2023 ވަނަ އަހަރު ޕީޕީއެމްގެ ފަރާތުން ރިޔާސީ އިންތިޚާބުގައި ވާދަކުރާނެ، އެޕާޓީގެ ރިޔާސީ ކެންޑިޑޭޓަކީ ކުރީގެ ރައީސް އަބްދުﷲ ޔާމީން ކަމަށް ގުރައިދޫ ދާއިރާގެ މެންބަރު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވީ 2023 ވަނަ އަހަރު ރާއްޖޭގައި އޮންނަ ރިޔާސީ އިންތިޚާބުގައި ވޯޓް ދޭނެ ކެންޑިޑޭޓެއް ހޮވަން ޓްވިޓާގައި ކުރިއަށް ގެންދިޔަ ޚިޔާލު ހޯދުމުގެ ވޯޓެއް ބޮޑު ތަފާތަކުން ޣައްސާން ކާމިޔާބު ކުރެއްވުމުން "ވަގުތު" ގައި ގެނެސްދީފައިވާ ޚަބަރެއް މިއަދު ޓްވީޓް ކުރައްވަމުންނެވެ.
ޣައްސާން ވިދާޅުވީ ޕީޕީއެމްގެ ރިޔާސީ ކެންޑިޑޭޓަކީ ރައީސް ޔާމީން ކަމަށް ޕީޕީއެމްގެ ކައުންސިލުން އޮންނާނީ ނިންމާފައި ކަމަށެވެ. މިއަދު އެހެން އަނެއްކާވެސް ވިދާޅުވީ އެކަން ސާފުކޮށްދިނުމަށް ކަމަށް ޣައްސާންގެ ޓްވީޓްގައި ވެއެވެ.
ރައްޔިތުން މަޖިލީހުގެ ކުރީގެ މެންބަރު އަލްހާން ފަހްމީ އަށް ތާއިދުކުރާ ޓްވިޓާ އެކައުންޓަކުން ކުރިއަށް ގެންދިޔަ ޚިޔާލު ހޯދުމުގެ ވޯޓްގައި ސުވާލު ކޮށްފައި ވަނީ 2023 ވަނަ އަހަރު އޮންނަ ރިޔާސީ އިންތިޚާބުގައި ވޯޓް ދޭނެ ކެންޑިޑޭޓަކާއި ގުޅޭ ގޮތުންނެވެ.
އެވޯޓްގައި ހަތަރު ކެންޑިޑޭޓެއްގެ ނަން ހުށަހަޅާފައި އޮތެވެ. އެއީ ޕީޕީއެމްގެ ކެންޑިޑޭޓެއްގެ ގޮތުގައި ޣައްސާން، އެމްޑީޕީގެ ކެންޑިޑޭޓެއްގެ ރައީސް މުހައްމަދު ނަޝީދު، ޖޭޕީގެ ކެންޑިޑޭޓެއްގެ ގޮތުގައި ގާސިމް އިބްރާހިމް އަދި މިނިވަން ކެންޑިޑޭޓެއްގެ ގޮތުގައި އަލްހާން ފަހްމީއެވެ.
ނަތީޖާ ދައްކާ ގޮތުގައި ވޯޓް ދިން 2129 މީހުންގެ ތެރެއިން %51.9 މީހުން ބުނެފައި ވަނީ އެމީހުން ވޯޓް ދޭނީ ޣައްސާނަށް ކަމަށެވެ. ވޯޓްގައި ދެވަނަ އަށް ދިޔައީ އަލްހާނެވެ. އަލްހާނަށް %23.2 މީހުން ވޯޓް ދީފައި ވެއެވެ. ރައީސް ނަޝީދަށް %18.7 މީހުން ވޯޓް ދީފައި ވާއިރު ގާސިމަށް ވޯޓް ދިނީ %6.1 މީހުންނެވެ.
