މިއަދު އިރުއޮއްސުމާއި ހަމައަށް ފާއިތުވި 24 ގަޑިއިރުގެ ތެރޭގައި ރާއްޖެ އިން އިތުރު 68 މީހަކު ކޮވިޑް-19 އަށް ފައްސިވެއްޖެއެވެ.

މިއަދު ރާއްޖެ އިން ކޮވިޑް-19 އަށް ފައްސިވި މީހުންގެ ތެރެއިން 15 މީހުންނަކީ ރަށްފަޅުހުރާ އިން ފައްސިވި މީހުންނެވެ. އަދި މާލޭ ސަރަހައްދުގައި އޮތް ޔޮޓެއްގައި ތިބި 14 މީހުންނާއި އެއާޕޯޓްގެ ކާގޯ އިން ކޮވިޑް-19 އަށް ފައްސިވި މީހުންނާއި އެއާޕޯޓްގައި މަސައްކަތް ކުރަމުން ގެންދާ ކުންފުންޏެއްގެ މުވައްޒަފުންގެ ތެރެއިން ފައްސިވި މީހަކު ވެސް މިއަދު ފައްސިވި މީހުންގެ ތެރޭގައި ހިމެނެއެވެ.

މިއަދު މާލޭ ސަރަހައްދުން 36 މީހަކު ކޮވިޑް-19 އަށް ފައްސިވިއެވެ. މާލެ ފިޔަވައި އެހެން ތަންތަނުން މިއަދު 32 މީހަކު ފައްސިވިއެވެ.

މިއަދު ކޮވިޑް-19 އަށް ފައްސިވެފައި ވަނީ 28 ދިވެހިންނާއި 40 ބިދޭސީންނެވެ.

މިއަދު ރާއްޖެ އިން ކޮވިޑް-19 އަށް ފައްސިވި މީހުންނާއި އެކު ރާއްޖެއިން ކޮވިޑް-19 އަށް ފައްސިވި މީހުންގެ ޖުމްލަ އަދަދު ވަނީ 12،452 އަށް އަރާފައެވެ.

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން މިއަދު ބަލިން ރަނގަޅުވެފައި ވަނީ 69 މީހެކެވެ. އެއާއިއެކު މިހާތަނަށް ބަލިން ރަނގަޅުވި މީހުންގެ ޢަދަދު ވަނީ 11،475 އަށް އަރާފައެވެ.

ރާއްޖޭގައި ކޮވިޑް-19 އެކްޓިވް ކޭސްތަކުގެ ޢަދަދު 925 އަށް މިހާރު އަރައެވެ. ރާއްޖެ އިން ކޮވިޑް-19 ޖެހިފައިވާ މީހުންގެ ތެރެއިން 332 މީހަކު މިހާރުވެސް އަންނަނީ އައިސޮލޭޝަން ފެސިލިޓީތަކުގައި ފަރުވާ ހޯދަމުންނެވެ. ހޮސްޕިޓަލުތަކުގައި އެޑްމިޓްކޮށްގެން 73 މީހަކަށް އަންނަނީ ފަރުވާ ދެމުންނެވެ.

ރާއްޖެ އިން ކޮވިޑް-19 ޖެހިގެން މިހާތަނަށް ވަނީ 45 މީހަކު ނިޔާވެފައެވެ.