ނިއުޒިލޭންޑް ކައިރީގައި އޮންނަ ކަރްމަޑެކް އައިލެންޑްސް ސަރަހައްދަށް އައި ބާރުގަދަ ބިންހެލުމާއި ގުޅިގެން ސުނާމީގެ އިންޒާރު ނެރެފިއެވެ.
އެމެރިކާގެ ޖިއޮލޮޖިކަލް ސާވޭއިން ބުނީ ނިއުޒިލޭންޑް ކައިރީގައި އޮންނަ ކަރްމަޑެކް އައިލެންޑްސް ސަރަހައްދަށް 7.3 މެގްނިޓިއުޑްގެ ބިންހެލުމެއް އައިސްފައިވާ ކަމަށެވެ.
އެމެރިކާގެ ސުނާމީ އިންޒާރުދޭ ސިސްޓަމް އިން ބުނީ، އެ ސަރަހައްދުގައި ސުނާމީގެ ނުރައްކާ އެބައޮތް ކަމަށެވެ.
ނިއުޒިލޭންޑްގެ ނޭޝަނަލް އިމަޖެންސީ މެނޭޖްމަންޓް އެޖެންސީ (ނެމާ) އިން ކުރި ޓުވީޓެއްގައި ބުނެފައި ވަނީ ބިންހެލުމާއި ގުޅިގެން ސުނާމީގެ ނުރައްކާ އޮތް ކަމުގެ ރިޕޯޓްތަކާއި ގުޅިގެން، އެކަން ބަލަމުން އަންނަ ކަމަށެވެ.
"ކެރްމަޑެކް އައިލެންޑްސް ރީޖަން އަށް އައި ބިންހެލުމުގެ ސަބަބުން ނިއުޒިލޭންޑަށް އަސަރުކުރާނެ ފަދަ ސުނާމީއެއް އުފެދިފައިވޭތޯ ބަލަމުން މި ދަނީ އިނިޝިއަލް އެސެސްމަންޓް ނިމުނުހާ އަވަހަކަށް އަޕްޑޭޓެއް ދޭނަން".
We are assessing whether the M7.3 KERMADEC ISLANDS REGION earthquake at 2023-04-24 1:42 PM has created a tsunami that could affect New Zealand. We will provide an update as soon as the initial assessment has been completed.
— National Emergency Management Agency (@NZcivildefence) April 24, 2023
ނެމާއިން ކުރި އެސެސްމަންޓަކަށް ފަހު ބުނީ ސުނާމީގެ ނުރައްކަލެއް ނެތް ކަން ފާހަގަކުރެވިފައިވާ ކަމަށެވެ.
"ކެރްމަޑެކް އައިލެންޑްސް އަށް އައި ބިންހެލުމާ ގުޅިގެން ނިއުޒީލެންޑަށް ސުނާމީގެ ނުރައްކަލެއް ނެތް. މިހާރު ލިބިފައިވާ މައުލޫމާތަށް ބަލާއިރު، މި ބިންހެލުމާއި ގުޅިގެން ނިއުޒިލޭންޑަށް ނުރައްކަލެއް ކުރިމަތިވާނެ ފަދަ ސުނާމީއެއް އަތުވެދާނެ ކަމަށް ނުބެލެވޭ،". ނެމާގެ ފަހުގެ މައުލޫމާތުގައި ވެއެވެ.