އިއްޔެ ގދ. ތިނަދޫގައި ހުންނަ ޑރ. އަބްދުއް ސަމަދު މެމޯރިއަލް ހޮސްޕިޓަލްގައި ކަކުލު ހުޅު ބަދަލު ކުރުމުގެ ދެ އޮޕަރޭޝަނެއް ވަރަށް ކާމިޔާބުކަމާއެކު ނިންމާލާފައެވެ. މިއީ މާލެ ފިޔަވާ ރާއްޖެ ތެރޭގައި މިފަދަ އޮޕަރޭޝަނެއް ކުރި ދެވަނަ ވަނަ ފަހަރެވެ. މިފަދަ ފުރަތަމަ އޮޕަރޭޝަންކޮށްފައި ވަނީ. އައްޑޫ ސިޓީ ހިތަދޫގައި ހުންނަ ހިތަދޫ ރީޖަނަލް ހޮސްޕިޓަލުގައެވެ. އެ އޮޕަރޭޝަންވެސް ވަނީ ކާމިޔާބު ވެފައެވެ.
އިއްޔެގެ ފުރަތަމަ އޮޕަރޭޝަން ހެނދުނު ކުރިިއިރު، ދެވަނަ އޮޕަރޭޝަންކޮށްފައި ވަނީ މެންދުރު ފަހުގެ ވަގުތެއްގައެވެ. ހުޅުބަދަލު ކުރުމުގެ މި އޮޕަރޭޝަން ފޭސްބުކްގައި ލައިވްކޮށް ގެެނެސްދިންއިރު، ފުރަތަމަ އޮޕަރޭޝަނަށް ދޮޅުގަޑިއެއްހާ އިރު ދިޔައެވެ.
މި އޮޕަރޭޝަންގައި ބައިވެރިވެފައި ވަނީ، ރާއްޖޭގެ ފުންނާބު އުސް ޑޮކްޓަރެއްކަމުގައިވާ ޑރ. އަލީ މުޒްނީ އާއި ތިނަދޫއަށް އުފަން އޮރތޮޕެޑިކް ސާރޖަންއެއްކަމުގައިވާ ޑރ. އަހުމަދު އާޒިމް އާއި ޑރ. އިސްމާއިލް ޒާހިރުގެ އިތުރުން އައިޖީއެމްއެޗްގެ އެކަމުގެ ހާއްސަ ނަރުހަކާއި، ހޮސްޕިޓަލްގެ ސްޓާފުން ވަނީ ބައިވެރިވެފައެވެ.
ޑރ އާޒިމް އާއި މުޒްނީ އަދި އެ އޮޕަރޭޝަންގައި ބައިވެރިވި ބައެއް އެހެން ޑޮކްޓަރުންނާއި މެޑިކަލް އޮފިސަރުންވެސް ވަނީ ފޭސްބުކް ޕޭޖުގައި އެ އޮޕަރޭޝަން ކުރި މަންޒަރު ވީޑިއޯ ވަނީ ލައިވްކޮށްފައެވެ.
އެ އޮޕަރޭޝަނަށް ފަހު މީޑިއާތަކަށް މައުލޫމާތުދެއްވަމުން ޑރ. އަލީ މުޒްނީ ވިދާޅުވީ، ތިނަދޫ ހޮސްޕިޓަލްގައި މިފަދަ އޮޕަރޭޝަންތައް ކުރިއަށް އޮތްތަނުގައިވެސް ކުރިއަށްގެންދާނެ ކަމަށެވެ. އެގޮތުން ދޮޅު މަހުން އެއްފަހަރު ނުވަތަ ދެ މަހުން އެއްފަހަރު މިފަދަ އޮޕަރޭޝަން ޑރ. އަބްދުއް ސަމަދު މެމޯރިއަލް ހޮސްޕިޓަލްގައި ކުރެވިގެންދާނެކަމަށް މުޒްނީ ފާހަގަކުރެއްވިއެވެ.
"މިއަދު މި ކުރެވީ ދެ މީހެއްގެ. ދެން ފަހަރެއްގައި ތަންކޮޅެއް ގިނައިން އޮޕަރޭޝަން ކުރެވިދާނެ. އެހެންވީމަ އަޅުގަނޑުގެ އުއްމީދަކީ މުސްތަގުބަލުގައިވެސް މިކަން ކުރިއަށްގެންދިއުން". މުޒްނީ ވިދާޅުވިއެވެ.
ރ.ޔާމިން ރާއްޖެއައް ގެނެސްދިން ތަރައްގީ އެންމެނައްވެސް ފައިދާކޮއްފި. ކުލަޔަކައް ބެލުމެއްނެތް.
ދެން ތިިކަންވެސް ތިި ނިމުނީ. އެއް ކަމެއް ކުރާކަށްވެސް ލާރި ހުރި ކަމަކަށް ނުވާނެ. ޑޮލަރުގަނޑެއްވެސް ލިބުނިއްޔާ ރަނގަޅު. އޮތިއްޔާ އޮތްހާ ތަނެއް ވިއްކައި ކައިިގެން ރައްކާ ވެދާނެ.
???? ތޭންކްސް.
ރާއްޖޭގެ ޞިއްޙީނިޒާމަށް އިންގިލާބީ ހެޔޮ ބަދަލުގެނެސްދެއްވި ލޮބުވެތި ރައީސް ޔާމީން ޢަބުދުލްޤައްޔޫމަށް ޝުކުރިއްޔާ! ޞިއްޙީ ނިޒާމު އަލުން ކަނޑުވާތަން ބަލަން މިތިބީ!