އިންޑިއާގައި ކެމިކަލް ޓްރަކެއް ގޮވާ ހަތަރު މީހަކު މަރުވެއްޖެއެވެ.
މި ހާދިސާ ހިނގާފައި ވަނީ ޕޫނޭ-މުމްބާއީ އެކްސްޕްރެސްވޭގައެވެ.
ފުލުހުން ބުނީ މިއަދު ހިނގި އެ އެކްސިޑެންޓެއްގައި ކެމިކަލް ބަރުކޮށްފައި އޮތް ޓޭންކަރެއްގައި އަލިފާން ރޯވެ ހަތަރު މީހަކު މަރުވެ ތިން މީހަކު ޒަހަމްވެފައިވާ ކަމަށެވެ.
މީޑިއާތަކަށް މައުލޫމާތުދެއްވަމުން އޮފިޝަލަކު ވިދާޅުވީ މި އެކްސިޑެންޓް ހިނގާފައިވަނީ ލޯނަވާލާ އާއި ޚާންޑަލާއާ ދެމެދު އޮންނަ އެކްސްޕްރެސްވޭ ސަރަހައްދުގައި ކަމަށެވެ. އަދި އެކްސިޑެންޓެއް ހިނގުމާ ގުޅިގެން ޓޭންކަރުގައި އަލިފާން ރޯވެ ގޮވާފައިވާ ކަމަށެވެ.
Pune mumbai expressway accident. Plan accordingly. pic.twitter.com/MUGRHKMfyZ
— Amâr (@amardeepn) June 13, 2023
ލޮނަވަލާ ޕޮލިސް ސްޓޭޝަންގެ އޮފިޝަލް ވިދާޅުވީ އެ ވަގުތު އެ ސަރަހައްދުން ސައިކަލު ގައި ދިޔަ ހަތަރު މީހަކަށް އަނިޔާވެފައިވާ ކަމަށާއި އޭގެ ތެރެއިން ތިން މީހަކު މަރުވެފައިވާ ކަމަށެވެ.
އަދި ޓޭންކަރުގައި އިން އެކަކު މަރުވެ ވެހިކަލްގައި ތިބި ދެ މީހަކަށް އަނިޔާވެފައިވާ ކަމަށްވެސް ވިދާޅުވިއެވެ.