަމަށް އެ ގައުމުގެ ރައީސް ޔޫން ސުކް ޔޯލް ވިދާޅުވެއްޖެއެވެ.
ރައީސް ޔޫން ޓީވީ މެދުވެރިކޮށް ދެއްވި ހިތާބުގައި އޭނާ ވިދާޅުވީ، ދެކުނު ކޮރެއާގައި އުފަންވާ މީހުންގެ ނިސްބަތް ވަރަށް ބޮޑަށް ދަށަށް ދިއުމުގެ ސަބަބުން އުފެދިފައިވާ "ގައުމީ ކުއްލި ނުރައްކަލުގެ ހާލަތު" އާ ކުރިމަތިލާންޖެހިފައިވާ ކަމަށެވެ.
މިގޮތުން އުފައްދަން ނިންމާފައިވާ މިނިސްޓްރީ އޮފް ލޯ ބާތް ރޭޓް ކައުންޓަރ ޕްލޭނިންގ އިން ދެކުނު ކޮރެއާގެ އެ މައްސަލައިގެ ސީރިއަސްކަން ހާމަކޮށްދެއެވެ.
އެ ގައުމުގެ ތަފާސްހިސާބުތަކަށް ބަލާއިރު، 2023 ވަނަ އަހަރު ދަރިމައިވުމުގެ ނިސްބަތް އުޅެނީ އެންމެ 0.72 ގައެވެ. ދެކުނު ކޮރެއާއަކީ ދުނިޔޭގައި ދަރިމައިވުމުގެ ރޭޓް އެންމެ ދަށް އެއް ގައުމެވެ.
ދެކުނު ކޮރެއާ އާއި އިރުމަތީ އޭޝިއާގެ އެހެން ގައުމުތަކަށް ކުރިމަތިވެފައިވާ ޑިމޮގްރަފިކް ގޮންޖެހުންތަކަކީ ވަރަށް ބޮޑު މައްސަލައަކަށް ވަނީ ވެފައެވެ.
އޭގެ އަސްލު ސަބަބުތަކުގެ ތެރޭގައި މަސައްކަތުގެ ސަގާފަތްތަކަށް ޑިމާންޑް ކުރުމާއި، މުސާރަ މަދު ވުމާއި، ދިރިއުޅުމުގެ ހަރަދުތައް ބޮޑުވުމާއި، ކައިވެންޏާއި ޖިންސުގެ ހަމަހަމަކަމާ މެދު ވިސްނުން އުފެދި، ޒުވާން ޖީލުތަކުގެ މެދުގައި ނުތަނަވަސްކަން އުފެދުން ހިމެނެއެވެ.
ކުޑަކުދިން ބެލެހެއްޓުމާއި ގޭތެރޭގެ މަސައްކަތްތަކުގައި ހިއްސާވާ މަސްއޫލިއްޔަތުތައް ކުރިއެރުވުމަށް ގިނަ މަސައްކަތްތަކެއް ކުރި ނަމަވެސް، އުފަންވާ މިންވަރު ދަށަށް ދިއުމުގެ ޓްރެންޑަށް އަދިވެސް ބަދަލެއް ނާންނަ ކަމަށް ވެއެވެ.
