އެމެރިކާއިން ނިރުބަވެރި އިސްރާއީލަށް ފޯރުކޮށްދެމުން އަންނަ ހަތިޔާރު ބޭނުން ކޮށްގެން ޣައްޒާގެ ކުޑަކުދިން ޝަހީދުކުރަމުން އަންނާތީ ހަތިޔާރު ފޯރުކޮށްދިނުން ހުއްޓާލުމަށް ކުޑަކުދިންގެ ހައްގުތަކަށް މަސައްކަތް ކުރާ ޖަމިއްޔާއަކުން ގޮވާލައިފިއެވެ.
"ޑިފެންސް ފޯ ޗިލްޑްރެން އިންޓަނޭޝަނަލް ފަލަސްތީން" އިން ބުނީ، މި ހަފްތާގެ އަންގާރަ ދުވަހުގެ ހެނދުނުގެ ވަގުތެއްގައި ނިރުބަވެރި އިސްރާއީލުގެ ސްނައިޕަރުން ޣައްޒާގެ 15 އަހަރުގެ ދެފިރިހެން ކުދިން ޖެނިންގައި ޝަހީދުކޮށްލުމަކީ އިސްރާއީލުގެ އަސްކަރިއްޔާއިން ފަލަސްތީނުގެ ކުޑަކުދިންނާއި ދެކޮޅަށް އާންމުކޮށް، މަނާ ނުވަތަ ލީތަލް ބާރު ބޭނުން ކުރާކަން ހާމަވާ ކަމެއް ކަމަށެވެ.
Mahmoud Amjad Ismail Hamadneh & Osama Mohammad Naim Abdulatif Hujair, both 15, were shot and killed by Israeli forces during a military incursion into Jenin yesterday.
Mahmoud was killed while riding his bike on his way home from school.
Read more: https://t.co/yrGHmXllR7 pic.twitter.com/zXOnLctCRF
— Defense for Children (@DCIPalestine) May 22, 2024
އެފަދަ ހަތިޔާރުތަކަކީ އެމެރިކާއިން ފޯރުކޮށްދޭ ހަތިޔާރު ކަމުން އެހަތިޔާރުތައް ފޯރުކޮށްދިނުން ހުއްޓާލުމަށް އެ ޖަމިއްޔާއިން ވަނީ ގޮވާލާފައެވެ.
"ޣައްޒާގައި ވިއަސް އަދި ޖެނިންގައި ވިއަސް، ހުއްޓުމެއް ނެތި ފަލަސްތީނުގެ ކުޑަކުދިން ޝަހީދު ކުރުމަށް ބޭނުން ކުރާ ހަތިޔާރުތައް އިސްރާއީލުގެ އަސްކަރިއްޔާއަށް ފޮނުވުން އެމެރިކާއިން ހުއްޓާލަން ޖެހޭ" އެ ޖަމިއްޔާއިން ނެރުނު ބަޔާނުގައި ބުނެފައިވެއެވެ.
ނިރުބަވެރި އިސްރާއީލުން މިދިޔަ އަންގާރަ ދުވަހު ޝަހީދުކޮށްލާފައިވަނީ އުމުރުން 15 އަހަރުގެ މަހްމޫދު އަމްޖަދް އިސްރާއީލް ހަމަދްނެއް އާއި އޮސާމާ މުހައްމަދު ނައީމް އަބްދު އާތިފް ހުޖާއިރު އެވެ. މީގެ ތެރެއިން މަހުމޫދު ޝަހީދުކޮށްލާފައިވާއިރު، އޭނާ ސްކޫލް ނިންމާލުމަށްފަހު ގެއަށް ބައިސިކަލުގައި ދަނިކޮށް ކަމަށް ރިޕޯޓްތަކުން ވަނީ ބުނެފައެވެ.
މަހުމޫދު ޝަހީދު ކުރި ވާހަކަ ރިޕޯޓްތަކުން ގެނައިތާ މާ ގިނައިރުތަކެއް ނުވަނީސް އޭނާ ދިޔަ ސްކޫލުގެ ޓީޗަރަކު ވެސް ޝަހީދުކޮށްލާފައިވާ ކަމަށް މީޑިއާތަކުން ވަނީ ރިޕޯޓް ކުރަން ފަށާފައެވެ.