އައްޑޫ ސިޓީ ހަންކެޑެ ބުރިޖު ސަރަހައްދަށް މޫދަށް އެރި އުޅެނިކޮށް ގެއްލިގެން ހޯދަމުން ދިޔަ ދަރިވަރު ނިޔާވެއްޖެއެވެ.
އެ ޒުވާނާ ނިޔާވެފައިވާކަމަށް ފުލުހުންވެސް ވަނީ "ވަގުތު"އަށް ކަށަވަރުކޮށްދެއްވާފައެވެ. ފުލުހުންގެ މީޑިއާ އޮފިޝަލު ވިދާޅުވީ، އައްޑޫ ސިޓީ ހަންކެޑެ ބުރިޖު ކައިރިއަށް މޫދަށް އެރި އުޅެނިކޮށް ގެއްްލުނު ޒުވާނާ ނިޔާވެފައި އޮއްވާ ފެނިފައިވާކަމަށެވެ.
އޭނާ ގެއްލިގެން އެމްއެންޑީއެފް އަށް ރިޕޯޓްކޮށްފައި ވަނީ މިއަދު މެންދުރު 14:43 ގައެވެ.
އެ ޒުވާނާ ފެނުނީ އެމްއެންޑީއެފްގެ ޑައިވަރުންނަށެވެ. އޭނާ ފެނުނުއިރުވެސް ހަރަކާތް ނުކުރާ ކަމަށް މައުލޫމާތު ލިބެއެވެ.
ހިތަދޫ ރީޖަނަލް ހޮސްޕިޓަލުގައި މަސައްކަތް ކުރާ ޑޮކްޓަރުންނާއި ހަވާލާދީ ހޮސްޕިޓަލުން މައުލޫމާތުދިންގޮތުގައި، އެ ޒުވާނާ ހޮސްޕިޓަލަށް ގެނައިއިރުވެސް އޮތީ ނިޔާވެފައެވެ.
އެމްއެންޑީއެފް އިން ވިދާޅުވިގޮތުގައި، ހަންކެޑެ ބުރިޖު ސަރަަހައްދަށް މޫދަށް އެ ޒުވާނާ ދިޔައީ އިތުރު ދެ ކުއްޖަކާއި އެކުގައެވެ.
މައުލޫމާތު ލިބޭގޮތުގައި، އެ ޒުވާނާއަކީ އައްޑޫ ހައި ސްކޫލްގެ ގްރޭޑް 12ގައި ކިޔަވަމުންދާ ޒުވާނެކެވެ. އޭނާ ގެއްލުނީ ދަރިވަރުންތަކަކާއެކު ދަތުރެއްގައި ގޮސް އުޅެނިކޮށް ކަމަށް މައުލޫމާތު ލިބެއެވެ.
ނިޔާވީ ގއ. ދާންދޫ ޖަވާހިރުމާގެ އަހުމަދު ޖައިޝަންއެވެ.
ޢެ ކުދިންނޭތޯ؟
ފުރަތަމަ ގެއްލުނީ އައްޑޫގެ ޒުވާނެއް. އިބޫ ސަރުކާރުން ހޯދާނެކަމަށް އުންމީދުކުރަން
ކޮންމެ ކަމެއްވެސް ސިޔާސީ ކުރެވޭތޯ ބަލާތި?♀️
ހުރިހާ ކަމެއް ސިޔާސީ ނުކޮށްބަލަ.. އިބޫ ބުނެގެންތަ އޭނަ މޫދަށް ދިޔައީ..
ރައީސް ޔާމީން ސަރުކާރުގަ ވީކަމެއްނަމަ އެކުއްޖާ ގެއްލުވާލީ ޔާމީނޭތަ ބުނާނި
ކޮންމެ ކަމެއް ސިޔާސީ ކުރަން ނޫޅެބަލަ ދޯ
ވަރަށް ދެރަ ވެެއޖެ. ޢިބޫ ގެ ސަރުކާރު މި ފެށުނީ ވެސް އައްޑޫ ޒުވާނެއްގެ މަރާއެކު
100 ދުވަހުން 100 މަރު ހަމަކޮށްލާތި...އައްޑޫއަށް ކެބިނެޓުން ޖާގައެއް ނުދީގެން އައްޑޫ މީހުން ރުޅިގަދަވެފަ ތިއްބަ ފޯކަސް ގެއްލުވާލަން ގަސްތުގަ ކުރިކަމެއް މިއީ..އެއްވެސް ޝައްކެތް ނެތް.
ހާދަ ހަޔާތް ކުޑަ ވާހަކައެކޭ ތިދެއްކީ. ޢެއޮތީނު ލިޔެފަ ސްކޫލް ކުދިންނާއި އެކު ކުރި ދަތުރެއްގައޭ. ޢޭނަ ގަސްތުގަތަ މަރުވީ؟ ނުވިސްނޭ މީހާ! ކޮންމެ ކަމެއްވެސް ސިޔާސީ ކުރެވޭތޯ ބަލާ.
ވަރަށް ދެރައެވެ. ޔާ ﷲ! އެޒުވާނާގެ ފާފަ ފުއްސަވައި، ރަޙުމަތް ލައްވަވާ، ސުވަރުގޭގެ ދާއިމީ ނިޢުމަތް މިންވަރު ކުރައްވައި، ޢާއިލާއަށް ކެތްތެރިކަން މިންވަރު ކުރައްވާށި! އާމީން
އެކުއްޖާ ގެއލުވާލީ އިބޫ ސަރުކާރުން ކުރިކަމަކުން ބާ. ކޮންމެ ކަމެއް ވެސް ސިޔާސީ ކުރަން ތި އުޅެނީ ކޮން ނިޔަތެއް ހިތުލައިގެންބާ
އިބޫ ސަރުކާރުގެ ފުރަތަމަ ދުވަސް.
ވެރިކަމަށް އެއް ދުވަސް އެއް މަރު
ޑެރަކަމެހ
ހިތާމަ ހުރި!