ދުނިޔޭގެ ކަންކޮޅުތަކުގައި ހަލުވިކަމާއި އެކީ ފެތުރެމުން އަންނަ ނުރައްކާތެރި ކޮރޯނާވައިރަސް ނުވަތަ ކޮވިޑް-19 ގެ ޖަރާސީމު މަހެއްހާ ދުވަސް ވަންދެން ތަކެތީގައި ހިފާފައި ހުންނަ ކަމަށް ދިރާސާއަކުން ދައްކައިފިއެެވެ.

އަލަށް ހެދި މި ދިރާސާގައި ބުނެފައި ވަނީ ކޮވިޑުގެ ޖަރާސީމު ހިފާފައި ހުންނަ ތަކެތީގެ ތެރޭގައި ފައިސާ އާއި ފޯނު ސްކްރީން އަދި ސްޓެއިންލެސް ސްޓީލް ހިމެނޭ ކަމަށެވެ.

އޮސްޓްރޭލިއާގެ ޤައުމީ ސައިންސު އެޖެންސީން ކުރި ދިރާސާގައި ފާހަގަ ކުރެވުނު ގޮތުގައި ކޮވިޑް-19ގެ ޖަރާސީމު 28 ދުވަސް ވަންދެން މި ތަކެތީގައި ހުރެ އެވެ. އަދި އޮސްޓްރޭލިއާގެ ސެންޓަރ ފޯ ޑިސީސް ޕްރިޕެއާޑްނެސް (އޭސީޑީޕީ) އިން ހެދި ދިރާސާގައި ފާހަގަ ކުރެވުނީ ކޮވިޑުގެ ޖަލާސީމު ފިނި ތަންތަނުގައި ބޮޑަށް ހަރުލާފައި ހުންނަ ކަމަށެވެ. އަދި ފާހަގަ ކުރެވުނު އަނެއް ކަމަކީ ޖަރާސީމު ހިފާފައި ހުންނަ އިތުރު ތަންތަނުގެ ތެރޭގައި ބިއްލޫރި އާއި ސްޓެއިންލެސް ސްޓީލް ހިމެނޭ ކަމަށެވެ/

People who survive serious Covid-19 infections have long-lasting immune responses against the virus from antibodies produced. A new study shows that measuring antibodies can be an accurate tool for tracking the spread of the virus.#coronavirus #antibodyhttps://t.co/GmcYoxBiww

— Psomagen Inc. (@Psomagen) October 8, 2020

ދިރާސާގައި ފާހަގަ ކުރެވުނު އިތުރު ކަމަކީ ވައިރަހުގެ ޖަރާސީމު ވައިގެ ތެރޭގައި ގާތްގަނޑަކަށް ތިން ގަޑިއިރަށް ހިފާފައި ހުރެއެވެ. ޖަރާސީމުގެ އަސަރު ފިނި ތަންތަނުގައި ހިފާފައި ހުންނަ ވަގުތު އިތުރުވާކަމަށް ދިރާސާއިން ދައްކާއިރު ފިނިހޫނުމިން 40 ޑިގްރީ ސެލްސިއަސްގައި ހުންނަ ތަންތަނުގައި ޖަރާސީމުގެ އަސަރު ހިފާފައި ހުންނަ ވަގުތު މަދެވެ.

ވައިރަހުން ރައްކާތެރިވުމަށް ކުރެވޭނެ ކަންކަމުގެ ތެރޭގައި ގިނަގިނައިން އަތް ދޮވުމާއި ސާފުތާހިރުކަމަށް އިތުރު ސަމާލުކަމެއް ދިނުން ހިމެނޭއިރު ހަށިގަނޑުގެ ދިފާޢީ ނިޒާމް ވަރުގަދަ ފަރާތްތަކަށް ވައިރަހުގެ އަސަރު ކުރާމިންވަރު މަދު ކަމަށް ދިރާސާކުރާ ފަރާތްތަކުން ބުނެ އެވެ. ހަށިގަނޑުގެ ދިފާއީ ނިޒާމު ވަރުގަދަ ކުރުމަށް ހަށިގަނޑަށް ފައިދާހުރި ކާނާ ކެއުމާއި ކަސްރަތު ކުރުން މުހިންނެވެ.

ކޮވިޑް-19އަށް ފައްސިވާ ފަރާތްތަކުގެ ތެރެއިން އެންމެ ގިނައީ އުމުރުން ދުވަސްވީ ފަރާތްތަކާއި ކުޑަކުދިންނާއި ދާއިމީ ބަލިތަކަށް ފަރުވާ ހޯދާ ފަރާތްތަކެވެ. މިއަދާއި ހަމައަށް ދުނިޔޭގެ އެކި ކަންކޮޅުތަކުން 37.4 މިލިއަން މީހުން ފައްސިވެފައިވާއިރު 26 މިލިއަން މީހުން ވަނީ މިހާތަނަށް ބަލިން ރަނގަޅު ވެފަ އެވެ. މި ބަލި ޖެހިގެން މިހާތަނަށް ދުނިޔޭގެ ކަންކޮޅުތަކުން 1.08 މިލިއަން މީހުން ވަނީ މަރުވެފަ އެވެ.