"މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީގުކުރާ ކޮމިޝަން" އިން ބަލަމުންދާ މައްސަލަތަކަށް ޕްރޮފެސަރ ހަސަން އުގެއިލްގެ އެހީތެރިކަން ހޯދަން ފަށައިފިއެވެ.

އެކަން ހާމަކޮށްފައި ވަނީ އެ ކޮމިޝަންގެ ރައީސް ހުސްނުއްސުއޫދެވެ.

އޭނާ މިއަދު ޓްވިޓާ މެދުވެރިކޮށް ވިދާޅުވީ، ކޮމިޝަނުން ކުރާ ތަހުގީގުތަކަށް ހޯދަން ބޭނުންވާ މީހުންގެ މަސައްކަތަށް އުގެއިލްގެ އެހީ ހޯދަމުން އަންނަ ކަމަށެވެ.

We are working with Prof @ugail on the identification of some suspects. https://t.co/5vaBAlSsyF

— Husnu Al Suood (@hsuood) January 22, 2019

އެ ކޮމިޝަނުން މިހާރު ބެލުމަށް ނިންމާފައިވަނީ 24 މައްސަލައެކެވެ. އޭގެ ތެރޭގައި ޑރ. އަފްރާޝީމް އަލީގެ މަރުގެ މައްސަލައާއި، އަޙުމަދު ރިލްވާން ގެއްލުމުގެ ޙާދިސާ އާއި، ޔާމީން ރަޝީދުގެ މަރުގެ މައްސަލަ އަދި ރައުދާ އާތިފުގެ މަރުގެ މައްސަލަ ހިމެއެވެ.

ހަމައެހެންމެ، ޖަލުތަކާއި، ކުޑަކުދިންގެ ހިޔާ އަދި ހާއްސަ އެހީއަށް ބޭނުންވާ މީހުންގެ މަރުކަޒުގައި ބައެއް މީހުން މަރުވި މައްސަލަތައްވެސް ބަލާނެއެވެ.

އެ ކޮމިޝަނުން ބަލަމުންދާ މައްސަލަތަކުގެ ތެރެއިން އަފްރާޝީމް އަލީ އަވަހާރިކޮށްލި މައްސަލައާ ގުޅުން ހުރި ދެ މީހަކު ހޯދުމަށް އާއްމުންގެ އެހީއަށް އެ ކޮމިޝަނުން ވަނީ އެދިފައެވެ.

އެ ކޮމިޝަނުން އިއްޔެ ކުރެއްވި ޓްވީޓެއްގައި ހޯދަމުންދާ ދެ މީހުން ފެންނަ ވަރަށް ނުސާފް ވީޑިއޯއެއް ވަނީ ލާފައެވެ. އެ ވީޑިއޯއިން އެއީ ކޮން ބައެއް ދެނެނުގަނެވެއެވެ.

ނަމަވެސް އެ ކޮމިޝަނުން ބުނީ، އެ ދެ މީހުންނާ ގުޅޭ އެއްވެސް މައުލޫމާތެއް ލިބިފައިވާ ނަަމަ އެ ކޮމިޝަނަށް ގުޅައިގެން އެންގުމަށެވެ.

I met members of the @DdcomMdv during my recent visit to the #Maldives. I had a chance to preview some of the material related to the cases being investigated and I have pledged my full support for free to the commission. Together we shall solve them. Insha Allah.

— Professor Ugail (@ugail) January 22, 2019

އުގައިލްވެސް ވަނީ މަރުގެ ކޮމިޝަންއާ ބައްދަލުވި ކަމަށާޢި އަދި މަރުތަކާ ބެހޭ ހެއްކާއި ގަރީނާތައް ބަލާލާފައިވާ ކަމަށާއި އަދި މިމައްސަލަތައް ތަޙްޤީޤް ކުރުމުގައި ފުރިހަމަ އެއްބާރުލުން ދެއްވާނެ ކަމަށްވަނީ ވިދާޅުވެފައެވެ.