PPM ge 2023 Riyaasee Candidate akee Raees Abdulla Yameen Abdul Gayoom. Eyee Party Council in alhugandumen nimmaafa oih goih. Hama saafkolla dhinee. https://t.co/HLRU9KKzHZ
— Mohamed Ghassan Maumoon (@mgmaumoon) July 16, 2020
ކުރީގެ ރައީސް ޔާމީން ޖަލު ޙުކުމެއް ތަންފީޒު ކުރައްވަމުން ގެންދަވާނީ މިވަގުތު ހާލަތު އޮތްގޮތުން އެމަނިކުފާނަށް ރިޔާސީ އިންތިޚާބުގައި ވާދައެއް ނުކުރެއްވޭނެއެވެ. ރައީސް ޔާމީނަށް އިންތިޚާބުގައި ވާދަނުކުރެއްވޭނަމަ އެމަނިކުފާނު ތާއިދު ކުރައްވާނީ ޣައްސާން ރިޔާސީ އިންތިޚާބުގައި ވާދަކުރައްވަން ކަމަށް ބައެއް ފަރާތްތަކުން ބުނެއެވެ.
ރިޔާސީ ކެނޑިޑޭޓަކީ ޔާމީން! އެހެން ނުވެއްޖެނަމަ ޔާމީން ދެއްކި ފަރާތަކަށް އަހުރެެމެން ވޯޓުދޭން ތައްޔާރު! ޣައްސާނު މިހާރު އެހުންނެވީ ސިޔާސީ ދާއިރާއަށް ފަރިތަވެލައްވައިގެން! ޔާމީންގެ ހިންގުންތެރިކަން ޣައްސާނުގެވެސް މިހާރު ހުންނާނެ!
ހަމަ އަސްލުވެސް ޕީޕީއެމްގެ ރިޔާސީ ކެންޑިޑޭޓަކީ ރައީސް ޔާމީނު.....ޣައްސާނު ރަންކޮޅާ މޮޔަ
ނުގޮވާ ހުރެބަލަ ޔާމީނަކަށް 2023 ގައި ރާއްޖޭގެ ރައީސުލް ޖުމްހޫރިއްޔާކަމުގެ މަޤާމަކަށްކުރި
މަތިނުލެވޭނެ ހަމައެކަނި ހުންނަވާނީ ރައީސް ނަޝީދު
އޯކޭ.. އިބޫ ވެސް އެމްޑީޕީއިން ތިޔަހެންކީ އިލެކްޝަންއިން އިންތިޚާބު އިޢުލާނުކުރަންދެންވެސް.. ތިޔަ ކިޔަނީ ދަންނަ ލަވައެއް އިނގޭތޯ
އަހަރުމެން އެންމެ ބޭނުންވަނީ މިގައުމު ތަރަށްގީކޮށްދެއްވި ރައީސްޔާމީން ވެރިކަމަށް ގެންނަން އެއީ އެންމެބޭނުންވާ ކަންތަށް .
ކިތަންމެވަރަކަށް ޣައްސާނު ޕްރަމޯޓް ކުރަން އުޅުނަސް ބަލައެއްނުގަންނަން!
ރައީސް ޔާމީނަށް ކުރިމަތި ނުލެއްވޭހާލަތެއްގައި ޣައްސާނު ކުރިމަތި ލެއްވުމަ ކުން މައްސައެއް ނެތެވެ ޣައްސާނަ ކީ ވަތަނީ ބޭފުޅެ ކެކކެވެ މިހާތަނަށް ޕާފޯމް ކުރައްވާފައިވަނީ އާއްމު މަސްލަހަތުގައެވެ އަމިއްލަ މަސްލަހަތުއިސް ކުރެއްވިތަނެއް ފެންނާ ކަށް ނެތެވެ އެހެން ކަމުން ވެރި ކަމަށްވާދަ ކކުރެއްވުމަށް ވަރަށް އެ ކަށޭނަ ބޭފުޅެ ކެވެ.
ސަތޭކައިގެ ވާހަކަފުޅެއް