ފިޖީން ކޮވިޑް-19 ޖެހުނު އެންމެން، ރަނގަޅުވެ އެ ގައުމުން ކޮވިޑް-19 ނައްތާލެވިފައިވާކަން އިއުލާނުކޮށްފިއެވެ.
ފިޖީން ކޮވިޑް-19ގެ ފުރަތަމަ ވޭދަނަ ފެނިފައި ވަނީ މާރިޗް މަހުގެ 19 ވަނަ ދުވަހުއެވެ.
އެ ގައުމުގައި ބަލި ނައްތާލެވިފައިވާ ކަން ހާމަކޮށްފައި ވަނީ މިއަދު އެވެ.
އެ ގައުމުން ކޮވިޑް-19 ޖެހުނު އެންމެންވެސް މިހާރު ވަނީ ރަނގަޅުވެފައެވެ. އަދި އެ ގައުމުން ކޮވިޑް-19 ޖެހިފައިވާ މީހަކު ނުފެންނަތާ މަހަކަށްވުރެ ގިނަ ދުވަސްވެއްޖެއެވެ.
ފިޖީގެ ބޮޑުވަޒީރު ފްރާންކް ބަނިމަރަމާ ވިދާޅުވީ، އެ ގައުމުން ކޮވިޑް-19 ޖެހުނު މީހުންގެ ތެރެއިން އެންމެ ފަހު މީހާ ރަނގަޅުވެފައިވާ ކަމަށެވެ. އަދި އެ ގައުމުގައި މިހާރު ބަލި ޖެހިފައިވާ އެއްވެސް މީހަކު ނެތް ކަމަށާއި، އެ ގައުމުގައި ކޮވިޑް-19ގެ ވޭދަނައެއް ނުފެންނަތާ 45 ދުވަސްވެފައިވާ ކަމަށް އޭނާ ވިދާޅުވިއެވެ.
Fiji has just cleared the last of our active #COVID19 patients.
And even with our testing numbers climbing by the day, it's now been 45 days since we recorded our last case. With no deaths, our recovery rate is 100%.
Answered prayers, hard work, and affirmation of science!
— Frank Bainimarama (@JVBainimaramafj) June 4, 2020
މީގެ އިތުރުން، އޭނާ ވަނީ އެގަމުގައި ކޮވިޑް-19 ޖެހިގެން މީހަރު މަރުވެފައިނުވާ ކަމަށްވެސް ވިދާޅުވެފައެވެ.
ފިޖީން މިހާތަނަށް ކޮވިޑް-19 ޖެހިފައި ވަނީ 18 މީހަކަށް ކަމަށް ވެއެވެ.
ފިޖީން ކޮވިޑް-19 ފެނި އެ ގައުމުގައި ގިނަބަޔަކަށް ބަލި ޖެހިދާނެ ކަމުގެ ބިރު އޮތެވެ. އެ ގައުމަކީ ފަތުރުވެރިންގެ މެދުގައި މަގްބޫލު ގައުމެކެވެ.
ޖަޒީރާ ހުރިައި ގައުމެއްވެސް ރަގަޅުވާނެއެވެ. އެކަމު ރާއްޖެނުވާނެއެވެ. އެއީ ރާއްޖޭގެ ވެރިކަމުގައިތިބީ ވަރަށް ޖަޒީރާވަންތަ ޖަޒީރާ ދަންނަމީހުނަށްވީމައެވެ